ÉXODO 12:14 - Enhlit Bible

¹⁴ Colvoncamejec sat mataa quellhip as acnim. Eltime sat mataa fiesta actemaclha acyitnama apatic Dios Apyimtalhnamo. Elvajanamcoc sat najan aptovana niptamin quellhip cotmongvoycamlha nelha.

ÉXODO 12:14 Iomraidhean Croise

2 REYES 23:21

Apcanama ilhnic nat apvisqui, colhic allana fiesta Pascua, yoyam colhic ayaco Dios Apyimtalhnamo, acno aclhanma vaycajac apcanamaclha Dios.

SALMOS 111:4

Colvoncamejec sat mataa aptamjaycam simpilapquiscama. Aptasi nac Visqui ingac, aptomja mataa singasicjayo.

SALMOS 135:13

Visqui ingac. Innec ayaco lhip apvisay cotmongvoycamlha nelha. Colvoncamejec mataa lhip apvisay cotmongvoycamlha nelha.

ÉXODO 12:17

Nocolvonquim nasa mataa as acnim actomja fiesta aptovmap pan mepqui apquimpascaoc. Ayinyemaclha acyinyovcasquic quellhip aplhamoclhojo as acnim yoclhilhma Egipto. Elvajanaoc sat mataa quellhip najan aptovana niptamin malha singanamaclha cotmongvoycamlha nelha.

ÉXODO 12:24

Elvajanaoc sat mataa quellhip najan aptovana niptamin malha singanamaclha cotmongvoycamlha nelha.

ÉXODO 12:43

Aptomjac nic nat Dios Apyimtalhnamo apcanya Moisés najan Aarón: —Eycaso singanamaclha pascua actemaclha ningilvoyam tap. Copvanquejec etasomoc metnaja aptemolhama Israel.

ÉXODO 12:6

Eltamilquis sat apnatoscama piltin nac jay acvocmo catorce acnim. Elaa sat apnatoscama natamin actalhnama acnim.

ÉXODO 23:15

Lhama acvisay pan (quilpasmongam) mepqui apquimpascaoc. Eltovaoc sat pan mepqui apquimpascaoc acvaycmo 7 acnim, acno sicpayvam siyanamaclha. Piltin apvisay Abib (ayimjaclha ninganma). Acno ilhnic nat apvisay piltin apquilyamasma yoclhilhma Egipto. Copvanquejec lhama enlhit jeyotac coo mepqui semquescama acyilhna.

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

ÉXODO 5:1

Apvoclhec nic nat Moisés najan Aarón apnaclha apvisqui faraón. Aptomjac nic nat apcanya: —Eycaso appayvam Dios, Apvisqui apancaoc enlhitaoc Israel: Nomyov nasa elyinyoc as yoclhilhma enlhit ajancaoc. Ellanac sat fiesta yoclhilhma actamopeycaoc, yoyam jelpayicsojo coo — nic nat aptomjac.

EZEQUIEL 46:14

Najan maa macmescama Dios siete litros cereales actic najan lhama litro aceite alpalhquemalhca harina motajap. Mongvanquejec mataa mepqui as asoc macmescama Dios cada día.

LEVÍTICO 23:6

Acnim quince, najan piltin primero, cotnejic fiesta acvisay pan mepqui apquimpascaoc, colhic ayaco Dios. Eltovamcoc sat pan mepqui apquimpascaoc acvaycmo siete acnim.

ZACARÍAS 6:14

Colhnam sat tingma apponquinomap coronas apquilpocanma, actemaclha acyitnama ingatic mayayo Heldai, najan Tobías, najan Jedaías najan Josías, Sofonías apquitca — alhta aptomjac.

NÚMEROS 10:8

Apvancaac elpayvacsic trompetas apquilvamlha Aarón apquitquic najan aptovana apquilvisay sacerdotes. Comasquingvomejec sat mataa as singanamaclha.

NÚMEROS 15:15

Apquilanyacpec metnaja israelitas elyiplovcasojo, acno apquilanyomap quellhip. Comasquejec sat mataa as singanamaclha, elyiplovcasojo sat apyapmayc najan apquitquic.

NÚMEROS 16:40

Incaymalhquic elavojoc mataa israelitas. Paj poc enlhit apmopvan elvitic talha netin altar apquilvatnamaclha asoc acmasis, apquilvamlha Aarón aptovana najan aptovana niptamin. Poc enlhit elngamcojoc sat acyanmongayclha, acno apquillingaycamco Coré najan apquillhalhmaa. Apquilvajanamquic nic nat mataa, acno apcanama siclho Dios, aplingascama Moisés apcanyacpo ellana Eleazar.

NÚMEROS 18:8

Aptomjac nic nat Dios apcanya Aarón: Coo sictimesquiscama lhip etnejic apquimja apmamyi ofrendas ayinyema israelitas. Cotnejic lhip apanco najan apquitquic apancaoc moclhama ofrendas apquilmescama nasa israelitas, acvisay asoc macmescama Dios. Comasquejec sat mataa siyanamaclha nac jay.

SAN MATEO 26:13

Actomjac coo silanya quellhip: Naso, copayesalhcac sat tasic amyaa lhalhma anco. Colngalhcac sat najan actomjaclha lhac as quilvana, actemaclha acyitnama ingatic —alhta aptomjac Jesús.

SAN LUCAS 22:19

Apmec alhta quilpasmongam Jesús. Yejemoc alhta aptomja gracias Dios Ingyapam. Apyaptec alhta. Apquilmesquic alhta apquiltamsoycaoc. Aptomjac alhta apquilanya: —Eycaso actomja sicyovoclhojo, sicyinyovmalhca acyanmongam quellhip. Eltime sat mataa sictomjaclha nac aso, moncolvanama coo, (yoyam coytic apatic quellhip coo) —alhta aptomjac.

DEUTERONOMIO 16:1

Apvocmec sat ancoc piltin Abib, ellana sat quellhip fiesta Pascua, colhic sat ayaco Dios Apyimtalhnamo. Apyinyovcasquic nat Dios yoclhilhma Egipto as piltin najan alhtaa, yoyam elvomsacpoc tap quellhip.

DEUTERONOMIO 16:11

Ellana sat quellhip fiesta napato Dios, payjoc carpa apponquinomap, apquilpasmeyquiclha apquitquic, najan enlhit apquilmomap, najan apnaymacoc levitas, najan metnaja israelitas, najan apquilyeyjeycam, najan lhintampaa nipyesicsa quellhip.

DEUTERONOMIO 6:8

Noelayim nasa singanamaclha, elnateticlha sat apmeoc singanamaclha Dios. Elyipitquis sat payjaclha napaat, yoyam cotnatsalhquejec mataa.

JOSUÉ 4:7

Elatingmojo sat quellhip: Eycaso acyitnama ingatic actemaclha acyaptama yingmin Jordán naysicsa apquilsovm yamit aysicsic acyitnamaclha Dios appayvam. Inyaptalhquic nic nat yingmin vatsam Jordán. Eycaso mataymong actomja acyitnescama ingatic yoyam colvoncamejec enlhitaoc Israel cotmongvoycamlha nelha — nic nat aptomjac Josué.

1 SAMUEL 30:25

(Apquilyiplovcasquic mataa israelitas as ningvamlha nac jay).