ESTER 8:11 - Enhlit Bible

¹¹ Yitnec actalhesomalhca apvisqui appayvam apquilanyacpo judíos, yoyam elnapacpoc sat, apquilinmelha inlhojo metnaja judíos tingma apquilvanyam najan lhalhma anco. Apvancaac mataa judíos ingyaniclhac, yoyam elnapoc, yoyam enatovacsic, yoyam elnatamoc sat apquilnatam, apquilvita inlhojo metnaja judíos acma apquilmaycam apquiltomja apquilimpocjay. Coticyoc sat maa quilvanaa najan sicaa.

ESTER 8:11 Iomraidhean Croise

ESTER 3:13

Apquilsaclhesquic nic nat vaycajac apquilsoycam amyaa lhalhma anco. Intomjac nic nat amyaa actalhesomalhca: —Eticyoc sat apyovoclhojo enlhitaoc judíos, najan apquilyimnanic najan apquilvanyam, najan sicaa najan quilvanaa. Elnajap sat lhama acnim, acvisay trece najan piltin doce, moc apvisay Adar. Elsavojo sat apquilnatam apancaoc apticyovam — nic nat intomjac vaycajac.

ESTER 9:18

Apquilnapquic nic nat judíos cotnaja ingmoc acnim trece najan catorce. Apquilnaclhec nic nat acnim quince, ellanac sat fiesta apquilitsovascama.

SALMOS 137:8

Quellhip tingma Babilonia, colhic sat acnatovasa quellhip. Colhic sat acyanmongseclho apquiltemaclha quellhip. Intasic anco aptemaclha enlhit apquiltomja apquilyanmongsayclha apquiltemaclha,

SALMOS 68:3

Payjeclhec mataa apquilvalhoc enlhit apquilpeyvomo. Elitsovacsojo napato Dios Visqui ingac. Elnayoc sat naysicsa apquilitsovascama.

ISAÍAS 10:6

Ongvapajacsic sat as enlhitaoc nipyesicsa melilyajayquiclho najan sevenéycam coo. Elnatamoc sat apquilnatam, elminyilhic sat, eltamoc sat malha apquiltoyam yelpa payjoc amay, sat cotnejic.

EZEQUIEL 39:10

Melyintilhvomejec sat mataa enlhit ayinyema mayicjescama apquilmaycam, yoyam cotniclhac alhpongja. Elnatamacpoc sat cotnaja ingmoc asoc apancaoc, apquiltemaclha apquilnatamaycam nipyesicsa israelitas. Eycaso sicpayvam sicvisay Visqui apancaoc — alhta aptomjac.