ÉXODO 12:51 - Enhlit Bible

⁵¹ Eyca as acnim apquilyinyovquiscama ilhnic nat Dios Apyimtalhnamo enlhitaoc Israel yoclhilhma Egipto. Appintalhnama ilhnic nat enlhitaoc.

ÉXODO 12:51 Iomraidhean Croise

GÉNESIS 50:24

Aptomjac nic nat José apquilanya apquilpipma: —Incamquitvaac siyitsepmaclha. Epasmoc sat quellhip Dios Apyimtalhnamo. Elantipsic sat as yoclhilhma. Enaliclhac sat quellhip yoclhilhma apquiltiyascamcaclha ningilyeyjamcaa Abraham najan Isaac najan Jacob. Aplhenquic nic nat Dios yoyam colhejec acyascacmo, yoyam elmesic sat as yoclhilhma.

1 REYES 6:1

Apquilyinyovquic nic nat yoclhilhma Egipto enlhitaoc Israel. Vocmec nic nat cuatrocientos ochenta años. Cuatro años nic nat aptimem apvisqui Salomón nipyesicsa enlhitaoc Israel. Apvocmec nic nat apcanit piltin, apquiltimem nic nat piltin Zif. Apcapajasquic nic nat apvisqui Salomón, colhic allana tingma apponquinomap.

2 CRÓNICAS 14:12

Aptimescasquic nic nat Visqui ingac, eltimjic apquilyimnatem Asa najan apnaymacoc co Judá napatavo co Etiopía. Apquilinyajamquic nic nat etiopes.

SALMOS 114:1

Apquilyinyovquic nic nat yoclhilhma Egipto enlhitaoc Israel, Jacob apquilmolhama. Apquilyinyovquic nic nat cotnaja apquilpayvomó lhama.

SALMOS 136:11

Apquilyinyovquiscama nic nat yoclhilhma Egipto. Comasquejec mataa singasicjayo Visqui ingac.

ÉXODO 12:41

Natamin apquilyinyovquic nic nat yoclhlilhma Egipto. Appintalhnama ilhnic nat enlhit apancaoc Dios.

ÉXODO 12:50

Apquilyajaclhoc nic nat enlhitaoc Israel actemaclha apcanama Moisés najan Aarón ayinyema Dios Apyimtalhnamo. Apquilyiplovcasquic nic nat.

ÉXODO 13:1

Aptomjac nic nat Dios Apyimtalhnamo apcanya Moisés:

ÉXODO 16:1

Apquilquimpaclhec nic nat mocjam aplhamoclhojo enlhitaoc Israel. Apnam nic nat siclho acyitnamaclha yingmin acvisay Elim. Apquilmiyaclhec nic nat yoclhilhma actamopeycaoc acvisay Sin, acyitna jalip inquilhe Sinaí. Apvocmec nic nat apcanit piltin quince acnim apquilyamasma yoclhilhma Egipto.

ÉXODO 19:1

Apvocmec nic nat tres piltin natamin apquilyamasma enlhitaoc Israel yoclhilhma Egipto. Apquilvocmec nic nat as acnim yoclhilhma actamopeycaoc acvisay Sinaí.

ÉXODO 3:8

Acvaac coo yoyam olvomsic tap nipyesicsa co Egipto. Olyinyovsic sat yoclhilhma Egipto. Onalaclhac sat acyov'aclha yoclhilhma acyitnamaclha leche najan apquimjaclha yovjan. Apcaoclha enlhitaoc cananeo najan enlhitaoc heteo najan amorreo najan ferezeo najan heveo najan enlhitaoc jebuseo.

ÉXODO 6:26

Eycaso ilhnic nat apvisay Aarón najan apyalhing apvisay Moisés. Aptomjac nic nat Dios Apyimtalhnamo apquilanya: —Elyinyovquis sat enlhitaoc Israel yoclhilhma Egipto. Appintilhec maa.

ÉXODO 6:6

Iltimnas sat lhip enlhitaoc Israel: Coo sicvisay Dios. Olyinyovsic sat quellhip actemaclha acyimtalhnama apquiltamjaycam ayinyema co Egipto. Olvomsic sat tap quellhip naysicsa apquiltimesaycam. Olvoclhac sat quellhip ayinyema sicyimtalhnamo naysicsa sicyanmongsayclha apquiltemaclha apancaoc.

ÉXODO 7:4

Mengyeylhojoc sat apvisqui faraón quellhip apquilpayvam. Coo sat otnejic sicyimtalhnamo, malha sicpayescama emic yoclhilhma Egipto sat cotnejic. Oyinyovsic sat yoclhilhma Egipto enlhitaoc ajancaoc, enlhitaoc Israel, enlhitaoc appintalhnama. Coyiplovjoc sat sicyanmongsayclha apquiltemaclha apancaoc co Egipto.

LEVÍTICO 23:43

Colyitnam sat apatic aptovana niptamin, actemaclha sicyinyovquiscama yoclhilhma Egipto sicmasma israelitas nalhit amay, apquillanay mataa jamilh, yoyam elhnam. Coo sicvisay Dios Visqui apancaoc quellhip — nic nat aptomjac Dios.

AMÓS 2:10

Coo alhta sicyinyovquiscama yoclhilhma Egipto. Acnalaclhec alhta cuarenta años yoclhilhma actamopeycaoc, acvaycmo yoclhilhma amorreos, yoyam ellhovamcoc enlhitaoc Israel.

MIQUEAS 6:4

Acyinyovcasquic nat quellhip yoclhilhma Egipto, apquiltamjaycamcaclha quellhip apquilmomap. Alapajasquic nat mayayo apnalayclha quellhip, apvisay Moisés, najan Aarón, najan María.

NÚMEROS 23:22

Apyinyovcasquic nic nat Dios yoclhilhma Egipto. Apquiltimescasquic nic nat apquilyimnatem enlhitaoc, malha inquipetaoc vayqui navjac.

NÚMEROS 26:4

colhic acnatalhesa apquilvisay moclhama apquileyvam veinte años tap, acno apcanama siclho Dios apcanyacpo Moisés. Eycaso ilhnic nat israelitas apquilantiyapma alhta siclho yoclhilhma Egipto:

NÚMEROS 33:1

Eycaso ilhnic nat amay apquillhingam israelitas, apquilyamasma yoclhilhma Egipto moclhama campamento, apnalayclha ilhnic nat Moisés najan Aarón.

LOS HECHOS 13:17

Dios Ingyapam nic nat apvisqui apancaoc enlhitaoc Israel. Apquilyacyesquic nic nat ningilyeyjamcaa. Aplhamaseclhec nic nat enlhitaoc Israel apnaycam yoclhilhma Egipto, cotnaja apquilaoclha apanco. Inyiplovcoc nic nat apmopvan Dios Ingyapam apnalovsingvoyam yoclhilhma Egipto.

DEUTERONOMIO 16:1

Apvocmec sat ancoc piltin Abib, ellana sat quellhip fiesta Pascua, colhic sat ayaco Dios Apyimtalhnamo. Apyinyovcasquic nat Dios yoclhilhma Egipto as piltin najan alhtaa, yoyam elvomsacpoc tap quellhip.

DEUTERONOMIO 4:37

Apcasicjavoc nic nat Dios apquilyeyjamcaa quellhip. Apquilyacyesquic nic nat Dios aptovana niptamin, apquilyinyovquisa ilhnic nat yoclhilhma Egipto, acyiplomo apmopvan apanco.

JOSUÉ 24:5

Ayapajasquic nic nat Moisés najan Aarón. Alnapquic nic nat co Egipto. Acyinyovcasquic nic nat quellhip yoclhilhma Egipto.

SAN JUDAS 1:5

Apquilyasamco inyicje quellhip, altamjo eyca elyasingvoclhojoc mocjam quellhip aptemaclha ilhnic nat Dios Visqui ingac. Apnalovsingvoclhec nic nat enlhitaoc Israel apnaycam yoclhilhma Egipto. Natamin apnatovaseclhec nic nat aplhamoclhojo apquiltomja apquilyasquiyam.