ÉXODO 15:11 - Enhlit Bible

¹¹ Apvamlha pac lhama apyimtalhnamo lhip Dios Apyimtalhnamo. Mepqui acyimtalhnamo quilaycmasquiscama acyitsomalhca dios. Apyimtalhnamo apanco lhip, mayayo santo, am elhno poc. Apmopvan lhip ellana asoc simpilapquiscama, acyiplomo acyivey ningay.

ÉXODO 15:11 Iomraidhean Croise

2 SAMUEL 7:22

Lhip Dios Apyimtalhnamo. Apyimtalhnamo nac lhip. Paj poc apno lhip. Paj poc Dios apyimtalhnamo yoyam onlingac aptamjaycam simpilapquiscama.

1 REYES 8:23

Aptomjac nic nat apquilmalhnancama: —Lhip nac Dios Apvisqui apancaoc Israel. Lhip aptomja apvamlha pac lhama. Paj poc maa netin, paj poc as nalhpop. Nincoo ningiltomja lhip apquilancam. Lhip ayinyema asoc monquinatquiscama apmayjayoclha najan actemaclha singimlaycmo, ningiltomja ningiltamilcasomalhco inganco napato lhip.

1 CRÓNICAS 16:25

Apyimtalhnamo apanco Visqui ingac, mongvanquejec mepqui ningilayo. Incaymalhquic ongilavojoc anco, am colhno ningilay quilaycmasquiscama.

2 CRÓNICAS 2:5

Pac ollanac sat tingma apyivey apanco, ayinyemaclha Dios Visqui ingac aptomja apyimtalhnamo apanco, am colhno quilaycmasquiscama alyitsomalhca dios lhalhma anco.

2 CRÓNICAS 6:14

apyimnatesa appayvam: Lhip Dios Visqui apancaoc Israel. Paj poc Dios singmasma netin maa, paj poc as nalhpop, apvamlha pac lhip. Mepqui apyeycajascaoc mataa aplhanma lhip najan singasicjayo, apvita inlhojo apquilyiplovquiscama enlhitaoc. Lhip alhta apquillanay pacto ningmiyovmalhca.

SALMOS 113:5

Mepqui poc apyitsomacpo Dios Visqui ingac, apmaclha netin maa.

SALMOS 119:120

Acpilhyinimquic coo napato lhip. Yitnec ayay evalhoc napato singyicpilquemo.

SALMOS 136:4

Apvamlha lhama apmopvan simpilapquiscama. Comasquejec mataa singasicjayo Visqui ingac.

SALMOS 145:17

Inpeyvoc anco aptemaclha Visqui ingac. Najan aptemaclha mataa singasicjayo.

SALMOS 22:23

Quellhip elyalhinga, eltime sat mataa apquilayo Visqui ingac. Quellhip Jacob aptovana niptamin, eltime sat mataa apquilayo Visqui ingac. Quellhip enlhitaoc Israel, elavojo sat mataa Visqui ingac.

SALMOS 35:10

Cotnejic sat evalhoc: —Visqui, lhip apyimnatem apanco melhno poc — sat cotnejic evalhoc. Lhip aptomja apquilmasma enlhit melyimnatem napatavo apquilyimnatem. Lhip aptomja apquilmasma enlhit mepqui asoc napatavo apquilasquiscama apyimpeoc.

SALMOS 60:2

Lhip alhta singiltovascama, malha apyovjescama alhta as nalhpop. Ingyansiclha mocjam apquilhpaneycam. Ayinyema alhta apquilvatseycaoc.

SALMOS 66:5

Elmiyama jilip. Elanojo aptomjaclha Dios Visqui ingac. Elanojo aptamjaycam simpilapquiscama nipyesicsa enlhitaoc.

SALMOS 77:11

Inyitnam ejatic aptamjaycam simpilapquiscama nanoc nat Visqui ingac.

SALMOS 77:14

Apvamlha pac lhip ayinyema aptamjaycam simpilapquiscama. Apvitascasquic alhta lhip apmopvan napatavo enlhitaoc lhalhma anco.

SALMOS 77:19

Apmilanquic nic nat lhip yingmin acvanyam, malha lhip amay pac. Am nic nat cotalhcac apminic apquillhingam.

SALMOS 86:10

Lhip apvamlha pac lhama Dios Visqui ingac. Apyimtalhnamo nac lhip. Apmopvan aptamjaycam simpilapquiscama.

SALMOS 86:8

Mepqui lhama apyimtalhnamo nipyesicsa poc dioses (quilaycmasquiscama). Mepqui poc apmopvan aptamjaycam, apvamlha lhip Visqui ingac.

SALMOS 89:18

Dios Visqui ingac aptomja sintamilquiscama. Visqui ingac apvisay apponquinomap nipyesicsa co Israel.

SALMOS 90:11

¿Soc enlhit apyasamcoc acvamlha aplom lhip? ¿Soc enlhit apcaca actemaclha aclom apvalhoc lhip?

ÉXODO 18:11

Apyimtalhnamo apanco Dios Apyimtalhnamo, am colhno quilaycmasquiscama acyitsomalhca dios. Apquilmasma alhta enlhitaoc apquillingaycamco acyimtalhnamo ayinyema alhta apquilyimtalhnesomap apanco (co Egipto) — nic nat aptomjac Jetro.

ÉXODO 20:3

Mongvanquic ontingya quilaycmasquiscama acyitsomalhca Dios.

ÉXODO 3:20

Coo sat otnejic sicyimtalhnamo malha sicpayescama emic. Evanquic olascacsic sat apyimpeoc co Egipto. Elvitac sat aclhamoclhojo asoc monquinatquiscama yoyam olana nipyesicsa. Natamin memyovejec sat apvisqui co Egipto elyacsic quellhip.

ÉXODO 8:10

Apcatingmavoc nic nat apvisqui faraón: —Jingilmalhnesquis sat secaseclha — nic nat aptomjac.

ÉXODO 8:6

Apyasquic nic nat netin apmic Aarón tacjalhit yingmin Egipto. Apquilantipquic nic nat napnicting. Appayjeclhec nic nat yoclhilhma Egipto.

ÉXODO 9:14

Apmiyovquic sat ancoc lhip, osavojoc sat silapajascama asoc alyimtalhnama. Elngamcojoc sat lhip najan apquilasinancama najan apyovoclhojo enlhitaoc. Eyasamcojoc sat lhip sicvamlha coo sicyimtalhnamo as nalhpop, paj poc.

ISAÍAS 30:11

¡Elyitnocjas actemaclha nasoc anco! Noellhen nasa Dios mayayo apyimtalhnamo — alhta apquiltomjac apquilmapsomcaa.

ISAÍAS 40:18

¿Yitne ya lhama asoc ningyesicsa macyitquiscama Dios? ¿So actema quilaycmasquiscama acyitsomalhca Dios?

ISAÍAS 40:25

¿Soc asoc selyitsa quellhip? — alhta aptomjac Dios apyimtalhnamo.

ISAÍAS 46:9

Colyitnam apatic sictomjaclha nanoc alhta. Coo sicvisay Dios, paj poc. Coo sicvisay Dios, paj poc apyitsomacpo coo (seyitsomalhca coo).

ISAÍAS 57:15

Eycaso appayvam apanco apvisay Apyimtalhnamo najan Mengyitsepma najan Mayayo: Sicmaclha coo nitno najan mayayo. Acpasmec coo mataa conjamalhca apquilvalhoc enlhit najan apquilmapyovseca. Oltamilquiscomoc apquilvalhoc, olvascapquisic sat apquilvalhoc.

ISAÍAS 6:3

Apquiltomjac alhta apquilpayvam: Aptamila apanco, aptamila apanco, aptamila apanco Visqui ingac apyimtalhnamo. Innec ayaco gloria pac lhalhma anco as nalhpop — alhta apquiltomjac.

JEREMÍAS 10:16

Moc aptemaclha Dios Visqui apancaoc Israel, Jacob aptovana. Apquillanay nic nat aclhamoclhojo asoc, aptomja apquilyacyescama israelitas eltimjic apquitquic. Apvisay apanco: Dios Visqui apyimtalhnamo.

JEREMÍAS 49:19

Ongvilhyemoc sat malha yamacmeyva actiyapma acmampanac vatsam Jordán payjoc apquileyvomaclha edomitas, elinyajamcoc sat apyovoclhojo. Otnesquisic sat enlhit silyacyescama coo, etnejic sat apvisqui. ¿Apne ya enlhit apmopvan? ¿Soc enlhit, yoyam jeyinmelham coo?

LEVÍTICO 19:2

Iltimnas sat lhip sicpayvam silanya enlhitaoc Israel: Eltime sat mataa apquilpeyvomo. Coo sicvisay sicpeyvomo, sicvisay Dios Sicyimtalhnamo.

MIQUEAS 7:18

Lhip apvamlha pac lhama Dios Apyimtalhnamo, paj poc. Apcasicjaclhec mocjam lhip apmoscosa nintemaclha acmasom. Inquilvoncacmec lhip ningilinmelhaycam lhip, ningilaymalhca incanit. Ingilasicjaclhec mocjam nincoo, apquilvatesa aptemaclha aplom cotningvoyam nelha.

SAN LUCAS 12:5

Pac olhicmocsic, yoyam ongavojoc nincoo. Ongavojoc nincoo actomja apmopvan jingilnapoc najan jingilapajacsic cosponeyaclha talha. Actomjac coo siyanya mocjam: Naso, ongavojoc maa.

DEUTERONOMIO 1:30

Apquimja apmamyi nac Dios Apyimtalhnamo yoyam enaliclha quellhip. Elnapoc sat, eticyoc sat cotnaja ingmoc, acno aptemaclha Dios Apyimtalhnamo yoclhilhma Egipto,

DEUTERONOMIO 3:24

Lhip Dios Apyimtalhnamo, sicvisay coo silancam lhip. Elhicmosquic alhta apmopvan apanco najan aptemaclha apyimtalhnamo. Paj poc dios maa netin, paj poc as nalhpop yoyam ellana asoc simpilapquiscama, ningvita inlhojo apvamlha pac lhip.

DEUTERONOMIO 33:26

Aptomjac nic nat mocjam Moisés: Apvamlha pac lhama Dios Apyimtalhnamo, mepqui poc nipyesicsa israelitas. Apmiyaclhec netin yipjopay aptomja apyimtalhnamo, evotac sat yoyam jingilpasingvota.

DEUTERONOMIO 4:34

¿Aplhenacpe ya poc Dios, aptomja apquilyacyescama apquilmolhama nipyesicsa enlhitaoc lhalhma anco? ¿Apquillingamco ya acyimtalhnama? ¿Apquilvita ya asoc simpilapquiscama najan monquinatquiscama najan apquilnapomacpilha, acyiplomo apmopvan aptamjaycam Dios? Invitalhquic alhta nipyesicsa quellhip apnaycam yoclhilhma Egipto.

EL APOCALIPSIS 13:4

Apquilpayasoc alhta sinavocpo enlhitaoc lhalhma anco. Ayinyemaclha acmescama alhta acmovan asoc navjac aclom. Apquilpayasoc najan enlhitaoc asoc navjac aclom. Apquiltomjac alhta: —¿Soc enlhit apno as asoc navjac aclom? ¿Soc enlhit aptomja apyimnatem yoyam elnapacpoc as asoc navjac aclom? —alhta apquiltomjac.

EL APOCALIPSIS 15:4

Mongvanquejec nincoo mepqui ningay lhip Visqui ingac. Mongvanquejec nincoo ongiltimjic mepqui ningayo lhip. Apvamlha pac lhama lhip aptomja aptamila. Elyotac sat lhip aplhamoclhojo enlhitaoc lhalhma anco yoyam elpayicsojo lhip. Ayinyemaclha invitalhquic lhip aptemaclha aptomja appeyvomo —alhta intomjac apquilminaycmascama.

EL APOCALIPSIS 4:8

Moclhama asoc acma seis alhimpancoc. Insovjomoc alhta ataoc ayimpeoc najan avalhaoc. Am alhta colvatsamcoc alpamesma acnim najan alhtaa: Aptamila, aptamila, aptamila aptomja Dios Visqui ingac apyimtalhnamo. Apma siclhoc anco najan quilhvo nac jay najan evotac sat mocjam —alhta intomjac alpamesma.

1 SAMUEL 2:2

Santo mayayo nac lhip Dios Apyimtalhnamo, mepqui poc. Singmasma nac lhip Dios, mepqui poc. Lhip apvamlha pac lhama, mepqui poc.