ÉXODO 14:30 - Enhlit Bible

³⁰ Apquilvomcasquic nic nat tap Dios Apyimtalhnamo napatavo co Egipto. Apquilvitac nic nat enlhitaoc Israel co Egipto nicja yingmin acvanyam.

ÉXODO 14:30 Iomraidhean Croise

2 CRÓNICAS 32:22

Apquilmiyovcacpec nic nat apvisqui Ezequías najan apyovoclhojo co Jerusalén napato apvisqui co Asiria Senaquerib najan napatavo poc cotnaja ingmoc. Am nic nat elnapacpoc mocjam lhalhma anco.

SALMOS 106:10

Apquilvomsacpec nic nat tap napatavo cotnaja ingmoc. Apquilvomsacpec nic nat tap napatavo apquilinmelhaycam.

SALMOS 106:8

Apquilvomsacpec nic nat tap ayinyema apmopvan apanco Dios. Innec nic nat ayaco apvisay apanco.

SALMOS 58:10

Copayjiclhac sat ingilvalhoc ningvita inlhojo acyanmongayclha apquiltemaclha apancaoc. Ongvitac sat nalhpop acyivey ema apancaoc. Coyilhvasic sat ingmancoc ninlhingam.

SALMOS 59:10

Epasingvoctac mataa Dios Visqui ajac. Elhicmosquic mataa apquiltemaclha selinmelhaycam apquilinyem. Acyispaquic mataa sicvita.

SALMOS 91:8

Etac sat lhip actemaclha acyanmongayclha apquiltemaclha apquilmapsomcaa.

ÉXODO 14:13

Aptomjac nic nat Moisés apquilanya enlhitaoc: —Noncotyim nasa apquilvalhoc, elvascap. Quip elanojo quilhvo nac jay actemaclha singilvomquiscama tap. Apquilvita inyicje quellhip co Egipto quilhvo nac jay. Melvityejec sat mataa cotmongvoycamlha nelha.

ISAÍAS 63:11

Inyitnam nic nat apatic apquiltemaclha nano. Aptemaclha ilhnic nat Moisés apquilvomquiscama tap apnaymacoc. Apquiltomjac nic nat enlhitaoc: ¿Co laa apna Dios apquilvomquiscama tap Moisés vatsam Nilo, aptomjayclho apquilancam najan apvisqui apnaymacoc? ¿Co laa apna Dios apmescama espíritu apanco apvalhoc Moisés? — nic nat apquiltomjac.

ISAÍAS 63:8

Aptomjac alhta mocjam Dios Apyimtalhnamo: Enlhit ajancaoc, eyitquic mepqui selyinimquiscama — alhta aptomjac. Aptomjac alhta apquilvomquiscama tap.

ISAÍAS 63:9

Jave ilhnic nat ángel, yoyam elvomsic tap. Dios Apyimtalhnamo aptomja apquilvomquiscama tap. Aptomjac nic nat apquilmasma enlhitaoc, ayinyema aptemaclha apcasicjayo najan apcamliyam. Apquinimcasquic nic nat netin, apcaynec nic nat mataa apnaymacoc.

OSEAS 1:7

Ongvasicjiclhojoc sat mocjam apquilmolhama Judá, olvomsic sat tap maa, sicvisay Dios Visqui apancaoc. Cotnejic sat mepqui apquilimpocjay, mepqui pilhpaalh, mepqui sovo acvinatem, mepqui nolhing apcapaoc — nic nat aptomjac Dios Apyimtalhnamo.

DEUTERONOMIO 4:34

¿Aplhenacpe ya poc Dios, aptomja apquilyacyescama apquilmolhama nipyesicsa enlhitaoc lhalhma anco? ¿Apquillingamco ya acyimtalhnama? ¿Apquilvita ya asoc simpilapquiscama najan monquinatquiscama najan apquilnapomacpilha, acyiplomo apmopvan aptamjaycam Dios? Invitalhquic alhta nipyesicsa quellhip apnaycam yoclhilhma Egipto.

SAN JUDAS 1:5

Apquilyasamco inyicje quellhip, altamjo eyca elyasingvoclhojoc mocjam quellhip aptemaclha ilhnic nat Dios Visqui ingac. Apnalovsingvoclhec nic nat enlhitaoc Israel apnaycam yoclhilhma Egipto. Natamin apnatovaseclhec nic nat aplhamoclhojo apquiltomja apquilyasquiyam.

JUECES 10:11

Apcatingmavoc nic nat Dios Visqui ingac: Apquillingamcoc alhta quellhip apquilinmelhaycam egipcios, najan amorreos, najan amonitas, najan filisteos,

1 SAMUEL 11:13

Apcatingmavoc nic nat Saúl: —Mematnejec sat lhama enlhit. Quilhvoc invaac ningvomsomalhca tap ayinyema Dios — nic nat aptomjac.

1 SAMUEL 14:23

Apquilnapacpec nic nat acvaycmo tingma Bet-avén. Apquilyimnatem nic nat israelitas ayinyema Dios.