ÉXODO 15:15 - Enhlit Bible

¹⁵ Inquilpilapacmec apquilvalhoc apquilviscaa co Edom. Avanjec apquilpilhyinamam apquilviscaa co Moab. Mepqui apquilvascapma apyovoclhojo co Canaán.

ÉXODO 15:15 Iomraidhean Croise

GÉNESIS 36:15

Eycaso ilhnic nat Esaú aptovana apquiltomja apquilviscaa: Apteyam apmamyi ilhnic nat apvisay Elifaz. Elifaz apquitquic nic nat apquiltomja apquilviscaa: apvisay Temán najan Omar najan Zefo najan Cenaz,

GÉNESIS 36:16

najan Coré najan Gatam najan Amalec. Eycaso ilhnic nat Elifaz apquitquic apquiltomja apquilviscaa yoclhilhma Edom. Ada atovana ilhnic nat aplhamoclhojo apquilviscaa.

GÉNESIS 36:40

Eycaso ilhnic nat Esaú apquitquic apquiltomja apquilviscaa. Moclhama apmolhama najan moclhama yoclhilhma, apquilvisay: Timna najan Alva najan Jetet

2 SAMUEL 17:10

Cotyamoc sat apquilvalhoc apvitacpo inlhojo enlhit apyimnatem apanco, malha yamacmeyva. Apquilyasamcoc mataa enlhitaoc Israel aptemaclha apvascapma mataa lhip apyap, najan apquillhalhmaa.

SALMOS 48:5

Intiyacmec alhta apquilvalhoc apquilvita. Apquilinyajamquic alhta apyovoclhojo.

SALMOS 68:2

Malha etin acvonquepma intomjac apquilinyem. Malha appayjayclha pápac naysicsa talha apquiltomjac apquilmapsomcaa.

ISAÍAS 13:7

Elvayventac sat apectengaoc enlhitaoc, comascoc sat apquilyimnatem, comascoc sat apquilvascapma.

ISAÍAS 19:1

Apquillhenacpec co Egipto yavamlha cotnejic: Quip elanojo Visqui ingac quellhip: Apquilhyacmec Visqui ingac apna netin yipjopay. Inquilpilhyinimquic maa quilaycmasquiscama apancaoc co Egipto napato Dios, apquilacac apyovoclhojo.

JEREMÍAS 49:23

Amyaa apquillhenamap co Damasco: Apquilmancangvocmec tingma apquilvanyam Hamat najan Arfad, ayinyema apquillingay amyaa acmasom. Avanjec ayay apquilvalhoc maa, mepqui mataa actamilaycam apquilvalhoc.

EZEQUIEL 21:7

Elmalhnacpoc sat lhip: ¿Co laa ayinyema apquiliclhangveycam lhip? — sat eltimjic. Ingyatingmojo sat lhip: Ayinyema amyaa siclingay coo, yoyam onlingamcojoc sat acyimtalhnama. Comascoc sat apquilyimnaa enlhitaoc, comascoc sat alyimnatem apectengaoc najan aptapnaoc, ayinyema acyivey apquilay. ¡Quilhvoc sat onlingamcojo! Nasoc coo sicpayvam sicvisay Visqui apancaoc quellhip — alhta aptomjac.

NAHÚM 2:10

Tingma aptovasomap, aptamopeycaoc, apyinyovmap as tingma Nínive. Avanjec ayay apquilvalhoc maa, inquilpilhyinimquic aptapnaoc, mepqui apquilyimnaa enlhitaoc, mepqui altamila napataa.

HABACUC 3:6

Inyovjam as nalhpop, aptacmo inlhojo Dios. Elangvomoc sat enlhitaoc, apquilano inlhojo Dios. Colpalhic sat mataymong alvinatem. Colvayvamcoc sat inquilhe alvinatem alimja nano. Cotningvomejec sat nelha ongvita amay pac Dios.

HABACUC 3:7

Acvitac coo enlhitaoc co Cusán apquillingaycamco acmasom. Acvitac coo enlhitaoc co Madián apquiltemaclha apquilay.

DEUTERONOMIO 2:4

Iltimnas sat mocjam apnaymacoc coo sicpayvam: Elyipjongvomoc sat quellhip yoclhilhma apquileyvomaclha Esaú aptovana niptamin, apquilmolhama quellhip, apnaycam yoclhilhma Seir. Elangvomoc sat maa apquilvitacpo inlhojo quellhip. Eltamilsojo sat quellhip.

DEUTERONOMIO 20:8

Eltimjic sat mocjam apquilviscaa napatavo enlhit apcaneyquiclha: Yitnec sat ancoc ayay apvalhoc enlhit, najan mepqui apvascapma, itajiclha siclho, melvatsamquejec sat apnaymacoc.

JOSUÉ 14:8

Moc actemaclha alhta amyaa siclhalhmaa. Intiyacmec alhta apquilvalhoc apnaymacoc apquillinga amyaa. Coo eyca mepqui ayay evalhoc, sicyipitcayclho Dios Visqui ingac.

JOSUÉ 2:11

Intiyacmec alhta ingilvalhoc ninlinga amyaa. Inmasquec alhta ningilyimnaa ayinyema quellhip. Dios aptomja Apvisqui apancaoc netin najan Apvisqui apancaoc as nalhpop.

JOSUÉ 2:24

Apquiltomjac nic nat apquilanya Josué: —Dios aptomja singmescama as yoclhilhma yoyam ontimjic inganco as yoclhilhma — nic nat apquiltomjac.

JOSUÉ 2:9

—Acyasamcoc coo Dios aptomja apmescama quellhip as yoclhilhma. Avanjec ningilay nincoo. Intiyacmec alhta ingilvalhoc ningiltomja ningilaoclha ayinyema quellhip.

JOSUÉ 5:1

Apquillingac nic nat amyaa apquilviscaa enlhitaoc amorreos apquileyvam nicja vatsam acpayjo actalhningvamlha acnim. Apquillingac nic nat amyaa apquilviscaa cananeos apquileyvam nicja yingmin acvanyam. Apquillingac nic nat actemaclha Dios apyamascama yingmin vatsam Jordán napatavo enlhitaoc Israel. Apquiljalhtipilhquitquic nic nat aplhamoclhojo. Intiyacmec nic nat apquilvalhoc apquillinga amyaa. Inmasquec nic nat apquilyimnaa.

1 SAMUEL 14:16

Apnam nic nat Saúl apquilasinancama tingma Gabaa, apquilmolhama tribu Benjamín. Apquilvitac nic nat acyinamam olhma nipyesicsa filisteos.