ÉXODO 12:29 - Enhlit Bible

²⁹ Alhtaa aysicso nic nat intomjac. Apyanmongsaclhec nic nat Dios apquiltemaclha co Egipto. Apticyovquic nic nat apquiltomja aptiyam apmamyi. Apsovjacpoc nic nat apticyovam, ayenmo apvisqui faraón apquitca acvocmo apquitca enlhit apcalhimsomap singilpilhtetomaclha. Inticyovquic nic nat aclhamoclhojo apnatoscama actomja acpaliyam amamyi.

ÉXODO 12:29 Iomraidhean Croise

GÉNESIS 15:14

Coo sat najan oyanmongsiclha apquiltemaclha enlhitaoc apquiltomja apquilasquiscama apyimpeoc lhip aptovana. Elvomoc sat tap, colhic sat cascama apquilnatam.

JOB 34:20

Pilapcasquic mataa apquilitsepa enlhit alhtaa. Elmasquingvomoc enlhit apquilimpocjay (apquilinmelhaycam), elvonquepoc sat apquilviscaa apquilyimnatem, mepqui apquilvascapma enlhit.

SALMOS 105:36

Apticyovquic nic nat moclhama aptiyam apmamyi (sicaa) as yoclhilhma. Apticyovquic nic nat sicaa apquilinava quilhva appaliyam.

SALMOS 135:8

Apquilnapquic nic nat aptiyam apmamyi sicaa najan actiyam amamyi ninatoscama.

SALMOS 136:10

Apquilnapma nic nat aptiyam sicaa co Egipto. Comasquejec mataa singasicjayo Visqui ingac.

SALMOS 78:50

Am nic nat emyavac aplom pac Dios apyimtalhnamo. Am nic nat elasicjaclhac mocjam. Ningmasquem nic nat inquilnapac.

SALMOS 78:51

Apmatnec nic nat aptiyam apmamyi co Egipto apquitquic (Cam aptovana).

ÉXODO 11:1

Aptomjac nic nat Dios Apyimtalhnamo apcanya Moisés: —Lhama sat mocjam sicyanmongsayclha apquiltemaclha co Egipto najan apvisqui faraón. Natamin memyovejec sat elyinyoc quellhip as yoclhilhma. Elantipsic sat apvisqui faraón quellhip.

ÉXODO 12:12

Osavojoc sat alhtaa nac jay yoclhilhma Egipto. Osavojoc sat silnapma sicaa appaliyam apmamyi najan apnatoscama ayitcoc acpaliyam amamyi. Oyanmongsiclhac sat apquiltemaclha dioses apquilpayescamo co Egipto. Coo sicvisay Dios.

ÉXODO 12:28

Apquilyajaclhoc nic nat enlhitaoc Israel. Apquilyiplovcasquic nic nat actemaclha apcanama Moisés najan Aarón ayinyema Dios Apyimtalhnamo.

ÉXODO 13:15

Am alhta cotamilam apvalhoc faraón aptemaclha apmasma, jingilyinyovsic yoclhilhma. Yejemoc alhta apcanama Dios Apyimtalhnamo ematong co Egipto apquitcoc quilhva aptiyam apmamyi, najan apnatoscama apquitcoc aptiyam apmamyi. Eycaso ayinyema nintemaclha ningmescama Dios Apyimtalhnamo. Acvisay ningmescama ninatoscama appaliyam apmamyi apquilinava macmescama Dios Apyimtalhnamo. Najan maa acya'mongam inquitquic appaliyam apmamyi, colhic sat acmesa nintoscama apquitcoc.

ÉXODO 4:23

Actomjac coo siyanya lhip: Noelmiyov nasa elyinyoc enlhitaoc Israel apquiltomja malha sictamongvoyam. Altamjoc coo yoyam jelpayicsojo. Apmiyovquic sat ancoc lhip, olnapoc sat co Egipto apquitquic, malha lhip apquitca aptiyam apmamyi — nic nat aptomjac Dios Apyimtalhnamo.

ÉXODO 9:6

Secaseclha ilhnic nat apcapajasa Dios Apyimtalhnamo ningmasquem. Inquilitsepquic nic nat acyovoclhojo apnatoscama co Egipto. Am nic nat cotsapac lhama aptoscama enlhitaoc Israel.

ISAÍAS 24:22

Ingyansiclhac sat Visqui ingac, elmacpoc sat congne malhic actomja singilpilhtetomaclha, nanoc sat colhic acyanmongseclho apquiltemaclha apancaoc.

ISAÍAS 41:11

Elmancangvomoc sat aplhamoclhojo. Elvennacpoc sat apquiltomja apquilinmelhaycam quellhip. Enatovasacpoc sat, elmasquingvomoc sat apquiltomja apquilatingmomap quellhip.

ISAÍAS 51:14

Quilhvoc sat elvomsacpoc tap enlhit apquilmomap nano. Melmasquingvomejec sat singilpilhtetomaclha ayinyema mepqui aptoycaoc, - paj.

JEREMÍAS 38:13

Apquilyinyovasquic nic nat tama apquilvomquisa tap profeta. Apnaclhec nic nat mocjam profeta tingma apnamcaclha guardia.

JEREMÍAS 38:6

Apmacpec nic nat profeta Jeremías, apyinyovacpec nic nat congne yamyamilquit, napocja tingma apnamcaclha guardia. Enlhit nic nat yatapvisqui Malquías, actomja ilhnic nat yamyamilquit apanco. Tama ilhnic nat apquilvayvesantama congne yamyamilquit mepqui lha yingmin. Avanjec nic nat yelpa ayingmenic altoyam apmancoc Jeremías.

HABACUC 3:5

Acvoy amamyi intomjac singilnapma acmasom, acvoy niptamin Dios intomjac ningmasquem singajem.

ZACARÍAS 9:11

Eycaso appayvam Visqui apyimtalhnamo: Quellhip co Jerusalén, otajicsojoc sat mocjam apquilmomap nano, malha apnaycam malhic congno mepqui yingmin congne. Ema actomja macmescama Dios, actomja monquinatquiscama pacto ningmiyovmalhca.

NÚMEROS 3:13

Moclhama enlhit apquitquic aptiyam apmamyi, apvisay sicmolhama coo. Alnapquic alhta nano appaliyam apquilmamyi co Egipto. Inlhenquic alhta evalhoc otnejic ajanco moclhama appaliyam apmamyi enlhit, najan acpaliyam amamyi apnatoscama nipyesicsa israelitas. Coo sicmolhama apyovoclhojo, siclhanma lhac sicvisay Dios — alhta aptomjac — nic nat aptomjac Moisés.

NÚMEROS 33:4

Apquilatoynquic nic nat egipcios apquilitsepma apquitquic appaliyam siclha apvitay, ayinyema ilhnic nat Dios, yoyam elitsapoc. Apquilvitac nic nat apmopvan apanco Dios, am colhno acmovan quilaycmasquiscama acyitsomalhca dios.

NÚMEROS 8:17

Coo ajanco apyovoclhojo apquitquic israelitas appaliyam apmamyi, acno apnatoscama acpaliyam amamyi, coo ajanco. Apquilitsepquic alhta egipcios appaliyam apmamyi, yiplovcoc silyacyescama israelitas apquitquic appaliyam apmamyi.

HEBREOS 11:28

Meyasquiyam nic nat innac Moisés. Apquiltomjacpec nic nat pascua caya apquilyeycajaycaoc. Apquilanayquic nic nat Moisés yoyam colhic alilhpaja ema netin apatnaoc tingma. Copvanquejec nic nat etalhningvac ángel apvisay singilnapma. Copvanquejec nic nat elnapoc apquitquic israelitas apquiltomja appaliyam apmamyi.

HEBREOS 12:23

yoyam eltimjic apquilayo Dios. Apquilvoclhec quellhip apcaneyquiclha Dios apmolhama acyitna apquilvisay acnatalhesomalhca netin. Apquilvoclhec quellhip apnaclha Dios aptomja apyicpilquemo aplhamoclhojo enlhitaoc najan apnaycamcaclha apquiljangaoc apquiltomja apquilpeyvomo napato Dios.