ÉXODO 15:16 - Enhlit Bible

¹⁶ Dios Apyimtalhnamo. Ingyane sat colpilapmoc apquilvalhoc apyovoclhojo. Ingyane sat elacac enlhitaoc. Colhic sat alyitquisa malha mataymong. Ayinyema lhip apmopvan, malha apmic acyimnatem. Yoyam elmilanic lhip apnaymacoc. Apquilvisay enlhitaoc lhip apquilyacyescama.

ÉXODO 15:16 Iomraidhean Croise

GÉNESIS 35:5

Apquillhinquic nic nat Jacob najan apquitquic. Apquilacac nic nat apquiltomja apquilaoclha. Dios Apyimtalhnamo nic nat aptimesquiscama apquilay. Am nic nat elminlhinacpoc Jacob apquitquic.

2 SAMUEL 7:23

Paj poc enlhitaoc as nalhpop ningno nincoo enlhitaoc Israel. Lhip Dios Apyimtalhnamo, apyinyovquic lhip acyanmongam yoyam jingiltimjic enlhit apancaoc. Innec ayaco ningilvisay ayinyema lhip. Lhip alhta ayinyema aptamjaycam simpilapquiscama. Lhip alhta ayinyema apquilay enlhitaoc as yoclhilhma. Apquilyinyovcasquic alhta lhip enlhitaoc apquiltomja apquilaoclha. Apnatovasquic lhip quilaycmasquiscama apancaoc acyitsomalhca dios. Ayinyema alhta aclhanma apvalhoc lhip ningiltomja enlhit apancaoc. Ingilyinyovcasquic alhta yoclhilhma Egipto.

SALMOS 105:38

Payjeclhec nic nat apquilvalhoc co Egipto, apquilvita apquilyamasma enlhit. Ayinyema alhta apquiltanoncama metnaja apnaymacoc.

SALMOS 74:2

Coyit apatic lhip singilyacyescama nano. Ontimjic sat lhip apnaymacoc. Coyit apatic lhip inquilhe Sión, apmaclha lhip nano.

SALMOS 89:14

Appeyvomo apanco lhip ayinyema apna netin apvisqui aptajanem. Appeyvomo najan singasicjayo ayinyema mataa lhip.

ÉXODO 11:7

Comascoc sat acyilhvayvam co Egipto apnatoscama simjing nipyesicsa enlhitaoc Israel. Comascoc sat acyilhvayvam simjing naysicsa apnatoscama. Ingyilhpansic sat Dios co Egipto najan enlhitaoc Israel. Quellhip sat elyicpilcangvomoc.

ÉXODO 15:13

Naysicsa apcasicjayo lhip, aptomja apnalayclha apnaymacoc apquilvomsomap tap. Apnalaclhec lhip aptomja apmopvan, yoyam elyipjongvomoc lhip apmaclha tingma apponquinomap.

ÉXODO 15:5

Apquilvayvamquic alhta malha mataymong acvayveycaoc. Incapquic alhta yingmin acvanyam apquilvonquepa.

ÉXODO 15:6

Apmopvan innac lhip Dios Apyimtalhnamo, acyimnatem anco lhip apmic. Lhip apmic acyimnatem ayinyema apmascoscama cotnaja ingmoc.

ÉXODO 18:8

Apquiltimnasquic nic nat Moisés amyaa aplhenacpo apvisqui faraón, najan apquillhalhmaa egipcios, najan apquillhenacpoc enlhitaoc Israel. Actemaclha ilhnic nat nalhit amay najan actemaclha apquilmasma Dios Apyimtalhnamo.

ÉXODO 20:2

—Apvamlha pac lhama Visqui ingac aptomja Dios Apyimtalhnamo. Jingyinyovcasquic alhta yoclhilhma Egipto ningiltimesaycamcaclha alhta, malha ningmomalhca nincoo.

ÉXODO 23:20

Aptomjac nic nat Dios apquilanya: —Ongvapajacsic sat lhama ángel siyasinancama, yoyam eltamilsic najan enaliclha quellhip yoclhilhma silyacyescama coo (sicponquinquiscama).

ÉXODO 23:22

Apquilyajaclhoc sat ancoc quellhip actemaclha apquilyiplovquiscama siyanamaclha coo. Olinmelham sat cotnaja ingmoc. Olinmelham sat coo apquiltomja singilinmelhaycam.

ÉXODO 23:27

Otnesquisic sat apquilay enlhitaoc apquilvoycamlha quellhip, ellhinganimsacpoc sat. Elinyajamcoc sat apyovoclhojo cotnaja ingmoc.

ÉXODO 6:7

Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

ISAÍAS 51:10

Lhip nic nat apyamascama yingmin acvanyam, actomjayclho mepqui lha yingmin, najan mepqui yingmin ayaptovnilha. Lhip nic nat apquilhpanquiscama yingmin acvanyam, yoyam elmilanic maa enlhit apquilvomsomap tap — alhta apquiltomjac quellhip. Aptomjac alhta Visqui ingac:

ISAÍAS 63:12

Aptomjac nic nat aplhalhma Moisés acyiplomo apmopvan apanco. Aptomja apquilhpanma yingmin acvanyam elmilanic apnaymacoc, actemaclha simpilapquiscama cotmongvoycamlha nelha.

JEREMÍAS 31:11

Coo sictomja sicvomquiscama tap Jacob aptovana niptamin, nipyesicsa enlhitaoc apquilyimnatem najan apquilmopvan.

EZEQUIEL 16:8

Alanoc alhta quilvana actamila anco. Actimec coo etava as quilvana. Acmesquic alhta apava cotalhniclhac quilvana, cotnatsalhquejec sat actomja nasoc anco etava. Allanac alhta pacto ningmiyovmalhca najan mepqui ningyamasma naysicsa ningileyvam. Quellhip israelitas apquilyitsomacpo as quilvana sictimem etava. Eycaso sicpayvam sicvisay Visqui apancaoc.

LOS HECHOS 20:28

Eltamilsacpojo apanco quellhip. Eltamilquis sat najan apquilanacpo Jesucristo apmolhama, malha quilancam nipquesic apquiltamilquiscama apnatoscama. Quellhip apquiltomja apquilimja apmamyi ayinyema Espíritu Santo yoyam eltamilsic Jesucristo apmolhama. Apyanmoncasquic alhta em pac Jesús apmolhama.

DEUTERONOMIO 11:25

Colapvanquejec enlhitaoc elinmelham quellhip. Elyangviscomjoc sat Dios apquilay najan apquilpilhyinamam enlhitaoc actomja apquilaoclha, acno aplhanma siclho Dios Apyimtalhnamo.

DEUTERONOMIO 2:25

Elangvomoc sat apyovoclhojo enlhitaoc as nalhpop, apquillinga inlhojo apquilvisay quellhip. Coyangvomoc sat apquilay najan apquilpilhyinamam, apquillinga inlhojo amyaa ayinyema quellhip — alhta aptomjac Dios — nic nat aptomjac Moisés.

DEUTERONOMIO 2:4

Iltimnas sat mocjam apnaymacoc coo sicpayvam: Elyipjongvomoc sat quellhip yoclhilhma apquileyvomaclha Esaú aptovana niptamin, apquilmolhama quellhip, apnaycam yoclhilhma Seir. Elangvomoc sat maa apquilvitacpo inlhojo quellhip. Eltamilsojo sat quellhip.

DEUTERONOMIO 32:6

¿Naso ya mepqui apquilayo as enlhit Visqui ingac? Acyeyjamelhma nac, najan mepqui apquilyascamco. Naso inyicje apquilyap, aptomja apquilantipquiscama enlhit. Apmescama acyimnatem apnenyaoc.

DEUTERONOMIO 32:9

Apquilyacyesquic nat enlhitaoc, etnejic apquitquic apancaoc. Apyovoclhojo Jacob apquitquic najan aptovana.

TITO 2:14

Apyinyovsomacpo apanco yoyam ematong singyanmongam nincoo. Yoyam jingilvomsic tap naysicsa asoc almasomcaa. Yoyam ongiltimjic ningilalhnayo mepqui ningmasom. Yoyam ongiltimjic apquitquic yoyam ongilyiplovcasojoc actemaclha actamila.

JOSUÉ 2:9

—Acyasamcoc coo Dios aptomja apmescama quellhip as yoclhilhma. Avanjec ningilay nincoo. Intiyacmec alhta ingilvalhoc ningiltomja ningilaoclha ayinyema quellhip.

JOSUÉ 4:24

Elyicpilcangvomoc sat aplhamoclhojo enlhitaoc as nalhpop actemaclha apyimnatem Dios. Yoyam elilyejiclhojoc sat mataa quellhip appayvam Dios Apyimtalhnamo aclhamoclhojo acnim — nic nat aptomjac Josué.

1 SAN PEDRO 2:9

Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila.

2 SAN PEDRO 2:1

Altamjoc elyasingvoclhojo mocjam quellhip. Apnam nic nat mataa nipyesicsa enlhitaoc Israel profetas apquilmopvancaa amyaa. Najan nipyesicsa quellhip lha, elvitac sat apquillhicmoscama apquilmopvancaa amyaa. Elyilhacpojoc sat ellhicmocsic amyaa singillhinganimquiscama. “Metnaja singvomquiscama tap Visqui ingac” —sat eltimjic mataa ellhicmocsic. Cotlapsic sat elnatovasacpoc as enlhitaoc.

1 SAMUEL 2:9

Aptomja sintamilquiscama, ningiltomja inlhojo ningilpeyvomo. Am emyavac apquilmapsomcaa, apquilitsepmec mataa naysicsa yatescamalhma. Metnaja apquilyimnatem enlhit apquilyimtalhnesomacpo apanco.

1 SAMUEL 25:37

Moc acnim nic nat intomjac. Inmasquec nic nat anmin ayajem Nabal. Inquiltimnasquic nic nat amyaa Abigail. Pilapcasquic nic nat apquitsepa apyimnaclhojo. Mepqui ilhnic nat apyimnatem apyovoclhojo.