ESTER 9:25 - Enhlit Bible

²⁵ Inquiltimnasquic nic nat avisqui Ester amyaa apnaclha apvisqui. Aptomjac nic nat apvisqui apcanya, ayinyema vaycajac actalhesomalhca, yoyam elngamcojoc sat Amán acyanmongayclha aptemaclha apanco. Apquilhnesacpec nic nat Amán najan apquitquic netin yamit.

ESTER 9:25 Iomraidhean Croise

1 REYES 8:32

Ingyeylhojo sat lhip apma netin. Iyicpilcojo sat lhip actemaclha acpeyvomo. Ilhen sat apvisay aptomja apsilhnanomap apanco yoyam colhic acyanmongsaclho aptemaclha. Mepqui acyanmongayclha sat cotnejic aptomja aptamilcasomacpo apanco.

ESTER 3:6

Pilapcasquic nic nat aplinga apvisay judío. Inquitamquic nic nat apvalhoc, yoyam ematong Mardoqueo, yoyam eticyoc sat najan apyovoclhojo apnaymacoc judíos lhalhma anco yoclhilhma apcanamaclha Asuero.

ESTER 7:10

Apquilhnesacpec nic nat Amán yamit nitno, yamit animsomalhca, apcanyacpo ingyilhnesacpoc Mardoqueo. Intamilaclhec nic nat mocjam apvalhoc apvisqui.

ESTER 7:4

Coo najan enaymacoc ningiltomja ningilmomalhca yoyam onticyoc. Molhenejec coo ningilmomalhca, yoyam ongiltimesam. Copvanquejec cotnaja ingmoc ingyinmelham lhip visqui mayayo, apvita inlhojo mepqui ninticyovam — nic nat intomjac.

ESTER 7:5

Aptomjac nic nat apvisqui Asuero apcanya: —¿Soc enlhit qui? ¿Co laa apvisay cotnaja ingmoc etnejic ticyovam inyap? — nic nat aptomjac.

SALMOS 140:8

Visqui ajac. Noelmiyov nasa enlhit apquilmapsomcaa. Nongyeylhojo nasa actemaclha alquitamsama apquilvalhoc. Apquilvascapquic maa ellanac quimpocjacme. Ilane sat ellingamcojo acyanmongayclha apquiltemaclha apancaoc.

SALMOS 141:10

Ingyane sat elmacpoc apanco, ayinyema almam quiljanma apancaoc. Coo eyca otyisam ajanco (mepqui sicmomalhca).

SALMOS 7:16

Elngamcojoc sat apanco ayinyema aptemaclha apanco, aptemaclha apmapsom.

SALMOS 7:17

Otnejic sat siyayo Visqui ingac aptomja appeyvomo. Omnaycmacsic sat apvisay apanco Visqui ingac apyimtalhnamo.

SALMOS 94:23

Lhip Visqui ingac enatovacsic apquilmapsomcaa, Ayinyema apquilsilhnanomap apanco. Dios Visqui ingac eyanmongsiclhac sat apquiltemaclha apancaoc.

PROVERBIOS 26:27

Ningilmetmec sat ancoc malhic, etyamoc congne enlhit, ompalamoc sat nincoo congne. Ningilyinyovquic sat ancoc mataymong, cajic sat enlhit, nincoo sat onticyoc.

PROVERBIOS 5:22

Elsilhnanacpoc apanco apquilmapsomcaa ayinyema apquiltemaclha apancaoc. Malha yamtama acmam sat cotnejic meyascalhma enlhit.

ISAÍAS 22:25

Cotnejic sat as acnim, contic sat clavo acticpamalhca, cotyamoc sat maa. Colintic sat aclhamoclhojo asoc, colpalhic sat maa, alyilhnama as clavo — alhta aptomjac Visqui ingac apyimtalhnamo — nic nat aptomjac profeta.

ABDÍAS 1:15

Colhic sat acyanmongseclho apquiltemaclha apancaoc, ellingamcojoc sat quellhip. Colhojoc sat apquillingaycamco quellhip, apquiltimesquiscama siclho quellhip apquilyalhinga — alhta aptomjac. Camquitvaac acnim apanco Dios Visqui ingac, elvita enlhitaoc lhalhma anco.

SAN MATEO 21:44

Aptolhnac sat ancoc enlhit netin as mataymong, ingyilhpocjacpojoc sat. Incapquic sat ancoc enlhit as mataymong, etpilcacpojoc sat —alhta aptomjac.

1 SAMUEL 25:39

Aplingac nic nat amyaa David apquitsepma Nabal. Aptomjac nic nat David: —Innec ayaco Dios. Mepqui coo sicsilhnanomalhca ajanco. Aplingamcoc Nabal apyanmongsayclha Dios aptemaclha apanco — nic nat aptomjac. Innec nic nat altimnasa tampeyi Abigail, etnejic sat aptava David.