ÉXODO 11:3 - Enhlit Bible

³ Dios nic nat appayesayclha apquilvalhoc enlhitaoc Israel nipyesicsa co Egipto. Najan lha Moisés aptomja ilhnic nat apyimtalhnamo nipyesicsa co Egipto najan nipyesicsa apquilancam apvisqui faraón.

ÉXODO 11:3 Iomraidhean Croise

GÉNESIS 12:2

Olhamasiclhac sat lhip aptovana eleyoc sat lhalhma anco. Opasmoc sat mataa lhip. Colhic sat mataa ayaco lhip. Lhip sat epayesiclhac apquilvalhoc poc enlhitaoc.

GÉNESIS 39:21

Appasmec nic nat mataa José Dios Apyimtalhnamo. Apquimlacmoc nic nat. Dios Apyimtalhnamo nic nat inquinyemac yoyam ingyasicjacpojo José apnaclha singilpilhtetomaclha apvisqui.

2 SAMUEL 7:9

Actimec mataa siclhalhma lhip apyasaclha mataa. Actovasquic coo mataa cotnaja ingmoc napatoc lhip. Innec alhta ayaco lhip apvisay. Apyimtalhnamo apanco lhip, am elhnoc poc apyimtalhnamo as nalhpop.

ESTER 9:4

Aptomjac nic nat apvisqui mayayo Mardoqueo, apna apvisqui rey tingma pac. Inlingalhquic mataa aptemaclha apyimtalhnamo, coyangvomoc mataa apyimnatem apanco moclhama acnim.

SALMOS 106:46

Inquimjapamcoc nic nat apquilvalhoc apquilinmelhaycam siclho. Apquiltomja ilhnic nat apquilmam, yoyam eltimesam.

ÉXODO 12:35

Apquililyajaclhoc nic nat enlhitaoc Israel actemaclha apcanama Moisés. Am nic nat colyilhningvocmoc apquilpayvam nipyesicsa co Egipto apquilma apava najan apquilnatanma alyinmomo plata najan oro.

ÉXODO 12:36

Appayesaclhec nic nat Dios Apyimtalhnamo apquilvalhoc enlhitaoc Israel napatavo co Egipto. Apquillhocac nic nat apquiltamjoclha elsaclha. Apquilnatamacpec nic nat asoc apancaoc co Egipto.

ÉXODO 3:21

Ongvimlimojoc sat as enlhitaoc (Israel) napatavo co Egipto. Elyinyoc sat quellhip yoclhilhma Egipto acyiplomo asoc apancaoc apquillhoy quellhip.

ISAÍAS 60:14

Elvac sat apquitquic enlhit cotnaja ingmoc, yoyam eljalhic sat napatavo quellhip. Elticlhic sat aptapnaoc apyovoclhojo enlhit apquilvenéycam siclho quellhip, payjoc apnamcaclha quellhip. Eltimjic sat apquilvisay quellhip: Dios tingma pac Jerusalén, Apvisqui apancaoc israelitas — sat eltimjic.

LOS HECHOS 7:22

Apyasingvocmec nic nat Moisés apquiltemaclha apquilyascamco co Egipto. Apyascamco appayvam nic nat najan apyascamco aptamjaycam.

DEUTERONOMIO 34:10

Naso, am nic nat etacpoc poc profeta Dios aplingascama nipyesicsa enlhitaoc Israel. Apvamlha ilhnic nat Moisés appamejitsacpo napato Dios Apyimtalhnamo.

DEUTERONOMIO 34:11

Am nic nat etacpoc poc profeta, apmopvan ellaná aptamjaycam simpilapquiscama. Apvamlha ilhnic nat Moisés apna yoclhilhma Egipto apcanyacpo ingyinmelham apvisqui faraón najan yatapquilviscaa lhalhma anco.

JOSUÉ 4:14

Aptimescasquic nic nat Dios Apyimtalhnamo Josué nipyesicsa enlhitaoc Israel. Apquilyajaclhoc nic nat mataa appayvam aclhamoclhojo acnim. Acno ilhnic nat apquilyajayquiclho Moisés appayvam enlhitaoc Israel.

EL APOCALIPSIS 3:9

Quip ilanojo. Apnam napocja enlhitaoc apcaneyquiclhilha yavey Satanás acmolhama. Apquiltomjamacpo apanco judíos. Jave inyicje judíos apanco, apquiltomja eyca apquilmopvancaa amyaa. Altamjoc olanic sat enlhitaoc yoyam elvotac apnaclha. Elnalhpolintac sat apquinmamcaclha lhip. Elyicpilcangvomoc sat actemaclha siyasicjayo lhip.