ÉXODO 1:11 - Enhlit Bible

¹¹ Apquiltimesacpec nic nat apquilimja apmamyi egipcios. Apquiltamjoc nic nat ellingamcojo acyimtalhnama apquiltamjaycam enlhitaoc Israel. Apquillanac nic nat tingma apquilyivey najan acnaycamcolha nintom. Apvisqui faraón nic nat apancaoc. Lhama ilhnic nat apvisay tingma Pitón, poc nic nat apvisay tingma Ramesés.

ÉXODO 1:11 Iomraidhean Croise

GÉNESIS 15:13

Aptomjac nic nat Dios apcanya Abram: —Iyasamcojo sat lhip. Elhnam sat lhip aptovana yoclhilhma cotnajaclha apquilaoclha. Eltimjic sat apquiltimesaycam poc. Colhic sat alasquisa apyimpeoc acvaycmo 400 años.

GÉNESIS 47:11

Apmasquic nic nat José actamilaclha anco yoclhilhma yoyam elhnam apyap najan apquilpipma. Actemaclha ilhnic nat apcanama apvisqui faraón. Apquilvitac nic nat amyip apancaoc yoclhilhma Ramesés.

1 REYES 9:19

Naysicsa aptimem nic nat apvisqui Salomón apquillanacpoc tingma apquilvanyam acnaycamcolha nintom, najan apnamcaclha singilpilhtetemo netin carros, najan singilpilhtetemo nolhing apcapaoc. Apquillanac nic nat aplhamoclhojo tingma: payjoc tingma Jerusalén, najan yoclhilhma Líbano najan lhalhma anco yoclhilhma apcanamaclha.

2 CRÓNICAS 16:4

Inlicavoc nic nat apvalhoc Ben-adad aptemaclha apvisqui Asa. Apcapajasquic nic nat colhic altimnasa apquilviscaa singilpilhtetemo, yoyam elimpocjac tingma apquilvanyam nipyesicsa co Israel. Apquilmec nic nat tingma Ijón, najan Dan, najan Abel-maim najan apyovoclhojo tingma apquileyvomaclha Neftali apquilmolhama, najan tingma apancaoc acnaycamcolha nintom.

2 CRÓNICAS 8:4

Apquillaneclhec nic nat yoclhilhma actamopeycaoc tingma Tadmor najan poc tingma apquilvanyam payjoc Hamat. Apquillanac nic nat depósitos acyitnamaclha acyilhna.

SALMOS 105:13

Apquilquimpaclhec nic nat mataa apquilyamasa poc aptemaclha enlhitaoc. Apquilquimpaclhec nic nat mataa apquilyamasa yoclhilhma, yoyam elvita poc.

SALMOS 129:1

Avanjec alhta siclingaycamco acyimtalhnama, ayenmo sictemaclha eyitcoc — eltime sat apquilpayvam quellhip enlhtaoc Israel.

SALMOS 129:2

Avanjec alhta siclingaycamco acyimtalhnama, ayenmo sictemaclha eyitcoc. Am elmascoscacmoc mataa sictiyascam coo.

SALMOS 68:13

Am nic nat elvitacpoc quellhip apquilyilhanmeycam. Valhaay aplhimpancoc alyitsomalhca plata asoc alyinmom. Valhaay apva acyitsomalhca oro asoc alyinmom.

SALMOS 81:6

—Aljalhyovasquic coo asoc apquilpatmeycam quellhip. Acmascosquic coo apquillingaycamco quellhip apquiltamjaycam acyimtalhnama.

ÉXODO 1:14

Inquilastinquic nic nat apquileyvam as nalhpop enlhitaoc Israel. Inyimtilhec nic nat apquiltamjaycam yelpa najan yatipjaymacaoc najan apquiltamjaycam amyip najan moc apquiltamjaycam. Co Egipto nic nat ayinyema apquillingaycamco acyimtalhnama.

ÉXODO 2:11

Apvanamyic nic nat Moisés. Nalhit acnim nic nat intomjac. Aptiyaningveclhoc nic nat apnaymacoc. Apquilanoc nic nat actemaclha acyimtalhnama apquiltamjaycam. Apvitac nic nat nipyesicsa apnaymacoc enlhit hebreo yoyam ematong. Co Egipto ilhnic nat apticpaycam.

ÉXODO 3:7

Aptomjac nic nat Dios Apyimtalhnamo apcanya: —Acvitac lhac enlhit ajancaoc hebreos yoclhilhma Egipto. Acvitac lhac actemaclha apquillingaycamco. Aclingac lhac apquilpalhamaycam ayinyema apquilyicpilhquetaycaoc co Egipto. Acyasamcoc coo actemaclha apquillingaycamco acmasca.

ÉXODO 5:10

Apquillhinquic nic nat yatapquilviscaa najan apquilimja apmamyi co Egipto. Apquiltomjac nic nat apquilanya enlhitaoc Israel: Eycaso appayvam apvisqui faraón: —Colhejec sat mocjam almesa papiyov.

ÉXODO 5:15

Apquilyoclhec nic nat apnaclha apvisqui faraón apquilimja apmamyi enlhitaoc Israel. Apquiltomjac nic nat apquilanya naysicsa apquiliclhangvom: —¿Soctomja singiltimesa nac aso ningiltomjac ningilancam?

ÉXODO 5:8

Elane sat elinlhanmojoc apvamlha apquillanay yatipjaymacaoc acno nanoc alhta. Elapajasiclhojo sat mataa, ayinyemaclha colyacmoc mataa eltamjam. Apquilinlhanacmec mataa apquilpalhamaycam: Ningiltamjoc ongilyacsic yoyam ongilmecsic ningaycaoc Dios Visqui ingac — mataa apquiltomjac.

PROVERBIOS 27:4

Yimtilhec mataa aclom ingvalhoc najan nintemaclha ninlom, somco eyca aclhenseycam ingvalhoc, am colhno moc.

NÚMEROS 20:15

Apquilmiyaclhec nic nat ningilyeyjamcaa yoclhilhma Egipto. Apquileyvec nic nat maa aclhamoclhojo años. Avanjec alhta nincoo ninlingaycamco acyimtalhnama, ayinyema co Egipto. Acno ilhnic nat ningilyeyjamcaa.

DEUTERONOMIO 26:6

Ninlingamcoc alhta acyimtalhnama nipyesicsa co Egipto. Apquilascasquic alhta ingyimpejic, ningiltomja ningilmomalhca.