ÉXODO 15:2 - Enhlit Bible

² Omnaycmacsic siyayo Dios Apyimtalhnamo, aptomja seyimnatescama najan sevomquiscama tap. Otnejic mataa siyayo apvisay Dios Apyimtalhnamo. Otnejic siyayo apvisay apyimtalhnamo, apvisqui apancaoc sicyeyjamcaa.

ÉXODO 15:2 Iomraidhean Croise

GÉNESIS 17:7

Eycaso actemaclha monquinatquiscama sicmayjayoclha coo napato lhip najan aplhamoclhojo aptovana niptamin lhalhma anco: Otnejic sat mataa Dios lhip Visqui pac. Otnejic sat mataa Dios Visqui apancaoc aptovana niptamin lhalhma anco.

GÉNESIS 49:18

Lhip Visqui ajac, aljalhnec coo jevomsic tap.

2 SAMUEL 22:3

Aptomja Dios Visqui ajac. Aptomja malha semasma ayinyema moyasquiyam. Aptomja malha siyajapsomalhca naysicsa ningilnapomalhca. Aptomja sevomquiscama tap najan aptomja sicyilhanmeycam.

2 SAMUEL 22:47

Innec ayaco Visqui ingac apyimnatem. Apyimtalhnamo apanco Dios semasma coo.

2 SAMUEL 22:51

Innec seyaco sicvisay visqui ayinyema lhip setnesquiscama visqui. Lhip aptomja seyasicjayo sicvisay David sicponquinomalhca. Lhip aptomja apcasicjayo etovana cotmongvoycamlha nelha.

2 SAMUEL 7:24

Apquiltamjoc lhip yoyam comasquejec mataa ningilvisay Israel, lhip enlhit apancaoc cotmongvoycamlha nelha. Lhip aptomja Dios Apyimtalhnamo.

2 SAMUEL 7:5

—Iyas sat apnaclha David aptomja selancam coo. Iltimnas sat actomjaclha sicpayvam: ¿Apquiltamjo ya lhquip ellanac tingma yoyam olhic coo?

1 REYES 8:13

Acpenasquic coo sillanay tingma apmaclha lhip. Elhic sat mataa lhip cotmongvoycamlha nelha — nic nat aptomjac.

1 REYES 8:27

Apyimtalhnamo apanco lhip maa netin. ¿Apvanqui ya lhquip elhic as nalhpop congne tingma? Am colhnoc maa netin. Am eyav'ac as tingma sillanay coo.

1 CRÓNICAS 16:14

Apvisay Dios Visqui ingac. Aptomja apcanama apyovoclhojo enlhit as nalhpop.

SALMOS 109:1

Lhip Dios Visqui ajac. Ingyeylhojo silmalhnancama.

SALMOS 118:14

Actomjac coo siyayo Visqui ingac aptomja seyimnatescama. Aptomja sevomquiscama tap.

SALMOS 118:21

Gracias lhip Visqui ingac, semasma coo. Apjalhnoc alhta sicpayvam.

SALMOS 118:28

Apyimnatem apanco lhip Dios Visqui ingac. Gracias actomjac lhip. Otnejic sat siyayo lhip Visqui ingac.

SALMOS 132:5

Altamjoc otac siclho apmaclha Visqui ingac, aptomja tingma pac Visqui apyimtalhnamo nipyesicsa Jacob apquilmolhama — alhta aptomjac apvisqui David.

SALMOS 140:7

Visqui, Visqui ajac. Apmopvan innac lhip semasma coo. Lhip aptomja setamilquiscama ningvita inlhojo ningilnapomalhca.

SALMOS 145:1

Lhip Dios Visqui ajac, actimec coo siyayo lhip. Olhenic sat mataa lhip apvisay.

SALMOS 18:46

Innec ayaco Visqui ingac apyimnatem. Apyimtalhnamo apanco (nitnoc anco) Dios semasma coo.

SALMOS 22:10

Ayenmo sictiyaycamlha aptomja seyayneycaoc lhip. Ayenmo sictiyaycamlha aptomja lhip Visqui ajac.

SALMOS 22:3

Lhip aptomja apyimtalhnamo. Innec ayaco lhip apvisay nipyesicsa enlhitaoc.

SALMOS 27:1

Visqui ingac aptomja seyitsasquiscamalhma najan sevomquiscama tap. Mongvacyejec sat mataa coo. Visqui ingac aptomja seyimnatescama. Cotyemejec sat mataa evalhoc.

SALMOS 28:8

Dios Visqui ingac aptomja apyimtalhnamo nipyesicsa ingnaymacoc. Dios aptomja apmasma najan aptamilquiscama visqui ingac.

SALMOS 30:1

Visqui ingac. Actimec coo siyayo lhip aptomja semasma coo. Apmiyovquic alhta lhip apquiltemaclha selinmelhaycam cotnaja ingmoc.

SALMOS 34:3

Ontimjic sat nimpasmeyquiclha ningilayo, aptomja apyimtalhnamo apanco Visqui ingac.

SALMOS 48:14

—Eycaso apmopvan apanco Dios Visqui ingac cotmongvoycamlha nelha. Jingnaliclhac sat mataa nincoo — sat eltime elanic quellhip.

SALMOS 59:17

Dios Visqui ajac. Otnejic sat siyayo lhip naysicsa sicminaycmascama. Siyayo lhip ayinyema seyimnatescama najan semasma. Lhip aptomja singasicjayo.

SALMOS 68:20

Dios Visqui ingac aptomja singvomquiscama tap. Aptomja singmasma yoyam mongmasquingvomeje.

SALMOS 99:5

Eltime sat apquilayo Dios Visqui ingac. Elticlhic aptapnaoc quellhip apquinmamcaclha Visqui ingac. ¡Santo mayayo nac Dios Visqui ingac!

SALMOS 99:9

Eltime sat apquilayo Dios Visqui ingac. Elticlhic sat aptapnaoc acyitnaclha inquilhe acvinatem acponquinomalhca. ¡Santo mayayo nac Dios Visqui ingac!

ÉXODO 14:13

Aptomjac nic nat Moisés apquilanya enlhitaoc: —Noncotyim nasa apquilvalhoc, elvascap. Quip elanojo quilhvo nac jay actemaclha singilvomquiscama tap. Apquilvita inyicje quellhip co Egipto quilhvo nac jay. Melvityejec sat mataa cotmongvoycamlha nelha.

ÉXODO 3:6

Aptomjac nic nat Dios Apyimtalhnamo apcanya: —Coo nac Visqui Dios, lhip apyap Apvisqui pac najan Abraham Apvisqui pac najan Jacob Apvisqui pac — nic nat aptomjac. Yejemoc nic nat apcalasa napaat Moisés. Apcacac nic nat elanojo napaat Dios Apyimtalhnamo.

ÉXODO 4:22

Itne sat ingyanic apvisqui faraón: Eycaso Dios Apyimtalhnamo appayvam: Enlhitaoc Israel apquiltomja malha sictamongvoyam aptiyam apmamyi.

ÉXODO 40:34

Incajapvaac nic nat yipjopay carpa apponquinomap. Innaclhec nic nat congne gloria apcapongmatem apanco Dios Apyimtalhnamo.

ÉXODO 6:7

Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

ISAÍAS 12:2

Dios aptomja sevomquiscama tap, mepqui sicyasquiyam coo, mepqui siyay coo. Visqui ingac aptomja sevomquiscama tap, sictomja sicyilhanmeycam, aptomja seyimnatescama.

ISAÍAS 25:1

Visqui ingac, lhip nac tata coo Dios. Otnejic sat siyayo lhip apvisay. Lhip ayinyema aptamjaycam simpilapquiscama, ayinyema aclhanma apvalhoc lhip nano. Lhip aptemaclha mataa appeyvomo najan nasoc anco nanoc alhta.

ISAÍAS 45:17

Elvomsacpoc sat tap enlhitaoc Israel. Dios aptomja apquilvomquiscama tap cotmongvoycamlha nelha. Meltovasacpejec sat mataa. Colhejec sat alvinnamcaa cotmongvoycamlha nelha — alhta aptomjac Dios.

ISAÍAS 49:6

Aptomjac alhta seyanya: Lhip aptomja siyasinancama, jave acvamlha yoyam ingyansiclhac apyovoclhojo israelitas najan apnalayquinta apquilaymomap israelitas. Otnesquisic sat lhip, etnejic apquitsasquiscama olhma nipyesicsa enlhitaoc lhalhma anco, yoyam elvomsacpoc sat tap apyovoclhojo enlhitaoc acvaycmo nelha lhopactic (nalhpop) — alhta aptomjac seyanya.,

ISAÍAS 66:1

Eycaso sicpayvam Dios: —Netin coo actomjac sictajanem. Nalhpop coo actomjac siltoycamlha. ¿Jalhco aptema tingma yoyam jelanesic? ¿Jalhco sat otnejic sicnayclhilha?

JEREMÍAS 3:23

Paj jingilpasmac mataa quilaycmasquiscama naysicsa ningilpalhamaycam netin inquilhe. Apvamlha lhip Dios Visqui ingac aptomja singvomquiscama tap.

JEREMÍAS 31:33

Cotnejic sat pacto ningmiyovmalhca alhnancoc nipyesicsa enlhitaoc: Opquinic sat apquilvalhoc siyanamaclha coo, comoc sat apquilvalhoc, malha mactalhescama apquilvalhoc sat cotnejic. Otnejic sat Dios Visqui apancaoc, otnejic sat enlhit ajancaoc. Naso coo sicpayvam sicvisay Dios.

JEREMÍAS 32:38

Otnejic sat enlhit ajancaoc, sictimem Dios Visqui apancaoc.

HABACUC 3:13

Aptipquic lhip yoyam epasmoc apvisqui lhip apponquinquiscama. Aptovasquic alhta lhip appaclhanma tingma pac apmapsom, apsovjoc alhta acvaycmo tingma apvajac.

SAN LUCAS 1:77

Elyascasingvomoc sat lhip enlhitaoc actemaclha ningilvomsomalhca tap. Najan actemaclha acmascosomalhca mongilyascalhma.

SAN LUCAS 2:30

Acvitac coo quilhvo Singvomquiscama tap.

SAN JUAN 4:22

Am elyasamcoc quellhip co Samaria Ingyapam naysicsa apquilpayescama. Nincoo eyca co Judea ningyasamcoc actemaclha ningilpayescamo Ingyapam. Co Judea inquinyemac actomja ningilvomsomalhca tap.

SAN JUAN 5:23

Apquiltamjoc coo Tata, yoyam jelavojoc aplhamoclhojo enlhitaoc, acno apquilayo mataa coo Tata. Acvinalhquic sat ancoc coo, evinacpoc najan coo Tata aptomja seyapajascama.

LOS HECHOS 4:12

Paj poc singvomquiscama tap. Paj najan moc apvisay ninlhanma as nalhpop nipyesicsa enlhitaoc actemaclha singvomquiscama tap.

2 CORINTIOS 5:19

Dios aptomja aptimesquiscama apcasicjayclho aplhamoclhojo enlhitaoc lhalhma anco ayinyema Cristo. Am alhta elyipsatac Dios melyascalhma enlhitaoc. Ingilasinaquic nincoo yoyam ongilpayecsic as amyaa actemaclha singasicjayclho mocjam.

EFESIOS 2:22

Quellhip najan lha apquiltomja malha macninquinaycaoc netin apquilpasmeyquiclha Cristo. Etnejic sat tingma apponquinomap yoyam elhic Dios ayinyema Espíritu apanco.

DEUTERONOMIO 10:21

Colhic mataa ayaco Dios ayinyema quellhip. Dios ayinyema aptamjaycam simpilapquiscama najan apmopvan apanco apquilvitay quellhip.

FILIPENSES 2:11

Ellhenic sat aplhamoclhojo: Jesucristo aptomja Visqui ingac, colhic ayaco Dios Ingyapam netin.

FILIPENSES 4:13

Evanquic coo aclhamoclhojo asoc ayinyema Cristo aptomja seyimnatescama.

COLOSENSES 2:9

Innoc aptemaclha Cristo Dios. Ingillhicmosquic Cristo aptemaclha Dios.

EL APOCALIPSIS 15:3

Apquilminaycmasquic alhta ningminaycmascama ayinyema Moisés aptomja Dios apquilancam. Najan ningminaycmascama ayinyema Nipquesic Apquitcoc: Alyiviy anco lhip aptamjaycam najan actomja sinpilapquiscama. Lhip Visqui ingac Dios aptomja apyimtalhnamo. Acpeyvomo lhip amay pac najan actomja nasoc anco. Lhip aptomja Apvisqui lhalhma anco.

EL APOCALIPSIS 19:1

Natamin alhta siclinga apquilpayvam alyimnatem aplhamoclhojo enlhitaoc apnaycam netin. Apquiltamjoc alhta apquilminaycmascama: ¡Aleluya, eltime sat apquilayo Dios! Dios aptomja singvomquiscama tap, aptomja apyimtalhnamo najan apmopvan.

JUECES 5:21

Ingilpasmec alhta vatsam ayitcoc Cisón, ayinyema yingmin alhta alnapma cotnaja ingmoc. ¡Noc, ongilvascapoc sat, ontimjic ningilyimnatem!