ÉXODO 15:18 - Enhlit Bible

¹⁸ Dios Apyimtalhnamo. Lhip Visqui ingac quilhvo najan cotmongvoycamlha nelha — nic nat intomjac apminaycmascama Moisés.

ÉXODO 15:18 Iomraidhean Croise

GÉNESIS 21:33

Apquinaclhec nic nat Abraham amyip Beerseba lhama yamit ayitcoc acvisay tamarisco. Apquilmalhnaquic nic nat maa Abraham Dios Visqui ingac Apyimtalhnamo.

SALMOS 10:16

Dios apvisay Visqui ingac cotmongvoycamlha nelha. Apquinyajamquic apquilaoclha cotnaja ingmoc (cotnaja nimpayvomó lhama).

SALMOS 146:10

Quellhip tingma Sión. Visqui ingac aptomja apcanem cotmongvoycamlha nelha. Dios aptomja Visqui ingac cotningvoyam nelha. Innec ayaco Visqui ingac.

SALMOS 29:10

Dios Visqui ingac aptomja apyimtalhnamo tacjalhit yingmin acvanyam (mamay). Dios Visqui ingac aptomja apyimtalhnamo cotmongvoycamlha nelha.

SALMOS 9:8

Aptomja apyicpilquemo appeyvomo nipyesicsa apyovoclhojo enlhitaoc. Aptomja appeyvescasquiclha appeyvomo mepqui apyeycajascaoc.

ISAÍAS 57:15

Eycaso appayvam apanco apvisay Apyimtalhnamo najan Mengyitsepma najan Mayayo: Sicmaclha coo nitno najan mayayo. Acpasmec coo mataa conjamalhca apquilvalhoc enlhit najan apquilmapyovseca. Oltamilquiscomoc apquilvalhoc, olvascapquisic sat apquilvalhoc.

DANIEL 2:44

Eltimjic sat apquilviscaa nalhit acnim. Etnesquisic sat Dios apna netin lhama apvisqui apcanamaclha cotmongvoycamlha nelha apyimnatem apanco am elhno poc apvisqui. Mepqui poc apvisqui, yoyam etvacsic as apvisqui najan apcanamaclha.

DANIEL 4:3

¡Avanjec anco apmopvan najan aptamjaycam simpilapquiscama Dios! ¡Cotningvomejec sat nelha apcanamaclha Dios najan aptemaclha apmopvan!

DANIEL 7:14

Aplhocac alhta apmopvan, najan mayayo, najan aptimem apvisqui, yoyam elanic enlhitaoc. Apyovoclhojo enlhitaoc as nalhpop apquiltomja apquiltimesaycam. Comasquejec sat mataa apmopvan apanco, cotningvomejec sat nelha apcanamaclha apanco.

DANIEL 7:27

Colhic sat acmesa apcanamaclha ellhovamcoc Dios apquilyacyescama. Elhic sat apvisqui, colhic sat apquilmopvan, najan mayayo lhalhma anco as nalhpop. Cotningvomejec sat nelha apcanamaclha. Elilyejiclhojoc sat enlhitaoc, eltimesam sat apyovoclhojo enlhitaoc as nalhpop.,

SAN MATEO 6:13

Nongyane nasa ongilyejiclhojo singyipconma. Jingmiyov nincoo naysicsa acvoya somquic quilyicjamo. [Apvamlha pac lhip aptomja Apvisqui najan acma apmopvan najan mayayo cotmongvoycamlha nelha. Amén.]

DEUTERONOMIO 33:5

Apnec alhta apvisqui nipyesicsa enlhitaoc Israel (Jesurún). Apcaneclhec alhta apyovoclhojo apquilviscaa, apquilinyema moclhama tribus Israel.