ESTER 9:1 - Enhlit Bible

¹ Invocmec nic nat acnim trece najan piltin doce, moc apvisay Adar, as acnim aclhanma vaycajac apcanamaclha apvisqui, yoyam eticyoc apyovoclhojo judíos. Apquilvitac nic nat moc actemaclha.

ESTER 9:1 Iomraidhean Croise

2 SAMUEL 22:41

Apquinyajasquic lhip cotnaja ingmoc. Evanquic alhta otvacsic apquiltomja selinmelhaycam.

ESTER 3:13

Apquilsaclhesquic nic nat vaycajac apquilsoycam amyaa lhalhma anco. Intomjac nic nat amyaa actalhesomalhca: —Eticyoc sat apyovoclhojo enlhitaoc judíos, najan apquilyimnanic najan apquilvanyam, najan sicaa najan quilvanaa. Elnajap sat lhama acnim, acvisay trece najan piltin doce, moc apvisay Adar. Elsavojo sat apquilnatam apancaoc apticyovam — nic nat intomjac vaycajac.

ESTER 3:7

Año alhnancoc alhta, lhama piltin, moc apvisay Nisán. Aptimec nic nat doce años apvisqui Asuero, apquilyasingvocmo ayinyema apquilmaycam sicas napato Amán, yavamlha eltimjic. Apquilyasingvocmec nic nat acnim trece najan piltin doce, moc apvisay piltin Adar, yoyam elsavojoc sat apquilnapma judíos.

ESTER 8:12

Incaymalhquic judíos elsavojo apquilnapma lhama acnim as yoclhilhma apcanamaclha apvisqui Asuero. Acvisay acnim trece najan piltin doce, moc apvisay Adar.

ESTER 8:6

Movanquejec olngamcojo acyimtalhnama, sicvita inlhojo apticyovam enaymacoc najan apticyovam sicmolhama ajanco — nic nat intomjac Ester.

SALMOS 18:40

Apquinyajasquic lhip cotnaja ingmoc. Evanquic alhta otvacsic apquiltomja selinmelhaycam.

SALMOS 30:11

Apvitac alhta lhip acmayovsa evalhoc. Yiplovcoc acyivey siyitsovascama. Apmascosquic lhip acmayovsa evalhoc. Aptimescasquic lhip siyitsovascama, malha fiesta intomjac.

LOS HECHOS 12:11

Apyasingvocmec alhta Pedro. Yejemoc alhta appametamcaa: —Quilhvoc acyasingvocmec actomja nasoc anco aptomjaclha Visqui ingac. Apcapajasqui nac ángel apanco, yoyam jevomsic tap naysicsa yoyam jelajic apvisqui Herodes najan co Judea —alhta intomjac apvalhoc Pedro.

DEUTERONOMIO 32:36

Epasmoc sat Dios Visqui ingac elmeyvoc sat, apvita inlhojo mepqui apquilyimnatem enlhitaoc apquilyacyescama siclho. Epasmiclhac sat maa, apvita inlhojo apticyovam apquilyimnatem najan mepqui apquilyimnatem.

EL APOCALIPSIS 11:18

Apquillovquic enlhitaoc lhalhma anco. Quilhvoc invaac acnim yoyam eyanmongsiclhac lhip apquiltemaclha enlhitaoc. Eyicpilcojoc sat lhip apquiltemaclha apquilmasquingvaycmo alhta. Elmesic sat lhip acyanmongam apquiltomja apquilancam, apquiltomja apquillingascama lhip apvisay najan apquiltomja lhip apquilyacyescama. Najan apquiltomja apquilayo lhip apvisay, apquiltomja apquitcaoc najan apquilvanyam. Enatovacsic sat lhip enlhitaoc apquiltomja apnatovascama alhta as nalhpop —alhta apquiltomjac apquilimja apmamyi.