ÉXODO 15:9 - Enhlit Bible

⁹ Apquiltomjac alhta cotnaja ingmoc: Pac ongminlhinam, yoyam ongilmoc. Ongilmilascoc sat asoc altamila apquilyamasma, acvaycmo singastingam. Cosovjalhcac sat ayitsepma ingnenyic. Onlicoc sat sovo acvinatem, yoyam onsavojo ningilnapma — alhta apquiltomjac cotnaja ingmoc.

ÉXODO 15:9 Iomraidhean Croise

GÉNESIS 49:27

Benjamín aptomja malha asoc navjac aclom. Intovquic mataa alhtoo acyamonquilhma. Actalhnam sat emlascoc asoc apsayquinta —nic nat intomjac appayvam Jacob.

2 SAMUEL 22:38

Acminlhinquic cotnaja ingmoc. Acsovjoquic alhta silnapma amamyi sictajemo.

1 REYES 19:2

Yejemoc nic nat ayapajasa amyaa quilvana apnaclha Elías. Aptomjac nic nat apsovm amyaa apcanya: —Lha intomjac apvisqui aptava: secaseclha sat ematong lhip. Colhojoc sat actemaclha alhta apticyovam enaymacoc profetas. Am sat ancoc cotnajac actemaclha siclhanma, olngamcojoc sat acyanmongayclha ayinyema quilaycmasquiscama acyitsomalhca dios — lha intomjac — nic nat aptomjac.

1 REYES 20:10

Apcapajasquic nic nat Ben-adad, colhic altimnasa apvisqui Acab: Osavojoc sat sictovascama tingma Samaria. Melvityejec sat enaymacoc asoc ayitcoc, paj najan lhopactic, yoyam elsaclhac apquiltajayclha. Nasoc coo sicpayvam aclingay quilaycmasquiscama acyitsomalhca dios — nic lhac apvisqui — nic nat apquiltomjac.

ÉXODO 14:5

Innec nic nat altimnasa amyaa apvisqui co Egipto actemaclha apquinyajaycaoc enlhitaoc Israel. Inyimtilhec nic nat apvalhoc apvisqui faraón najan apquilvalhoc apquilancam. Apquilpamejitsacpec nic nat: ¿Soc lha actema ningilapajasa alhta enlhitaoc Israel naysicsa singiltimesaycam? — nic nat apquiltomjac.

PROVERBIOS 16:19

Intasi nac actamilaycam ingvalhoc nipyesicsa enlhit mepqui apquilnatam, am colhno cascama ningilnatam nipyesicsa enlhit ayajamalhco apquilvalhoc.

ISAÍAS 36:20

Covanquejec mataa quilaycmasquiscama colmeyvoc enlhitaoc apquilaoclha, apquilimpocja inlhojo apvisqui co Asiria. ¿Naso ya Dios Visqui apancaoc quellhip elmeyvoc apyovoclhojo tingma Jerusalén? — nic nat aptomjac co Asiria.

ISAÍAS 53:12

Etnejic sat apyimnatem apanco. Elmoc enlhitaoc apquilyimtalhnamo. Ingyilhpansic sat asoc almomalhca nipyesicsa apnaymacoc apquilyimnatem. Ayinyemaclha am alhta emyavac acyimnatem apnenyic acvocmo apmatnam. Innec alhta altamjamco apmapsom. Aplingamcoc alhta acmasca, malha appatam acyimtalhnama ayinyema mongilyascalhma ninlhamoclhojo. Apquilmalhnescasquic alhta mataa apquiltomja apquilsilhnanomap apanco.

JEREMÍAS 46:17

Eltime sat moc apvisay faraón apvisqui co Egipto, eltime sat apvisay: Mepqui apmopvan avanjec appayvam — sat eltime.

HABACUC 3:14

Apyinjac lhip yanca apancaoc, apmatnec alhta apvisqui apancaoc. Apquilimpocjac alhta nolhing apcapaoc, malha yatepiyam, yoyam enatovasacpoc enlhit mepqui apquilmaycam apnaycam apquilyilhanmomaclha.

SAN LUCAS 11:22

Apvaac sat ancoc enlhit aptomja apyimnatem apanco, ematong sat enlhit aptomja apcasinancama apquilmaycam. Colmalhcac sat apquilmaycam. Comlascalhcac sat apquilmaycam.

JUECES 5:30

Nasoc lhaja apquilmilasictem apquilnatam, apquilvita nipyesicsa cotnaja ingmoc naysicsa apquilimpocjay. Lhama quilvana acmomalhca, tasic najan anit quilvanaa elhcac sat moclhama enlhit apquilimpocjay. Elhcac sat Sísara apava apma aptalhamavo, lhama apava, tasic najan apcanit apma aptalhamavo. Elhcac sat enlhit apyimnatem apvascapma — alhta intomjac acpametamcaa.

1 SAMUEL 30:8

Aptomjac nic nat David apquilmalhnaycam Dios: —¿Ingvanqui ya ongminlhinam as enlhitaoc apquilmapsomcaa najan apquilminyilhma? ¿Ingvanqui ya ongilmoc? — nic nat aptomjac David. Apcatingmavoc nic nat Dios: —¡Elminlhinaoc maa! Elvomquis tap apnaymacoc najan quilvanaa almomalhca — nic nat aptomjac.