ÉXODO 12:37 - Enhlit Bible

³⁷ Apquilantipquic nic nat enlhitaoc Israel tingma Ramesés apquilyasa tingma Sucot. Apvocmec nic nat seiscientos mil enlhitaoc. Am nic nat colyipsatalhca quilvanaa najan apquitquic. Nalhpop nic nat apquillhingam.

ÉXODO 12:37 Iomraidhean Croise

GÉNESIS 12:2

Olhamasiclhac sat lhip aptovana eleyoc sat lhalhma anco. Opasmoc sat mataa lhip. Colhic sat mataa ayaco lhip. Lhip sat epayesiclhac apquilvalhoc poc enlhitaoc.

GÉNESIS 15:5

Apyantamacpec nic nat Abram tap tingma. Aptomjac nic nat Dios apcanya Abram: —Quip ilanojo netin. Ilyipsit sat apyov'a. ¿Apvanqui ya elyipsitic? Sat elhojoc lhip aptovana niptamin— nic nat aptomjac.

GÉNESIS 46:3

Aptomjac nic nat Dios apcanya: —Coo nac Dios Visqui pac lhip apyeyjamcaa. Nongya nasa eyacsic yoclhilhma Egipto. Olhamascasiclhac sat lhip aptovana yoyam eltimjic appintalhnama.

GÉNESIS 47:11

Apmasquic nic nat José actamilaclha anco yoclhilhma yoyam elhnam apyap najan apquilpipma. Actemaclha ilhnic nat apcanama apvisqui faraón. Apquilvitac nic nat amyip apancaoc yoclhilhma Ramesés.

ÉXODO 1:11

Apquiltimesacpec nic nat apquilimja apmamyi egipcios. Apquiltamjoc nic nat ellingamcojo acyimtalhnama apquiltamjaycam enlhitaoc Israel. Apquillanac nic nat tingma apquilyivey najan acnaycamcolha nintom. Apvisqui faraón nic nat apancaoc. Lhama ilhnic nat apvisay tingma Pitón, poc nic nat apvisay tingma Ramesés.

ÉXODO 10:9

Apcatingmavoc nic nat Moises: —Jingilnaliclhac sat ingilyapmayc, najan inquitquic, najan nintoscama vayqui najan nipquesic. Acvisay fiesta acvanyam napato Dios Apyimtalhnamo — nic nat aptomjac Moisés.

ÉXODO 13:20

Apquilyinyovquic nic nat amyip Sucot, apquilyipjongvocmo yoclhilhma actamopeycaoc amyip Etam.

ÉXODO 38:26

Apyovoclhojo enlhit veinte años apquiltiyascam najan tap apquilyipsatacpo seiscientos tres mil quinientos cincuenta enlhit. Moclhama apquilmescama nasa cinco gramos y medio de plata, alyipsatomalhca balanza carpa apponquinomap.

NÚMEROS 1:2

Isavojo sat apquilyipsatem apquilvamlha enlhitaoc Israel. Moclhama apquilmolhama clanes najan apquilmolhama familias. Elyasamcojo moclhama apquilmolhama najan apquilvamlha apyovoclhojo enlhitaoc.

NÚMEROS 1:46

Apsovjoc nic nat malyipsatem seiscientos tres mil quinientos cincuenta enlhit.

NÚMEROS 11:21

Apcatingmavoc nic nat Moisés: —Appintalhnama siclhalhmaa coo, malha seiscientos mil enlhitaoc. ¿Lhip ya etingyasquisic apitic eltovamcoc apyovoclhojo enlhitaoc lhama piltin?

NÚMEROS 2:32

Apquilyipsatacpec nic nat acma apquilmaycam apyovoclhojo - 603.550 enlhitaoc.

NÚMEROS 26:51

Innatalhesalhquic nic nat apquilvisay apyovoclhojo apquilmolhama Israel seiscientos un mil setecientos treinta enlhitaoc.

NÚMEROS 33:3

Apquilyinyovquic nic nat israelitas Ramsés (Egipto) acnim quince, najan piltin primero as año. Acvisay acnim natamin fiesta apancaoc Pascua. Apquillhinquic nic nat napatavo egipcios, apquilvita Dios apmopvan apanco.

NÚMEROS 33:5

Apquilyinyovquic nic nat Ramsés apquilvocmo najan apquilnaclho Sucot.