ÉXODO 15:6 - Enhlit Bible

⁶ Apmopvan innac lhip Dios Apyimtalhnamo, acyimnatem anco lhip apmic. Lhip apmic acyimnatem ayinyema apmascoscama cotnaja ingmoc.

ÉXODO 15:6 Iomraidhean Croise

SALMOS 17:7

Jeyascasingvom actemaclha singasicjayo. Lhip aptomja apmasma enlhitaoc apquilyilhanmeycam apnaclha lhip. Apmasma nipyesicsa apquilmapsomcaa (napatavo apquilmapsomcaa).

SALMOS 2:9

Eyanmongsiclhac sat lhip apquiltemaclha maa. Itipilcam sat memong yayem vajic. Iltipilcam sat enlhitaoc malha ningilpalhcatma yatingvalhva sat cotnejic — alhta aptomjac.

SALMOS 24:8

¿Soc enlhit apvisay Apvisqui apyimtalhnamo? Apvisay Dios Visqui ingac, aptomja apyimnatem apanco najan apmopvan apanco. Apvisqui apyimnatem apanco naysicsa apquilnapomap.

SALMOS 44:3

Am nic nat conyemac apquilyimnatem ningilyeyjamcaa. Lhip nic nat ayinyema apquilyimnatem. Aptimesquiscama nic nat apquilyimtalhnamo. Ayinyema ilhnic nat lhip apquilasicjayo.

SALMOS 44:4

Lhip nac Dios Visqui ingac quilhvo nac jay. Ilane sat eltimjic mataa apquilyimnatem enlhitaoc Israel (Jacob apmolhama).

SALMOS 60:5

Apmopvan innac lhip. Jingilvomquis tap nincoo ningiltomja ningevoycam lhip. Lhip aptomja singilasicjayo.

SALMOS 74:11

¿So actomja yi apmiyova nac lhip apmopvan apanco? ¿So actomja yi apmiyova nac lhip apectengaoc yoyam jingilpasmoc?

SALMOS 77:10

Inlhenquic evalhoc: —Moc aptemaclha apanco Visqui ingac. Avanjec aclingaycamco evalhoc.

SALMOS 89:14

Appeyvomo apanco lhip ayinyema apna netin apvisqui aptajanem. Appeyvomo najan singasicjayo ayinyema mataa lhip.

SALMOS 98:1

Elminaycmas sat alhnancoc ningminaycmascama. Visqui ingac aptamjaycam simpilapquiscama. Apyimnatem apanco ayinyema apmopvan. Acyitsomalhca apectong acyimnatem.

ÉXODO 15:11

Apvamlha pac lhama apyimtalhnamo lhip Dios Apyimtalhnamo. Mepqui acyimtalhnamo quilaycmasquiscama acyitsomalhca dios. Apyimtalhnamo apanco lhip, mayayo santo, am elhno poc. Apmopvan lhip ellana asoc simpilapquiscama, acyiplomo acyivey ningay.

ÉXODO 15:12

Appeyvaseclhec alhta lhip apectong, yejemoc apquilvayvamco. Malha acnasipma intomjac as nalhpop.

ÉXODO 15:16

Dios Apyimtalhnamo. Ingyane sat colpilapmoc apquilvalhoc apyovoclhojo. Ingyane sat elacac enlhitaoc. Colhic sat alyitquisa malha mataymong. Ayinyema lhip apmopvan, malha apmic acyimnatem. Yoyam elmilanic lhip apnaymacoc. Apquilvisay enlhitaoc lhip apquilyacyescama.

ÉXODO 18:8

Apquiltimnasquic nic nat Moisés amyaa aplhenacpo apvisqui faraón, najan apquillhalhmaa egipcios, najan apquillhenacpoc enlhitaoc Israel. Actemaclha ilhnic nat nalhit amay najan actemaclha apquilmasma Dios Apyimtalhnamo.

ÉXODO 3:20

Coo sat otnejic sicyimtalhnamo malha sicpayescama emic. Evanquic olascacsic sat apyimpeoc co Egipto. Elvitac sat aclhamoclhojo asoc monquinatquiscama yoyam olana nipyesicsa. Natamin memyovejec sat apvisqui co Egipto elyacsic quellhip.

ÉXODO 6:1

Aptomjac nic nat Dios Apyimtalhnamo apcanya: —Etac sat lhip quilhvoc sictomjaclha napatoc apvisqui faraón. Elngamcojoc sat sicmovan, malha emic acyimtalhnama sat cotnejic. Memyovejec sat faraón elyinyoc as enlhitaoc. Elantipsic sat as yoclhilhma — nic nat aptomjac.

ISAÍAS 30:14

Colhojoc sat quellhip macnatovascama, malha valhva aptipilquem. Etpilcacpoc sat apyovoclhojo, mongvityejec sat nipva, yoyam onlicoc atilh, yoyam ongyacvesic yingmin — alhta aptomjac Visqui ingac — nic nat aptomjac profeta.

ISAÍAS 51:9

Apquiltomjac alhta quellhip: ¡Visqui ingac, ilhaticja, ilhaticja! ¡Itasquis sat aptemaclha apmopvan, acno aptomjaclha lhip nanoc nat! Lhip nic nat apcajem najan aptovascama sinavocpo Rahab, acvisay nimisma acyivey payjoc yingmin acvanyam.

ISAÍAS 52:10

Apvitascasquic actemaclha apyimnatem, malha apyascama netin apmic. Apquilvitac aplhamoclhojo enlhitaoc lhalhma anco. Apquilanoc singvomquiscama tap apquinyema Dios Visqui ingac.

ISAÍAS 63:12

Aptomjac nic nat aplhalhma Moisés acyiplomo apmopvan apanco. Aptomja apquilhpanma yingmin acvanyam elmilanic apnaymacoc, actemaclha simpilapquiscama cotmongvoycamlha nelha.

JEREMÍAS 13:14

Onatovacsic sat apyovoclhojo, acno nimpalhcatma valhva sat cotnejic, eticyoc sat enlhitaoc najan apquitquic. Mepqui siyasicjayquiclha sat cotnejic, mepqui siyimlayquiclha, mepqui sicmasma — alhta aptomjac Visqui ingac.

SAN MATEO 6:13

Nongyane nasa ongilyejiclhojo singyipconma. Jingmiyov nincoo naysicsa acvoya somquic quilyicjamo. [Apvamlha pac lhip aptomja Apvisqui najan acma apmopvan najan mayayo cotmongvoycamlha nelha. Amén.]

EL APOCALIPSIS 2:27

Esovc sat apmic memong yayem vajic naysicsa apcanem enlhitaoc. Etpilcacpojoc sat enlhitaoc, malha valhva aptipilcomap sat cotnejic. Acno coo lha semquescama sicmovan coo Tata,

1 SAMUEL 2:10

Aptovasquic mataa Dios cotnaja ingmoc. Enatovasacpoc sat ayinyema ayilhtingyavoyam netin. Aptomja apyicpilquemo apyovoclhojo enlhitaoc as nalhpop. Aptomja apyimnatescama apvisqui rey malyacyescama. Colhic mataa ayaco najan apmopvan — nic nat intomjac almalhnancama Ana.