ÉXODO 12:3 - Enhlit Bible

³ Eltime sat elanic apcaneyquiclhilha Israel: Cotnejic sat piltin nac jay acvocmo diez acnim. Incaymalhquic moclhama enlhit appasmeyquiclha apquitquic ingyajic lhama nipquesic apquitcoc.

ÉXODO 12:3 Iomraidhean Croise

GÉNESIS 22:8

Apcatingmavoc nic nat Abraham: —Sictamongvoyam, Dios apyasamcoc asoc yoyam ongajic actemaclha ningmescama— nic nat aptomjac. Apquillhinquic nic nat mocjam.

GÉNESIS 4:4

Apsantac nic nat najan Abel aptoscama nipquesic apquitcoc, actemaclha macmescama Dios. Apyispaquic nic nat Dios aptemaclha Abel najan actemaclha apmescama.

2 CRÓNICAS 35:7

Am nic nat emyavac apnatoscama apvisqui. Apquillhocac nic nat apyovoclhojo enlhitaoc apvisqui apnatoscama, yoyam eltovamcoc fiesta Pascua. Apquilvocmec nic nat treinta mil yataay apquitcavoc najan nipquesic apquitcavoc, najan maa tres mil vayqui ayitcavoc.

ÉXODO 12:2

—Eltimesquis sat apquenmoclha as piltin nac jay. Sat etnejic piltin apmamyi aclhamoclhojo años.

ÉXODO 12:21

Apquilevam nic nat Moisés aplhamoclhojo apquilviscaa enlhitaoc Israel. Aptomjac nic nat Moisés apquilanya: —Eltingyasquis sat apnatoscama apquitcoc moclhama enlhit apmolhama. Elaa sat, cotnejic sat asoc macmescama Dios.

ÉXODO 12:4

Am sat ancoc elhnam aplhamoclhojo apquitquic, incaymalhquic elpasmoc apnaymacoc yoyam elsavojo aptoycaoc nipquesic apquitcoc.

ÉXODO 12:6

Eltamilquis sat apnatoscama piltin nac jay acvocmo catorce acnim. Elaa sat apnatoscama natamin actalhnama acnim.

ÉXODO 14:15

Aptomjac nic nat Dios Apyimtalhnamo apcanya Moisés: —¿Soctomja apquilpalhamamcaa lhip selhena coo? Ilane sat enlhitaoc Israel yoyam elimpiclhac mocjam.

ÉXODO 20:19

Apquiltomjac nic nat apquilanya Moisés: —Lhip sat jingiltimnas, pac ongilaylhojo. Mongvanquejec jingiltimnacsic Dios Apyimtalhnamo. Pac ongilmasquingvomoc nincoo— nic nat apquiltomjac.

ÉXODO 4:30

Apquiltimnasquic nic nat Aarón aclhamoclhojo appayvam ayinyema siclho Moisés. Pilapcasquic nic nat apquilvita asoc monquinatquiscama, apcanyomap Moisés etnejic napatavo.

ÉXODO 6:6

Iltimnas sat lhip enlhitaoc Israel: Coo sicvisay Dios. Olyinyovsic sat quellhip actemaclha acyimtalhnama apquiltamjaycam ayinyema co Egipto. Olvomsic sat tap quellhip naysicsa apquiltimesaycam. Olvoclhac sat quellhip ayinyema sicyimtalhnamo naysicsa sicyanmongsayclha apquiltemaclha apancaoc.

EZEQUIEL 40:1

Vocmec alhta acnim diez natamin año nuevo, najan veinticinco años ningmomalhquilha yoclhilhma Babilonia, najan catorce años natamin mactovascama Jerusalén. Emongvavoc alhta Visqui ingac, malha acvitay sicvanmoncama, seyantamaclho siyaoclha Israel. Elhnescasquic alhta ayitsicsic inquilhe acvinatem. Pilapcasquic sicvita payjoc nipiyam malha tingma apvanyam.

LEVÍTICO 1:2

Ilngas sat lhip nipyesicsa israelitas sicpayvam siyanamaclha: Eltime sat mataa ofrendas selmescama coo. Elyacyes sat mataa vayqui, najan nipquesic najan yataay.

LEVÍTICO 5:6

Incaymalhquic etingya aptoscama (yataay, tasic najan nipquesic) apquilvana macmescama Dios acyanmongam apsilhnanomap apanco napato Dios. Colhic sat acmascosa apsilhnanomap apanco enlhit.

NÚMEROS 15:11

Eycaso apquilanyomap eltimjic quellhip, apquilmesa inlhojo vayqui inquinavo, najan nipquesic apquinavo, najan nipquesic apquitcoc, najan yataay apquitcoc.

SAN JUAN 1:29

Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

SAN JUAN 1:36

Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo Nipquesic apquitcoc apquinyema Dios Ingyapam —alhta aptomjac.

SAN JUAN 12:1

Seis acnim alhta intomjac yicpintama eltamjacpoc pascua caya apquilyeycajaycaoc. Apmiyaclhec alhta Jesús tingma Betania. Lázaro tingma pac, aplhaticjasquiyam alhta Jesús nipyesicsa apquilmasquingvaycmo.

SAN JUAN 12:12

Moc acnim alhta intomjac. Apquilmiyantac alhta aplhamoclhojo enlhitaoc tingma Jerusalén. Apquililtamjoc alhta elpasmoc pascua, caya apquilyeycajaycaoc. Apquillingac alhta amyaa, yoyam najan evotac Jesús tingma.

1 CORINTIOS 5:7

Etlhaoc sat quellhip apquiltemaclha acmasom, malha ningillhacjam ayimpascaoc ápaoc. Eltime sat quellhip malha sepo yompac mepqui mayincajay ayimpascaoc. Aptovcacpec mataa quilpasmongam aptema nac jay nipyesicsa pascua caya apquilyeycajaycaoc. Quellhip apquiltomja malha sepo yompac mepqui mayincajay ayimpascaoc. Ayinyemaclha Cristo aptomja malha nipquesic apquitcoc apmatnam actemaclha macmescama Dios. Apquitsepquic alhta singyanmongam nincoo.

JOSUÉ 7:14

Ingyansiclha sat secaseclha moclhama apquilmolhama tribu. Olyacyecsic sat moclhama apquilviscaa. Moclhama apquilmolhama clan. Olyacyecsic sat moclhama apquilyata mayayo. Moclhama apquilmolhama familia. Olyacyecsic sat moclhama apquilyap, moclhama enlhit.

EL APOCALIPSIS 13:8

Elpayicsojoc sat asoc navjac aclom aplhamoclhojo enlhitaoc apquileyvam as nalhpop. Melpayicsoyc sat enlhitaoc acyitna acnatalhesomalhca apquilvisay vaycajac acvisay acyimnatem ingnenyic. Innatalhesalhquic nic nat apquilvisay amamyi apquilantipquiscama Dios as nalhpop. Nipquesic Apquitcoc apmatnam vaycajac apanco, acyitna apquilvisay enlhit acyimnatem apnenyaoc.

1 SAMUEL 7:9

Apcajac nic nat nipquesic apquitcoc Samuel, actemaclha macmescama Dios acyanmongam melyascalhma. Apquilmalhnescasquic nic nat napato Dios yoyam elmiyovacpoc israelitas. Apjalhnoc nic nat apquilmalhnancama Dios.