ÉXODO 1:7 - Enhlit Bible

⁷ Aplhameclhec nic nat enlhitaoc Israel apquilvita apquitquic. Apquilyimnatem nic nat apquiltomjac. Aplanoc nic nat yoclhilhma.

ÉXODO 1:7 Iomraidhean Croise

GÉNESIS 1:20

Aptomjac nic nat mocjam Dios: —Colanteypoc sat aclhamoclhojo asoc aleyvam nayingmin. Colquimpam sat netin aclhamoclhojo nata as nalhpop— nic nat aptomjac. Inquilantipquic nic nat.

GÉNESIS 1:28

Intasic nic nat appayvam Dios appamejitsa: —Ilhamasiclha sat aplhamoclhojo apquitquic najan aptovana, eleyoc sat lhalhma anco. Itne sat lhip avisqui ac as nalhpop, najan avisqui ac aclhamoclhojo quilasma najan aclhamoclhojo nata najan aclhamoclhojo asoc alpilhyevaycam nalhpop— nic nat aptomjac Dios.

GÉNESIS 12:2

Olhamasiclhac sat lhip aptovana eleyoc sat lhalhma anco. Opasmoc sat mataa lhip. Colhic sat mataa ayaco lhip. Lhip sat epayesiclhac apquilvalhoc poc enlhitaoc.

GÉNESIS 13:16

Elhamiclhac sat aptovana niptamin mongmovan ongilyipsitic. Malha lhopactic sat eltimjic. Mongvanquejec ongilyipsitic lhopactic, mongvanquejec najan ongilyipsitic aptovana niptamin.

GÉNESIS 15:5

Apyantamacpec nic nat Abram tap tingma. Aptomjac nic nat Dios apcanya Abram: —Quip ilanojo netin. Ilyipsit sat apyov'a. ¿Apvanqui ya elyipsitic? Sat elhojoc lhip aptovana niptamin— nic nat aptomjac.

GÉNESIS 17:16

Intasic actemaclha lhip aptava. Etac sat lhip apquitca apquinavo, cotimsic sat aptava. Naso, intasic actemaclha lhip aptava. Appintalhnama sat eltimiclha atovana natamin lhalhma anco. Apquilviscaa sat eltimiclhac nipyesicsa aplhamoclhojo apquilmolhama lhalhma anco.

GÉNESIS 22:17

Opasmoc sat mataa lhip. Olhamasiclhac sat aptovana mongmovan ongilyipsitic. Malha apyova netin sat eltimjic. Malha lhopactic anic as nalhpop sat eltimjic. Apquilyimnatem sat eltimjic, melhoyc sat cotnaja ingmoc.

GÉNESIS 26:22

Apquimpaclhec nic nat mocjam Isaac. Apquilmaclhec nic nat moc yamilquit. Am nic nat almiyovcoc. Aptimescasquic nic nat Isaac acvisay yamilquit “Mepqui singilinmelhaycam”. Intomjac nic nat apvalhoc Isaac: Quilhvoc ongnam sat nincoo mepqui singilinmelhaycam yoyam ongillhamiclhac sat— nic nat intomjac apvalhoc.

GÉNESIS 26:4

Olhamascasiclhac sat aptovana niptamin mongmovan ongilyipsitic. Malha apyova netin sat eltimjic. Coo sat olmesamcoc aclhamoclhojo yoclhilhma. Olpasmoc sat aplhamoclhojo enlhitaoc lhalhma anco, ayinyema lhip aptovana.

GÉNESIS 28:14

Ellhamiclhac sat lhip aptovana, mongmovan ongilyipsitic sat eltimjic. Ingyilhpanic sat, nilhqueyja sat elyacsic najan nipiyam. Actiyapmaclha acnim sat elyacsic najan actalhningvamlha acnim. Lhip sat mataa epasmoc aplhamoclhojo enlhitaoc apquilmolhama lhalhma anco. Najan lhip aptovana niptamin sat elpasmoc.

GÉNESIS 35:11

Aptomjac nic nat Dios apcanya Jacob: Coo nac Dios sictomja Sicyimtalhnamo. Elhamiclhac sat lhip apquitquic najan aptovana. Eltimjic sat aplhamoclhojo apquilmolhama lhalhma anco. Eltimjic sat apquilviscaa nipyesicsa aptovana.

GÉNESIS 46:3

Aptomjac nic nat Dios apcanya: —Coo nac Dios Visqui pac lhip apyeyjamcaa. Nongya nasa eyacsic yoclhilhma Egipto. Olhamascasiclhac sat lhip aptovana yoyam eltimjic appintalhnama.

GÉNESIS 47:27

Apnam nic nat yoclhilhma Egipto enlhitaoc israelitas. Apquileyvomoclha ilhnic nat acvisay Gosén. Aplhameclhec nic nat enlhitaoc israelitas.

GÉNESIS 48:16

Altamjoc coo epasmoc Dios ángel apanco as apquitcoc, acno setamilquiscama mataa naysicsa acyimtalhnama. Colvoncamejec sat mataa coo sicvisay najan apvisay sicyeyjamcaa Abraham najan Isaac. Ellhamiclhac sat apquitquic. Eltimjic sat appintalhnama lhalhma anco— nic nat aptomjac.

GÉNESIS 48:4

Aptomjac alhta seyanya: Quip ilanojo. Olhamascasiclhac sat lhip aptovana yoyam eltimjic appintalhnama lhalhma anco. Omquesiclhac sat aptovana as yoclhilhma cotmongvoycamlha nelha — alhta aptomjac seyanya.

GÉNESIS 9:1

Intasic nic nat appayvam Dios Apyimtalhnamo apquilpamejitsa Noé najan apquitquic. Aptomjac nic nat apquilanya: —Ellhamasiclha sat apquitquic quellhip najan aptovana. Elleyoc sat lhalhma anco.

NEHEMÍAS 9:23

Aplhamaseclhec nic nat lhip ningilyeyjamcaa apquitquic, mongmovan ongilyipsitic, acno apyová netin. Apquillhocac nic nat yoclhilhma, aplhanma nic nat lhip mepqui apyeycajascaoc, yoyam ellhovamcoc ningilyeyjamcaa.,

SALMOS 105:24

Aplhameclhec nic nat apnaymacoc. Apquilyimnatem nic nat, am elhno co Egipto.

SALMOS 107:38

Appasmec alhta mataa Visqui ingac. Aplhameclhec mataa enlhitaoc. Inlhameclhec mataa apnatoscama.

ÉXODO 1:12

Avanjec nic nat apquillingaycamco acyimtalhnama apquiltamjaycam. Inyangvocmec nic nat aplhamayclha as enlhitaoc Israel. Appayjeclhec nic nat lhalhma anco as yoclhilhma. Apquilangvoclhec nic nat co Egipto apquilvita aplhamayclha enlhitaoc Israel.

ÉXODO 12:37

Apquilantipquic nic nat enlhitaoc Israel tingma Ramesés apquilyasa tingma Sucot. Apvocmec nic nat seiscientos mil enlhitaoc. Am nic nat colyipsatalhca quilvanaa najan apquitquic. Nalhpop nic nat apquillhingam.

ÉXODO 5:5

Aptomjac nic nat mocjam apvisqui: —Quip elanojo. Aplhamoc quilhvoc enlhitaoc as yoclhilhma, am elhno co Egipto. Quellhip eyca apquiltamjoc elyinyovsic apquiltamjaycam — nic nat aptomjac.

EZEQUIEL 16:7

Acvanimcasquic alhta sicaa, acno siyictinquiscama ilhnamoc. Invanamyic alhta sicaa, actomjayclho quilvana anco actamila. Inmasquec alhta acvisay sicaa, actomja eyca quilvana mepqui atava ayalhnayo, mepqui apava actalhnama.

LOS HECHOS 13:17

Dios Ingyapam nic nat apvisqui apancaoc enlhitaoc Israel. Apquilyacyesquic nic nat ningilyeyjamcaa. Aplhamaseclhec nic nat enlhitaoc Israel apnaycam yoclhilhma Egipto, cotnaja apquilaoclha apanco. Inyiplovcoc nic nat apmopvan Dios Ingyapam apnalovsingvoyam yoclhilhma Egipto.

DEUTERONOMIO 10:22

Apquilvocmec nic nat yoclhilhma Egipto apquilyeyjamcaa quellhip, apquilvamlha setenta enlhit. Aplhameclhec nic nat apquilyeyjamcaa, malha apyová netin mongmovan ongilyipsitic. Eycaso ayinyema Dios — nic nat aptomjac Moisés.,

DEUTERONOMIO 26:5

Eltime sat apquillingasa napato Dios. Itne sat lhip appayvam: Apcanito ilhnic nat sicyeyjamcaa apquilvisay arameos. Apquilmiyaclhec nic nat yoclhilhma Egipto, yoyam elhnam maa. Aplhameclhec nic nat apquilvitacpo appintalhnama najan apquilyimnatem apanco.