ÉXODO 13:3 - Enhlit Bible

³ Aptomjac nic nat Moisés apquilanya apnaymacoc: —Colyit apatic (noncolvonquim nasa) as acnim apquilantiyapma quellhip as yoclhilhma Egipto. Apquiltimesaycam alhta quellhip malha apquilmomap. Apmopvan apanco Dios Apyimtalhnamo apquilyinyovquiscama quellhip Egipto. Noeltovaoc nasa quilpasmongam ayincajay apquimpascaoc.

ÉXODO 13:3 Iomraidhean Croise

GÉNESIS 15:16

Apquilvanacmec sat ancoc lhip aptovana apquiltimesaycam poc, elvotac sat mocjam as yoclhilhma. Ayinyemaclha am coyov'ac mocjam apquiltemaclha apancaoc melyascalhma enlhitaoc amorreos— nic nat aptomjac Dios.

1 CRÓNICAS 16:12

Noncolvonquim nasa aptemaclha apyicpilquemo najan apcanamaclha.

NEHEMÍAS 1:10

Lhip apquilancam nincoo najan lhip enlhitaoc apancaoc. Lhip aptomja singilvomquiscama tap ayinyema acyivey lhip apmopvan najan ayinyema apmic acyimnatem.

NEHEMÍAS 9:10

Apquilvitac nic nat apvisqui faraón najan apquilasinancama najan apyovoclhojo co Egipto lhip apmopvan najan aptamjaycam simpilapquiscama. Lhip nic nat apyanmongsayclha apquiltemaclha apancaoc nipyesicsa israelitas. Mayayo nac lhip najan apyimtalhnamo as ningvamlha nac jay.

SALMOS 105:5

Noncolvonquim nasa aptamjaycam simpilapquiscama najan alyivey. Noncolvonquim nasa aptemaclha apyicpilquemo najan apcanamaclha.

SALMOS 114:1

Apquilyinyovquic nic nat yoclhilhma Egipto enlhitaoc Israel, Jacob apquilmolhama. Apquilyinyovquic nic nat cotnaja apquilpayvomó lhama.

SALMOS 136:11

Apquilyinyovquiscama nic nat yoclhilhma Egipto. Comasquejec mataa singasicjayo Visqui ingac.

SALMOS 136:12

Apmopvan nic nat innac, apmiyasquiclho netin apectong. Comasquejec mataa singasicjayo Visqui ingac.

SALMOS 89:14

Appeyvomo apanco lhip ayinyema apna netin apvisqui aptajanem. Appeyvomo najan singasicjayo ayinyema mataa lhip.

ÉXODO 12:15

Eltovaoc sat pan mepqui apquimpascaoc siete acnim. Elsavojo sat etlhaoc asoc ayimpascaoc amamyi siete acnim. Aptovquic sat ancoc enlhit pan acyiplomo apquimpascaoc naysicsa siete acnim ematong sat. Etipsacpoc sat Israel apmolhama.

ÉXODO 12:17

Nocolvonquim nasa mataa as acnim actomja fiesta aptovmap pan mepqui apquimpascaoc. Ayinyemaclha acyinyovcasquic quellhip aplhamoclhojo as acnim yoclhilhma Egipto. Elvajanaoc sat mataa quellhip najan aptovana niptamin malha singanamaclha cotmongvoycamlha nelha.

ÉXODO 12:19

Noelninquin nasa apquimpascaoc tingma apancaoc acvaycmo siete acnim. Aptovquic sat ancoc pan acyiplomo apquimpascaoc, ematong sat as enlhit najan metnaja aptemolhama najan co Egipto. Etipsacpoc sat Israel apmolhama.

ÉXODO 12:2

—Eltimesquis sat apquenmoclha as piltin nac jay. Sat etnejic piltin apmamyi aclhamoclhojo años.

ÉXODO 12:41

Natamin apquilyinyovquic nic nat yoclhlilhma Egipto. Appintalhnama ilhnic nat enlhit apancaoc Dios.

ÉXODO 12:42

Aptiyapecmoc nic nat Dios as alhtaa yoyam elyinyovsic enlhitaoc yoclhilhma Egipto. Incaymalhquic eltimjic enlhitaoc Israel colvoncayam as alhtaa actemaclha acyitnama ingatic Dios Apyimtalhnamo cotmongvoycamlha nelha.

ÉXODO 12:8

Eltovaoc sat apquilyalhaclhama as alhtaa najan pan mepqui apquimpascaoc. Elincaja sat panatem acmasca.

ÉXODO 13:14

Moc acnim sat etnejic ingyanic apquitca: —¿Tata, so acvisay qui? — sat etnejic ingyanic. Ingyatingmojo sat lhip: —Dios Apyimtalhnamo apmopvan apanco singnalovsingveclho yoclhilhma Egipto, ningiltimesaycamcaclha alhta malha ningilmomalhca.

ÉXODO 13:9

Cotnejic sat asoc monquinatquiscama apectong enlhit, tasic lha payjaclha napaat. Quellhip sat ellingacsic singanamaclha Dios. Apmopvan apanco Dios Apyimtalhnamo Jehová apquilyinyovquiscama quellhip yoclhilhma Egipto.

ÉXODO 20:2

—Apvamlha pac lhama Visqui ingac aptomja Dios Apyimtalhnamo. Jingyinyovcasquic alhta yoclhilhma Egipto ningiltimesaycamcaclha alhta, malha ningmomalhca nincoo.

ÉXODO 20:8

Incaymalhquic ontamilsic acnim ninnayclha yoyam ongilpayicsojo Dios Visqui ingac.

ÉXODO 23:15

Lhama acvisay pan (quilpasmongam) mepqui apquimpascaoc. Eltovaoc sat pan mepqui apquimpascaoc acvaycmo 7 acnim, acno sicpayvam siyanamaclha. Piltin apvisay Abib (ayimjaclha ninganma). Acno ilhnic nat apvisay piltin apquilyamasma yoclhilhma Egipto. Copvanquejec lhama enlhit jeyotac coo mepqui semquescama acyilhna.

ÉXODO 3:20

Coo sat otnejic sicyimtalhnamo malha sicpayescama emic. Evanquic olascacsic sat apyimpeoc co Egipto. Elvitac sat aclhamoclhojo asoc monquinatquiscama yoyam olana nipyesicsa. Natamin memyovejec sat apvisqui co Egipto elyacsic quellhip.

ÉXODO 34:18

Ellana sat fiesta quilpasmongam (pan) mepqui apquimpascaoc, actemaclha siyanama siclhoc nat. Eltovamcoc sat pan mepqui apquimpascaoc acvaycmo siete acnim. Niplhit piltin acmocjitmaclha (marzo - abril) apvisay Abib. Apquilyinyovquic nat quellhip as piltin yoclhilhma Egipto.

ÉXODO 6:1

Aptomjac nic nat Dios Apyimtalhnamo apcanya: —Etac sat lhip quilhvoc sictomjaclha napatoc apvisqui faraón. Elngamcojoc sat sicmovan, malha emic acyimtalhnama sat cotnejic. Memyovejec sat faraón elyinyoc as enlhitaoc. Elantipsic sat as yoclhilhma — nic nat aptomjac.

ÉXODO 6:6

Iltimnas sat lhip enlhitaoc Israel: Coo sicvisay Dios. Olyinyovsic sat quellhip actemaclha acyimtalhnama apquiltamjaycam ayinyema co Egipto. Olvomsic sat tap quellhip naysicsa apquiltimesaycam. Olvoclhac sat quellhip ayinyema sicyimtalhnamo naysicsa sicyanmongsayclha apquiltemaclha apancaoc.

ÉXODO 6:7

Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

ÉXODO 7:4

Mengyeylhojoc sat apvisqui faraón quellhip apquilpayvam. Coo sat otnejic sicyimtalhnamo, malha sicpayescama emic yoclhilhma Egipto sat cotnejic. Oyinyovsic sat yoclhilhma Egipto enlhitaoc ajancaoc, enlhitaoc Israel, enlhitaoc appintalhnama. Coyiplovjoc sat sicyanmongsayclha apquiltemaclha apancaoc co Egipto.

JEREMÍAS 34:13

Eycaso sicpayvam sicvisay Visqui apancaoc israelitas: alanac coo siclhoc nat pacto nipyesicsa apquilyeyjamcaa quellhip, sicyinyovquisa apquilmomacpilha yoclhilhma Egipto. Actomjac nat siyanya:

DANIEL 9:15

Lhip Dios Visqui ingac. Invitalhquic nic nat lhip apmopvan apanco naysicsa apyinyovquiscama nic nat yoclhilhma Egipto enlhitaoc Israel, lhip apnaymacoc. Mayayo nac lhip apvisay acvaycmo as ningvamlha nac jay. Nincoo eyca ningilsilhnanomalhca inganco ningiltomja ningmasom.

SAN MATEO 10:12

Apquilantalhningvocmec sat ancoc quellhip tingma, elpayvas sat. Eltime sat elanic: “Lhip nac. Altamjoc colhic lhip actamilaycam apvalhoc” —sat eltime quellhip.

SAN LUCAS 22:19

Apmec alhta quilpasmongam Jesús. Yejemoc alhta aptomja gracias Dios Ingyapam. Apyaptec alhta. Apquilmesquic alhta apquiltamsoycaoc. Aptomjac alhta apquilanya: —Eycaso actomja sicyovoclhojo, sicyinyovmalhca acyanmongam quellhip. Eltime sat mataa sictomjaclha nac aso, moncolvanama coo, (yoyam coytic apatic quellhip coo) —alhta aptomjac.

1 CORINTIOS 11:24

Apquilmalhnescasquic alhta siclho. Apyaptec alhta quilpasmongam. Aptomjac alhta apquilanya: “Eltovaoc quellhip. Eycaso actomja malha sicyovoclhojo apquilmesomap quellhip. Eltime sat mataa yoyam coytic apatic quellhip sictemaclha coo” —alhta aptomjac Jesús.

1 CORINTIOS 5:8

Mongillanejec mocjam pascua caya apquilyeycajaycaoc naysicsa cotamilaycam ingvalhoc najan naysicsa ningillanay acmasom. Mongiltimjic sat malha sepo yompac mayincajay ayimpascaoc. Ingilane sat ongillanac pascua caya apquilyeycajaycaoc actemaclha actamila ingvalhoc najan actemaclha actomja nasoc anco. Ongiltimjic sat malha quilpasmongam mepqui mayincajay ayimpascaoc.

EFESIOS 1:19

Elyicpilcangvomoc sat quellhip singmescama Dios ningmovan, malha acyeycajangvaycmo tap ningiltomja mongyasquiyam. Apvitascasquic alhta Dios actemaclha apmopvan

DEUTERONOMIO 13:10

Ingyaa sat lhip acvaycmo apquitsepma apsilhnanoncama, aptomja apmapsom napato Dios, apyinyovquiscama nat yoclhilhma Egipto aptimesaycam nat lhip.

DEUTERONOMIO 13:11

Elyasingvomoc sat apyovoclhojo enlhitaoc Israel, elangvomoc sat elsilhnanacpoc apanco napato Dios.

DEUTERONOMIO 13:5

Etvasacpoc sat as profeta acvitay apvanmoncama, aptomja apquinmelhaycam Dios apyinyovquiscama nat yoclhilhma Egipto. Ematong sat as profeta aplhinganimquiscama quellhip apquilyamasma amay pac Dios Apyimtalhnamo. Elantipquis sat quellhip aptomja apmapsom nipyesicsa quellhip.

DEUTERONOMIO 13:6

Elsilhnanacpoc sat quellhip ayinyema apquilsilhnanoncama apquilmolhama: apyalhing, najan apquitca, najan aptava, najan ingmoc. Elanyacpoc sat quellhip eltimjic apquilayo quilaycmasquiscama melyicpilquemo quellhip, najan melyicpilquemo apquilyeyjamcaa quellhip.

DEUTERONOMIO 15:15

Colyitnam apatic quellhip apquiltomja nat apquilmomap yoclhilhma Egipto, apyinyovquiscama nat Dios. Eycaso ayinyema sicpayvam napatavo quellhip.

DEUTERONOMIO 16:1

Apvocmec sat ancoc piltin Abib, ellana sat quellhip fiesta Pascua, colhic sat ayaco Dios Apyimtalhnamo. Apyinyovcasquic nat Dios yoclhilhma Egipto as piltin najan alhtaa, yoyam elvomsacpoc tap quellhip.

DEUTERONOMIO 16:12

Colyitnam sat apatic quellhip apquiltomja nat apquilmomap yoclhilhma Egipto. Elyiplovcasojo acyovoclhojo singanamaclha nac jay.

DEUTERONOMIO 16:3

Eltovaoc sat aptoscama nipquesic acyiplomo pan mepqui apquimpascaoc, acvaycmo siete acnim, apvisay pan ninlingaycamco acyimtalhnama. Colyitnam sat apatic quellhip apquilyamasma nat yoclhilhma Egipto, appecjescama nat Dios. Colyitnam sat apatic quellhip cotmongvoycamlha nelha.

DEUTERONOMIO 24:18

Noncolvonquim nasa quellhip, apquiltomja nat apquilmomap yoclhilhma Egipto, apyinyovquiscama nat as yoclhilhma Dios. Elyiplovcasojo sat mataa siyanamaclha coo — nic nat aptomjac Moisés.

DEUTERONOMIO 24:22

Coyitnam apatic quellhip, apquiltomja nat apquilmomap yoclhilhma Egipto. Eycaso sicpayvam siyanamaclha quellhip, yoyam elyiplovcasojo.

DEUTERONOMIO 26:8

Ingilvitascasquic alhta Dios apmopvan apanco, aptimesquisa apquilay co Egipto, ayinyema aptamjaycam simpilapquiscama. Ingilyinyovcasquic alhta yoclhilhma Egipto.

DEUTERONOMIO 4:34

¿Aplhenacpe ya poc Dios, aptomja apquilyacyescama apquilmolhama nipyesicsa enlhitaoc lhalhma anco? ¿Apquillingamco ya acyimtalhnama? ¿Apquilvita ya asoc simpilapquiscama najan monquinatquiscama najan apquilnapomacpilha, acyiplomo apmopvan aptamjaycam Dios? Invitalhquic alhta nipyesicsa quellhip apnaycam yoclhilhma Egipto.

DEUTERONOMIO 5:15

Coyitnam sat ingatic ningiltimesaycamcaclha yoclhilhma Egipto, najan aptemaclha Dios Apyimtalhnamo singyinyovquiscama as yoclhilhma. Eycaso ayinyema singanamaclha Dios ontimjic ningilayo apvisay apanco as acnim ninnayclha.

DEUTERONOMIO 5:6

Apvamlha pac lhama Visqui ingac aptomja Dios Apyimtalhnamo. Ingilyinyovcasquic alhta yoclhilhma Egipto ningiltimesaycamcaclha alhta nincoo.

DEUTERONOMIO 6:12

Apquilvitac sat ancoc quellhip, noncolvonquim nasa quellhip Dios, aptomja apyinyovquiscama yoclhilhma Egipto, apquiltamjaycamcaclha quellhip apquilvisay apquilmomap.

DEUTERONOMIO 6:21

Elatingmojo sat quellhip: Nincoo alhta malha ningilmomalhca yoclhilhma Egipto, apnaclha apvisqui faraón. Ingilyinyovcasquic alhta Dios as yoclhilhma acyiplomo apmopvan apanco.

DEUTERONOMIO 7:8

Apyinyovcasquic alhta Dios yoclhilhma Egipto apquiltimesaycam quellhip apnaclha apvisqui faraón. Apyimnatem apanco alhta Dios Apyimtalhnamo, aptomja singasicjayo, mepqui apyeycajascaoc aplhanma nat napatavo apquilyeyjamcaa quellhip.

DEUTERONOMIO 8:14

Noelyimtalhnesacpojo apanco quellhip. Colyitnam sat apatic quellhip Dios, apyinyovquiscama yoclhilhma Egipto, apquiltamjaycam nat quellhip apquilmomap.

DEUTERONOMIO 9:12

Aptomjac alhta Dios seyanya coo: —¡Ingyapaja ityip! Apquiltemaclha apancaoc lhip apnaymacoc, apnalovsingvoyclha alhta lhip yoclhilhma Egipto. Apquilsilhnanacpec apanco maa. Apquilvatsamquic elyiplovcasojo actemaclha siyanamaclha. Apquillanac lhac quilaymasquiscama oro asoc alyinmom — alhta aptomjac seyanya.

JOSUÉ 24:17

Dios aptomja alhta singyinyovquiscama yoclhilhma Egipto. Ningiltimesaycam alhta maa nincoo najan ningilyeyjamcaa. Ningvitac alhta aptamjaycam simpilapquiscama Dios. Aptomjac alhta singmasma najan sintamilquiscama nalhit amay, naysicsa ningmilanem yoclhilhma cotnajaclha ningaoclha.

JUECES 2:12

Apquilyinyovquic nic nat Dios Apyimtalhnamo apquilyeyjamcaa, aptomja ilhnic nat apyinyovquiscama yoclhilhma Egipto. Apquiltomjac nic nat apquilayo quilaycmasquiscama apancaoc actomja apquilaoclha. Aplovquic nic Dios Apyimtalhnamo apvita inlhojo apquiltemaclha apancaoc.

JUECES 6:8

Apcapajasquic nic nat profeta Dios apcasinancama. Aptomjac nic nat apquilanya: —Eycaso sicpayvam sicvisay Dios Visqui apancaoc enlhitaoc Israel: Acyinyovcasquic alhta quellhip yoclhilhma Egipto. Apquiltimesam alhta quellhip malha apquilmomap.