ÉXODO 16:34 - Enhlit Bible

³⁴ Apquilyiplovcasquic nic nat apcanama Dios Apyimtalhnamo. Appiquinquic nic nat Aarón as alhancoc (valhva apquitcoc) congne yamit aysicsic acyitnamaclha Dios appayvam, colhic sat actamilsa.

ÉXODO 16:34 Iomraidhean Croise

1 REYES 8:9

Inyitnec nic nat avalhoc yamit aysicsic anit mataymong alpayjem acnatalhesomalhca Dios appayvam. Moisés nic nat appicanma avalhoc yamit aysicsic. Netin inquilhe Horeb nic nat apnac, naysicsa apquillanay nic nat Dios asoc monquinatquiscama actemaclha apmayjayoclha nipyesicsa enlhitaoc Israel. Natamin apquilyamasma yoclhilhma Egipto ilhnic nat intomjac.

ÉXODO 25:16

Ipquin sat avalhoc maa anit mataymong nicjaa acnatalhesomalhca siyanamaclha.

ÉXODO 25:21

Ipquin sat avalhoc yamit aysicsic siyanamaclha actalhesomalhca, ingyapiclha sat atong yamit aysicsic.

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

ÉXODO 30:36

Ilticlhic sat nicja acmasis cotniclhac anic. Ipquin sat nicja congne aplhancoc apponquinomap acyitnamaclha yamit aysicsic avalhoc maa Dios appayvam, moc acvisay sicpamejitquiscamaclha lhip. Cotnejic sat asoc santísimo acponquinomalhca.

ÉXODO 30:6

Ipquin sat altar, coytic sat jilip apava apjalhtamomap acyitnamaclha yamit aysicsic avalhoc maa Dios appayvam. Payjoc acyitnamaclha ayapma atong yamit aysicsic, sicmaclha coo yoyam opamejitsic mataa lhip.

ÉXODO 31:18

Appenasquic nic nat Dios appamejitquiscama Moisés netin inquilhe acvinatem. Aplhocac nic nat Moisés anit mataymong nicja actalhesamalhca. Dios Visqui ingac nic nat aptalhescama singanamaclha appayvam.

ÉXODO 38:21

Apnec nic nat Moisés, najan Itamar, sacerdote Aarón apquitca, najan levitas. Apquilanyacpec nic nat levitas elyipsitic acyovoclhojo metales (oro, plata y bronce) apquilanomap carpa santuario apponquinomap.

ÉXODO 40:20

Appiquinquic nic nat Moisés mataymong nicjaa mactalhescama avalhoc yamit aysicsic. Apcatcasquic nic nat alhataoc yamit ningmaycaoc (ninsoyam). Appiquenaclhec nic nat yamit aysicsic apvalhoc carpa apponquinomap. Apquilhnesquic nic nat apava apjalhtamomap. Actomja ilhnic nat mongvitay yamit aysicsic. Apyiplovcasquic nic nat Moisés apcanamaclha siclho Dios.

NÚMEROS 1:50

Ilane sat levitas eltimesam carpa apponquinomap najan eltamilsic acyovoclhojo apquilmaycam congne carpa apponquinomap. Elpatmaoclhac sat mataa apquilmaycam najan apyovoclhojo carpa apponquinomap. Incaymalhquic ellanac mataa aplhanaoc tingma nipyava tingma apponquinomap.

NÚMEROS 1:53

Elhnam sat mataa levitas nipyava carpa apponquinomap, eltamilsic sat maa, yoyam melsilhnanacpejec apnaymacoc ayinyema aplom pac Dios Visqui ingac.

NÚMEROS 17:10

Aptomjac nic nat Dios apcanya Moisés: Ipquinvoclha sat yamit ayitcoc apanco Aarón avalhoc yamit aysicsic acyitnamaclha Dios appayvam. Coytic sat maa actemaclha acyitnama ingatic enlhitaoc apquiltemaclha apquilinmelhaycam. Comascoc sat apquiltemaclha sevenneycam, melitsepejec sat maa enlhitaoc — nic nat aptomjac.

DEUTERONOMIO 10:5

Actipquic alhta mocjam inquilhe acvinatem. Acpiquinquic alhta mataymong nicjaa avalhoc yamit aysicsic, acno siyanyomalhca otnejic. Yitnec mocjam maa as ningvamlha nac jay — nic nat aptomjac Moisés.