ÉXODO 15:25 - Enhlit Bible

²⁵ Apyimnatasquic nic nat appayvam Moisés, apquilmalhna yingmin etingyasquisic Dios Apyimtalhnamo. Innec nic nat aclhicmosa yamit Moisés. Apyinyovquic nic nat Moisés as yamit congne yingmin. Intomjaclhec nic nat acmasis yingmin. Apyipconquic nic nat Dios Apyimtalhnamo apquiltemaclha enlhitaoc. Aptomjac nic nat appayvam Dios Apyimtalhnamo apcanamaclha, yoyam elyiplovcasojo.

ÉXODO 15:25 Iomraidhean Croise

2 REYES 2:21

Apmiyaclhec nic nat profeta acyitnamaclha yingmin tap tingma. Apquilhaquic nic nat yasic congne yingmin. Aptomjac nic nat apcanya: —Eycaso aplhanma Dios: Actamilquiscacmec coo as yingmin. Comascoc sat alitsepaycaoc ayitcoc, comascoc sat ningmasquem — intomjac appayvam Dios — nic nat aptomjac profeta.

2 REYES 4:41

Aptomjac nic nat Eliseo apcanya: —Jelsantimquis sat harina motajap — nic nat aptomjac. Appalhacasquic nic nat harina apquitcoc apvalhoc vaynca, aptomja apcanya: — ¡Ilyacves sat nintom actamila, yoyam eltovamcoc enaymacoc! — nic nat aptomjac. Aptovcamquic nic nat apnaymacoc, nintom acmasom actomjayclho ilhnic nat acmasis.

2 REYES 6:6

Aptomjac nic nat profeta Dios aplingascama apcanya: —¿Jalhco actiyamlha tava? — nic nat aptomjac. Aplhicmosquic nic nat actiyamlha. Yejemoc nic nat apyatemena yamit ayitcoc. Apyinyovquic nic nat nayingmin actiyamlha tava. Pilapcasquic nic nat actepa tava acyitna netin yingmin.

SALMOS 50:15

Jelilmalhnam coo naysicsa apquillingaycamco acyimtalhnama. Olvomsic sat tap quellhip, yoyam jeltimjic selayo quellhip — alhta aptomjac Visqui ingac Dios.

SALMOS 66:10

Dios Visqui ingac. Lhip aptomja singyicpilquemo apyipcona ingilvalhoc. Lhip aptomja singiltamescama. Acno singiltimesquiscama ningiltamila.

SALMOS 81:7

Acjalhnoc coo apquilmalhnancama quellhip. Alvomcasquic tap quellhip. Ayatingmavoc alhta naysicsa ayilhtingyavoyam yipjopay (sicyilhanmeycam). Alyipconquic alhta quellhip acyitnamaclha yingmin Meriba.

SALMOS 91:15

Olyejiclhojoc sat selmalhna inlhojo asoc. Opasmoc sat naysicsa aplingaycamco acyimtalhnama. Ovomsic sat tap. Colhic sat ayaco apvisay.

SALMOS 99:6

Sacerdotes nic nat apvisay Moisés najan Aarón. Aptimec nic nat apcayo Visqui ingac (profeta) Samuel. Apcatingmavoc nic nat mataa Visqui ingac, apquililmalhna inlhojo yoyam elpasmoc.

ÉXODO 14:10

Pilapcasquic nic nat enlhitaoc Israel apquilvita niptamin apquilimjayam co Egipto. Avanjec nic nat apquilay enlhitaoc Israel. Apquilpalhamam nic nat napato Dios Apyimtalhnamo.

ÉXODO 16:4

Aptomjac nic nat Dios apcanya Moisés: —Quip ilanojo. Olapajacsic sat nintom ayinyema netin. Malha acmamay sat cotnejic. Incaymalhquic enlhitaoc elansiclhac mataa nintom acmenmalhem lhama acnim. Elhnasojoc sat mataa aclhamoclhojo acnim. Pac oyipconic apquiltemaclha enlhitaoc. Nasoc lhaja elyiplovcasojo siyanamaclha, paj lhaja.

ÉXODO 17:4

Aptomjac nic nat Moisés apcanya Dios Apyimtalhnamo: —¿Jalhco sat otnejic coo? Inquitlhincasquic yoyam omatong — nic nat aptomjac Moisés.

ÉXODO 20:20

Apcatingmavoc nic nat Moisés: —Noela nasa quellhip. Apquiltamjoc eyasamcojo Dios Apyimtalhnamo apquiltemaclha quellhip. Apquiltamjoc elavojoc mataa quellhip yoyam eltamilsacpojo apanco quellhip — nic nat aptomjac.

PROVERBIOS 17:3

Talha actomja ayalhnascama plata najan oro alyinmom. Visqui ingac aptomja appiquinayclha ayalhnaclhojo ingilvalhoc nincoo.

JEREMÍAS 15:1

Aptomjac alhta Dios Apyimtalhnamo seyanya coo: Mongvasicjiclhejec sat mocjam as enlhitaoc, sicvita inlhojo sicnaclha coo Moisés najan Samuel, yoyam jelmalhnesquisic. Ilapajas sat lhip apyovoclhojo enlhitaoc, jelyamyiclhac sat, elinyajaoc sat.

JEREMÍAS 9:7

Aptomjac mocjam Visqui apyimtalhnamo: Acno nimpicanma congne talha tava apac, yoyam copayjiclhac sat, cotnejic actamila anco, olhnasojoc sat enlhit ajancaoc.

EZEQUIEL 47:7

Acvitac coo nicja yingmin netin inquilhe alimjaclha yamtaa.

EZEQUIEL 47:8

Aptomjac alhta seyanya: Inquinyec as yingmin payjoc actiyapmaclha acnim acvaycmo alvata Jordán, acvaycmo acyitnamaclha yingmin acvisay Yingmin Apac. Intalhnec as yingmin maa, comascoc sat apac yingmin, cotniclhac sat acmasis.

1 CORINTIOS 1:18

Apquilanayquic mataa napocja enlhitaoc cotnajac actamongvayclholhma amyaa apquitsepma Cristo netin asoc timyescama. Elnatovasacpoc sat as enlhitaoc. Am eyca ongilyascacmoc nincoo as amyaa, actomja Dios apmopvan yoyam jingilvomsic tap nincoo.

DEUTERONOMIO 13:3

Noelyejiclhojo nasa quellhip. Apquiltamjoc Dios elyipconic quellhip, eyasamcojo actemaclha apquilvalhoc quellhip najan apquilyiplovquiscama.

DEUTERONOMIO 8:16

Aptingyascasquic nat aptoycaoc Dios yoclhilhma actamopeycaoc acvisay maná. Am nic nat elvitayac mataa apquilyeyjamcaa quellhip. Apquiltamjoc nat Dios elyipconic quellhip. Yiplovcoc nat apquilmescama asoc ayaymomalhca.

DEUTERONOMIO 8:2

Colyitnam apatic quellhip niptamin alhta nalhit amay yoclhilhma actamopeycaoc acvaycmo cuarenta años. Apquiltamjoc alhta Dios elyipconic quellhip, najan actemaclha apquilvalhoc quellhip. Naso ya cotnejic apquilyiplovquiscama quellhip, paj lhaja.

JUECES 2:22

Apquiltamjoc nic nat Dios eyipconic enlhitaoc, nasoc sat elyiplovcasojoc apcanamaclha, paj lhaja. Apquilyiplovcasquic nic nat apquilyeyjamcaa.

JUECES 3:1

Eycaso ilhnic nat enlhitaoc actomja apquilaoclha melantipsomap napatavo enlhitaoc israelitas. Apquiltamjoc nic nat eyipconic Dios Visqui ingac apquiltemaclha israelitas aptovana, melvitay siclhoc nic nat apquilimpocjay yoclhilhma Canaán.

JUECES 3:4

Apquiltamjoc nic nat Dios Visqui ingac eyipconic israelitas actemaclha apquilyiplovquiscama singanamaclha Dios ayinyema Moisés, apquillhoy nic nat apquilyeyjamcaa.