ESTER 7:10 - Enhlit Bible

¹⁰ Apquilhnesacpec nic nat Amán yamit nitno, yamit animsomalhca, apcanyacpo ingyilhnesacpoc Mardoqueo. Intamilaclhec nic nat mocjam apvalhoc apvisqui.

ESTER 7:10 Iomraidhean Croise

GÉNESIS 40:22

Apcanayquic nic nat apvisqui colhic ayilhna netin apquimja apmamyi apquillanay pan. Innoc nic nat actemaclha appeyvescasquiclha José.

ESTER 2:1

Inmasquec nic nat aplom pac apvisqui Asuero. Inquitamquic nic nat apvalhoc quilvana apyamasma aptava Vasti najan apcanamaclha alhnancoc.

ESTER 5:14

Incatingmavoc nic nat aptava, najan maa apnaymacoc: —Itnimquis sat lhip yamit nitno 22 metros acvinatem. Ipamejitquis sat apvisqui secaseclha alhtoo, yoyam ingyanic ingyilhnesacpoc maa Mardoqueo. Etnejic sat lhip aplhalhma apvisqui eltasomoc sat avisqui Ester tingma ac mepqui aclom apvalhoc — nic nat apquiltomjac. Payjeclhec nic nat apvalhoc Amán aplinga apquillhanma. Apcapajasquic nic nat, colhic animquisa yamit acvinatem mayilhnescama enlhit apmapsom.

ESTER 7:7

Aplovquic nic nat apvisqui apquinmaclho netin. Aptipquic nic nat siclho apyinyova apcanayclha fiesta, yoyam etyisam tap tingma ayimjaclha yamit. Am nic nat ingyimjamcoc Amán, apyasamcoc nic nat yoyam ematong. Apquilmalhnac nic nat Amán acnaclha avisqui Ester, yoyam emyovacpoc.

ESTER 7:8

Aptajavoc nic nat mocjam nipyesicsa apcanayclha fiesta. Apvitac nic nat apticlha aptapnaoc Amán acnaclha avisqui Ester, payjoc acyitnamaclha. Aptomjac nic nat apvisqui apyimnatesa appayvam: —¿Lhip ya apyoyam etava quilhvo nac jay najato coo, congne tingma ajac? — nic nat aptomjac apvisqui. Yejemoc nic nat apmacpo Amán. Singilpilhtetemo apquilviscaa apquilpilhqueta ilhnic nat apava apcatic. Lhama ilhnic nat apvisay Harbona, aptomja apcanya: —Inquinmec maa yamit nitno veintidós metros acvinatem payjoc Amán tingma pac. Appenasquic alhta, yoyam ingyilhnesacpoc Mardoqueo, enlhit mayayo napato apvisqui. Aptomjac nic nat apcanya apvisqui: —¡Elquilhnes sat maa Amán! — nic nat aptomjac.

ESTER 8:7

Apcatingmavoc nic nat apvisqui napato judío Mardoqueo najan avisqui Ester: —Inlhocac lhac Ester tingma, aptomja siclho tingma pac Amán. Apquilhnesacpec alhta yamit Amán, ayinyema alhta apquinmelhaycam judíos, apcanya eticyoc judíos.

ESTER 9:14

Aptomjac nic nat apvisqui apcanama, yoyam elyiplovcasojo actema nac lha. Inlingalhquic nic nat amyaa natingma Susa, yoyam elilhnesacpoc netin yamit diez apticyovam Amán apquitquic.

ESTER 9:25

Inquiltimnasquic nic nat avisqui Ester amyaa apnaclha apvisqui. Aptomjac nic nat apvisqui apcanya, ayinyema vaycajac actalhesomalhca, yoyam elngamcojoc sat Amán acyanmongayclha aptemaclha apanco. Apquilhnesacpec nic nat Amán najan apquitquic netin yamit.

JOB 18:8

Cotlapsic sat apmacpo yamyamayin, comopvan elhong mocjam.

JOB 20:8

Comascoc sat malha acvitay apvanmoncama, metacpejec sat mocjam aptiyascam maa.

SALMOS 37:15

Cajiclhac sat sovo acvinatem pac aptomja apmaycam sovo acvinatem. Colhic sat ayintasa yanca pac.

SALMOS 7:16

Elngamcojoc sat apanco ayinyema aptemaclha apanco, aptemaclha apmapsom.

SALMOS 94:23

Lhip Visqui ingac enatovacsic apquilmapsomcaa, Ayinyema apquilsilhnanomap apanco. Dios Visqui ingac eyanmongsiclhac sat apquiltemaclha apancaoc.

PROVERBIOS 11:27

Ningiltasic mataa napato Dios, ningyiplovquisa inlhojo nintemaclha actamila. Ningilmasom napato Dios, ningyiplovquisa inlhojo nintemaclha acmasom.

PROVERBIOS 11:8

Jingilmeyvoc Dios Visqui ingac naysicsa ninlingaycamco acmasom. Elngamcojoc sat acmasom, acyitna inlhojo acmasom apvalhoc enlhit.

PROVERBIOS 26:27

Ningilmetmec sat ancoc malhic, etyamoc congne enlhit, ompalamoc sat nincoo congne. Ningilyinyovquic sat ancoc mataymong, cajic sat enlhit, nincoo sat onticyoc.

JEREMÍAS 34:17

Actomjac coo silanya quellhip: Am alhta elyiplovcasac quellhip siyanamaclha coo, ayinyema apquilmasma mocjam enlhit apquilmomap, yoyam eltimesam mocjam nipyesicsa quellhip. Ongvapajacsic sat nipyesicsa quellhip apquilimpocjay cotnaja ingmoc, najan mayic ataoc, najan ningmasquem ataoc. Cotlapsic sat enlhitaoc lhalhma anco, apquilvita inlhojo apquillingaycamco acyimtalhnama quellhip. Eycaso sicpayvam sicvisay Visqui apancaoc.

EZEQUIEL 5:13

Ellingamcojoc sat quellhip sictemaclha siclom, ayinyema acyivey anco siclom. Oyanmongsiclhac sat apquiltemaclha apancaoc. Colmoc sat apquilvalhoc coo sicpayvam sicvisay Visqui apancaoc, natamin comascoc sat sictemaclha siclom.

DANIEL 6:24

Aptomjac nic nat apvisqui rey apquilanya elmacpoc enlhitaoc apquilsilhnanoncama siclho Daniel. Colmalhcac sat najan apnatamcaa najan apquitquic as enlhitaoc, yoyam colalhimsalhcac congne malhic acmomalhquilha yamacmeyva. Inquiltajanquic nic nat yamacmeyva, altovamco alyamonquilhma.

DANIEL 6:25

Aptalhosquic nic nat vaycajac apvisqui Darío, apcapajasa as amyaa nipyesicsa enlhitaoc lhalhma anco. Eycaso appayvam actalhesomalhca: ¡Coytic sat actamilaycam apquilvalhoc quellhip!

ZACARÍAS 6:8

Aptomjac alhta ángel seyanya apyimnatesa appayvam: Quip ilanojo apquilyascama nilhqueyja, colhic sat acmascosa maa aplom pac Dios Visqui ingac — alhta aptomjac.

JUECES 15:7

Aptomjac nic nat Sansón apquilanya: —¡Apquiltemaclha apancaoc quellhip! ¡Osavojoc sat sicyanmongsayclha apquiltemaclha apancaoc quellhip! — nic nat aptomjac.