ÉXODO 15:10 - Enhlit Bible

¹⁰ Malha alhcajayam alhta intomjac lhip apvatipnapma. Insovjoc alhta apquilvayveycaoc, yingmin ayapma. Apquilvayvamquic alhta, malha yinmongam actic actomja acvayveycaoc.

ÉXODO 15:10 Iomraidhean Croise

GÉNESIS 8:1

Inlhanvocmec nic nat apvalhoc Dios Apyimtalhnamo apmolhama Noé najan aclhamoclhojo asoc alyinatem congne barca yamit aysicsic. Aptimescasquic nic nat alhcajayam Dios Apyimtalhnamo. Invayventac nic nat netin yingmin.

2 SAMUEL 18:8

Apquilnapacpec nic nat lhalhma anco as yoclhilhma. Apquilitsepquic nic nat nalhma appintalhnama apanco, am nic nat colhno apticyovam naysicsa apquilnapomap.

NEHEMÍAS 9:11

Apquilhpancasquic nic nat lhip yingmin acvanyam, elmilanic israelitas mepqui lha yingmin. Apquilvayvamquic nic nat cotnaja ingmoc yingmin congno, malha mataymong acvayveycaoc.

SALMOS 135:7

Apcapajasquic mataa yipjopay alinyema nelha lhopactic (lhapop). Aptimescasquic mataa tacja (alyinmayam) yoyam comamá. Aptimescasquic mataa alhcajayam najan piyam apvanyam.

SALMOS 147:18

Visqui ingac ayinyema appayvam, yoyam copayjiclhac mocjam actomja acyimnatem. Visqui ingac ayinyema alhcajayam acyimnatem. Conyejic sat yingmin.

ÉXODO 14:21

Apyascasquic nic nat netin apmic Moisés tacjalhit yingmin acvanyam. Yejemoc nic nat apcapajasa alhcajayam Dios Apyimtalhnamo ayinyema actiyapmaclha acnim. Inquilhcajacmec nic nat acyovoclhojo alhtaa actomja acyaptama yingmin. Inyamacac nic nat nalhit.

ÉXODO 15:5

Apquilvayvamquic alhta malha mataymong acvayveycaoc. Incapquic alhta yingmin acvanyam apquilvonquepa.

PROVERBIOS 30:4

¿Apmiyaclhe ya netin enlhit? ¿Apvayventa ya mocjam apyascamco enlhit? ¿Soc enlhit apmaycam apmic alhcajayam najan piyam? ¿Soc enlhit aptalhnama actomja ayalomalhca yingmin acvanyam? ¿Soc enlhit aptimesquiscama acvamlha navayc as nalhpop? ¿Apyasamco ya lhquip apvisay apanco, najan apvisay apquitca?

ISAÍAS 11:15

Elhicmocsic sat Dios Apyimtalhnamo amay, yoyam eljalhtipilhquetic Yingmin Acyilhvasem, acvisay Egipto. Epeyvacsic sat apectong tacjalhit vatsam Éufrates (Asiria). Colhcamac sat alhcajayam acvanyam, colhpansic sat yingmin vatsam, cotniclhac sat siete actingaoc ayinyem yingmin, eljalhtipilhquetic maa mepqui lha yingmin.

JEREMÍAS 10:13

Inquilhtingyovquic yingmin ayinyema appayvam acyitsomalhco ayilhtingyavoyam. Aptimescasquic nic nat yipjopay payjoc nelha lhapop (nalhpop). Inquilyinmacmec nic nat naysicsa acmamay, apquilhcajacmec piyam, inquilhcajacmec alhcajayam.

JEREMÍAS 46:17

Eltime sat moc apvisay faraón apvisqui co Egipto, eltime sat apvisay: Mepqui apmopvan avanjec appayvam — sat eltime.

AMÓS 4:13

Aptomjac nic nat profeta: Dios Apyimtalhnamo aptomja apquilantipquiscama mataymong alvinatem najan alhcajayam. Aptomjac apyascasingvoyam apmayjayoclha nipyesicsa enlhitaoc. Aptimesquiscama ayitsay olhma cotniclhac yatescamalhma. Aptomjac aplhingam apyitsicsaoc inquilhe alvinatem. Apvisay apanco Dios Visqui Apyimtalhnamo — nic nat aptomjac profeta.

SAN MATEO 8:27

Pilapcasquic alhta apquiltamsoycaoc. Apquilpamejitsacpec alhta: —¿Soc enlhit aso? Apcanayquic sat ancoc emascoc piyam najan yingmin, yejemoc alyajaclho —alhta apquiltomjac.

DEUTERONOMIO 11:4

Apquilvitac alhta quellhip aptimesquiscama Dios singilpilhtetemo egipcios apquilminlhinaycam quellhip najan nolhing apcapaoc, najan carros apancaoc. Actemaclha alhta apquilvayveycaoc yingmin acvisay Yingmin Acyilhvasem Mar Rojo. Apsovjoc alhta Dios Apyimtalhnamo apnatovascama maa.