ÉXODO 15:20 - Enhlit Bible

²⁰ Innec maa Aarón apyalhing acvisay María, quilvana profeta. Yitnec alhta pandereta, yoyam comnaycmacsic. Innalaclhec alhta acyovoclhojo quilvanaa acyiplomo panderetas ancaoc. Inticpalhquic alhta naysicsa acjalhyincayam.

ÉXODO 15:20 Iomraidhean Croise

GÉNESIS 31:27

Apyilhacpoc lhip apquinyaja mepqui seltimnascama coo. Evanquic alhta otnejic siclhalhma lhip acyiplomo acpayjayclha ingvalhoc najan ningilpayvascama yatalhpong najan ninticpaycam namoc.

2 SAMUEL 1:20

Noellingas nasa amyaa nipyesicsa cotnaja ingmoc tingma Gat. Noellingas nasa amyaa nipyesicsa cotnaja ingmoc apvalhoc tingma Ascalón. Colngalhquejec sat alitsovascama quilvanaa cotnaja ingmoc. Colngalhquejec sat alitsovascama altaycam quilvanaa cotnaja ingmoc.

2 SAMUEL 6:14

Avanjec nic nat apquiltaycam apvisqui David napato Dios. Appayjeycam nic nat aptalhnama apava apmopoy.

2 SAMUEL 6:16

Apquilvoctac nic nat tingma Jerusalén, David tingma pac. Inquilyajavoc nic nat atong ayitcoc quilvana Mical, Saúl apquitca. Invitac nic nat aptomjaclha apvisqui David, actemaclha apquiltaycam najan apnilhtingaycam netin napato Dios. Invennam nic nat avalhoc quilvana.

2 SAMUEL 6:5

Apquiltam nic nat naysicsa apquillhingam enlhitaoc najan apvisqui David. Apvitac nic nat Dios. Apquilpayvasquic nic nat aclhamoclhojo actemaclha apquilpayvascama yamit haya najan arpa yatalhpong najan salterios najan panderos najan flautas yamamoc najan címbolas apquilpayvascama.

2 REYES 22:14

Aplhinquic nic nat Hilcías, najan Ahicam, najan Acbor, najan Safán, najan Asaías. Apquiltiyaningvocmec nic nat quilvana profeta Hulda, Salum aptava, Ticva apquitca, Harhas aptavin, aptomja aptamilquiscama apava congne tingma apponquinomap. Tingma ac as quilvana Jerusalén, payjoc Segundo Barro. Apquiltvitac nic nat maa. Innec nic nat altimnasa amyaa.

1 CRÓNICAS 15:16

Apvisqui David nic nat apcanama nipyesicsa apquilmolhama apyapmayc, yoyam eltingyasquisic enlhit apquilminaycmascama najan apquilpayvascama arpas, salterios najan platillos. Colhic sat ayaco Dios acyiplomo apquilitsovascama.

1 CRÓNICAS 6:3

Amram apquitquic nic nat: Aarón, Moisés najan María. Aarón apquitquic nic nat: Nadab, Abiú, Eleazar najan Itamar.

NEHEMÍAS 6:14

Dios Visqui ajac. Noncolvonquim nasa aptemaclha apanco Sanbalat najan maa Tobías. ¡Noncolvonquim nasa acpayvam profeta quilvana Noadías najan poc profetas apquilpayvam, yoyam jelacsic coo! — alhta actomjac silmalhnamcaa coo.

SALMOS 149:3

Eltime apquilayo apvisay apanco naysicsa apquiljalhyincayam. Elminaycmas sat acyiplomo apquilpayvascama arpa najan panderas.

SALMOS 150:4

Eltime sat apquilayo naysicsa apquiljalhyincayam, acyiplomo panderas. Eltime sat apquilayo acyiplomo apquilpayvascama yamamoc najan yatalhpong.

SALMOS 30:11

Apvitac alhta lhip acmayovsa evalhoc. Yiplovcoc acyivey siyitsovascama. Apmascosquic lhip acmayovsa evalhoc. Aptimescasquic lhip siyitsovascama, malha fiesta intomjac.

SALMOS 68:11

Aplingasquic nic nat Visqui ingac lhama amyaa. Inlingalhquic nic nat amyaa quilvanaa alpayescama:

SALMOS 68:25

Apquilmamyi apquillhinga apquilminaycmascama. Niptamin apquillhinga apquilpayvascama. Naysicsa allhinga quilvana ayitcoc alticpaycam tamborín (panderetas).

SALMOS 68:26

Eltime sat apquilayo Dios Visqui ingac. Eltime sat apquilayo apyovoclhojo Israel apquilmolhama.

SALMOS 81:2

Elminaycmas sat acyiplomo apquilminaycmascama pandero (tamborín). Elpayvas sat arpa najan salterio yatalhpong.

ÉXODO 2:4

Mocjay nic nat inyilhanmac apyalho as sicaa yoyam colanam.

ECLESIASTÉS 3:4

Actemaclha ningvinama najan actemaclha ningitsovascama. Actemaclha acmayovsa ingvalhoc najan actemaclha ningitsovascama fiesta.

JEREMÍAS 31:4

Quellhip israelitas, elaniclhac sat mocjam quellhip. Quellhip elmoc sat mocjam panderetas, elitsovacsojoc sat mocjam naysicsa fiesta apancaoc.

MIQUEAS 6:4

Acyinyovcasquic nat quellhip yoclhilhma Egipto, apquiltamjaycamcaclha quellhip apquilmomap. Alapajasquic nat mayayo apnalayclha quellhip, apvisay Moisés, najan Aarón, najan María.

NÚMEROS 12:1

Yitnec nic nat actipsomalhca apvisay Moisés ayinyema María najan Aarón. Aplhenacpec nic nat Moisés acma aptava co Etiopía.

NÚMEROS 12:2

Mocjam amyaa: Jave apvamlha Moisés aptomja aplingascama appayvam ayinyema Dios, yitnec singilpamejitquiscama nincoo lha Dios — nic nat aptomjac. Aplingac nic nat Dios.

NÚMEROS 20:1

Apquilvocmec nic nat yoclhilhma actamopeycaoc acvisay Zin. Ayenmoclha año ilhnic nat intomjac, lhama piltin. Apquilnaclhec nic nat tingma Cades. Inquitsepmec nic nat maa María, Aarón apyalho. Apquilatoynquic nic nat maa.

NÚMEROS 26:59

Inquilyimjapquic nic nat Amram acvisay Jocabed, Leví apquitca. Intiyacmec nic nat yoclhilhma Egipto. Amram najan Jocabed ayitquic nic nat Aarón, najan Moisés, najan María.

SAN LUCAS 2:36

Innec alhta maa quilvana profeta Dios aclingascama acvisay Ana. Fanuel alhta apquitca. Aser nic nat aptovana niptamin. Innec alhta lhama atava siete años natamin alyimjapma.

LOS HECHOS 21:9

Cuatro alhta invocmec apquitquic Felipe, mepqui anatamcaa. Altomja alhta malha profetas Dios allingascama.

1 CORINTIOS 11:5

Covanquejec quilvana mepqui ayajapquiscama apcatic naysicsa almalhnancama najan naysicsa allhicmoscama amyaa ayinyema Dios. Evinacpoc sat atava aptomja apquimja apmamyi. Cotnejic sat malha mepqui ava, acyitsomalhca quilvana alanatama actomja macyesescama.

1 CORINTIOS 14:34

Covanquejec ingyalhing quilvana cotnejic aclingascama tasic amyaa nipyesicsa Jesucristo apmolhama. Incaymalhquic quilvanaa colilyejiclhojo actemaclha singanama Dios appayvam.

JUECES 11:34

Apvoctac nic nat mocjam tingma pac Jefté tingma Mizpa. Intipquic nic nat apquitca quilvana, yoyam comoc tacja inyap. Inquitsovasoc nic nat altamcaa najan acticpamcaa vaynca panderetas. Paj nic nat poc apquitquic Jefté, acvamlha lhama quilvana ayitcoc.

JUECES 21:21

Eltamilsojo maa. Apquilvitac sat ancoc quilvanaa ayitcaoc alantiyapma tingma altaycam aljalhyincayam. Elyilhacpojo sat elpatjetic quilvana ayitcoc, elyantemiclha apquilaoclha quellhip.

JUECES 4:4

Lhama quilvana profeta ilhnic nat nipyesicsa enlhitaoc Israel, acvisay Débora, Lapidot aptava.

1 SAMUEL 10:5

Natamin evoclhac sat lhip inquilhe ayitcoc acvisay Dios apanco. Apnam maa tropa singilpilhtetemo filisteos. Natamin evoclhac sat tingma apvanyam. Eltajanyac sat lhip yamaplhamocma profetas Dios apquillingascama apquilinyema netin inquilhe. Elpayvacsic sat apquilpayvascama salterio najan pandero najan yamamoc najan yataalhpong. Ellingacsic sat amyaa ayinyema espíritu apanco Dios.

1 SAMUEL 18:6

Natamin apmatnam nic nat enlhit apvinatem filisteo. Apquilvoctac nic nat mocjam apyovoclhojo, najan maa David. Inquilamyilhamquic nic nat colpayvacsic apvisqui Saúl aclhamoclhojo quilvanaa, alinyema poc tingma lhalhma anco yoclhilhma Israel. Inlingalhquic nic nat alminaycmascama najan altaycam alitsovascama. Almaycam nic nat panderas najan platillos, malha vaynca netin.