ÉXODO 14:19 - Enhlit Bible

¹⁹ Lhama ángel Dios apcasinancama aptomja apquinimquiscama apmamyi enlhitaoc Israel. Apquiningvoclhec nic nat alhayi, niptamin enlhitaoc. Najan lha yipjopay ayimja actemaclha monquinatquiscama. Inquiningvoclhec nic nat niptamin enlhitaoc Israel.

ÉXODO 14:19 Iomraidhean Croise

SALMOS 77:20

Lhip nic nat apnalayclha enlhitaoc malha apnatoscama. Apquiltamilquiscama nic nat Moisés najan Aarón.,

SALMOS 78:53

Innec nic nat acnalantama mepqui apquilay enlhitaoc. Yingmin nic nat alnapma (Mar Rojo) cotnaja ingmoc (co Egipto).

ÉXODO 14:20

Inquiningvoclhec nic nat naysicsa apmamyaa co Egipto. Malha yatescamalhma nic nat intomjac yipjopay alyascamalhma co Egipto. Inquitsasquic nic nat olhma enlhitaoc Israel as yipjopay. Am nic nat colapvancaac eltajanyiclha apquilminlhanma co Egipto.

ÉXODO 14:24

Alhtooc nic nat intomjac amamyi ayitsay. Apnec nic nat Dios Apyimtalhnamo naysicsa yipjopay actomja ayitsasquiscamalhma malha talha. Apvitac nic nat aplhamoclhojo co Egipto. Aptovasquic nic nat actemaclha apquillhingam.

ÉXODO 32:34

Ingva. Inaliclha sat enlhitaoc yoclhilhma alhta. Apquimja apmamyi sat etnejic ángel siyasinancama coo. Covac sat acnim, oyanmongsiclhac sat apquiltemaclha apancaoc enlhitaoc — nic nat aptomjac Dios Apyimtalhnamo.

ISAÍAS 52:12

Eltamilsojo sat apquilyamyayclha quellhip mepqui apquilinyajaycaoc. Dios aptomja apquimja apmamyi apnalayclha quellhip. Aptamilquiscama niptamin naysicsa apquillhingam aptomja Dios Visqui apancaoc Israel — alhta aptomjac Dios.

ISAÍAS 58:8

Cotnejic sat malha ayitsay olhma. Coltamalvomoc sat apquilyimsem quellhip. Cotalhcac sat siclho apquiltemaclha apquilpeyvomo quellhip, cotalhcac sat malha ayimjayquinta gloria mayayoclha ajanco.

ISAÍAS 63:9

Jave ilhnic nat ángel, yoyam elvomsic tap. Dios Apyimtalhnamo aptomja apquilvomquiscama tap. Aptomjac nic nat apquilmasma enlhitaoc, ayinyema aptemaclha apcasicjayo najan apcamliyam. Apquinimcasquic nic nat netin, apcaynec nic nat mataa apnaymacoc.

OSEAS 12:13

Apcapajasquic nic nat Dios Apyimtalhnamo lhama profeta, apyinyovquiscama yoclhilhma Egipto apquilmolhama Israel. Apcapajasquic nic nat Dios Apyimtalhnamo profeta, colhic altamilquisa apquilmolhama Israel.

MIQUEAS 2:13

Elhicmocsic sat amay pac Dios, elyiplaclhac sat apquilantepa tingma apatong acyivey. Emyaclhac sat apmamyi Dios Visqui apancaoc, enaliclhac sat apyovoclhojo — nic nat aptomjac profeta.

ZACARÍAS 12:8

Olmeyvoc sat coo sicvisay Visqui enaymacoc Jerusalén. Enlhit melyimnatem as tingma ellhojoc apquilyimnatem, apno ilhnic nat apvisqui David. Aptovana niptamin David ellhojoc sat Dios, ellhojoc sat ángel Dios apcasinancama, aptomja apnalayclha enlhit.

NÚMEROS 20:16

Ningilmalhnaquic alhta Dios yoyam jingilpasmoc. Aplingac alhta ningilmalhnancama ningiliclhangveycam. Apcapajasquic nic nat Dios lhama ángel apcasinancama. Ingilyinyovcasquic alhta yoclhilhma Egipto. Ningvaac as tingma Cades, nicja yoclhilhma.