ESTER 6:4 - Enhlit Bible

⁴ Pilapcasquic nic nat apvitacpo Amán payjoc aplhancoc acvanyam. Apquiltamjoc epamejitsacpoc apvisqui, yoyam ingyilhnesacpoc Mardoqueo yamit nitno animsomalhca. —¿Soc enlhit qui apquilhyacmo? — nic nat aptomjac apvisqui.

ESTER 6:4 Iomraidhean Croise

ESTER 4:11

Yitnec singanamaclha ningiltimesaycam apvisqui: copvanquejec lhama enlhit, covanquejec lhama quilvana ongilyoclhojo apvisqui, quilhvoc sat omatong sicyoyquiclho mepqui seyevoycam apvisqui. Appayesquic sat ancoc apvisqui yamit ayitcoc de oro apmaycam apmic, malha ningmongvoyam, cotnejic monquinatquiscama singmasma apvisqui, mepqui ninticyovam. Mepqui seyevoycam mocjam apvisqui treinta acnim, movanqueje oyoclhojo apvisqui — nic nat intomjac Ester.

ESTER 5:1

Invocmec nic nat natqui acnim. Intalhneclhec nic nat Ester apava aptamila apanco, actemaclha avisqui. Inmiyaclhec nic nat patio tingma aplhancoc acvanyam. Inquiningvocmec nic nat atong acyivey, moc aplhancoc acvanyam acyitnamaclha apvisqui aptajanem. Invitac nic nat Ester, apna netin aptajanem apvisqui.

ESTER 5:14

Incatingmavoc nic nat aptava, najan maa apnaymacoc: —Itnimquis sat lhip yamit nitno 22 metros acvinatem. Ipamejitquis sat apvisqui secaseclha alhtoo, yoyam ingyanic ingyilhnesacpoc maa Mardoqueo. Etnejic sat lhip aplhalhma apvisqui eltasomoc sat avisqui Ester tingma ac mepqui aclom apvalhoc — nic nat apquiltomjac. Payjeclhec nic nat apvalhoc Amán aplinga apquillhanma. Apcapajasquic nic nat, colhic animquisa yamit acvinatem mayilhnescama enlhit apmapsom.

ESTER 6:3

Aptomjac nic nat apvisqui apquilanya: —¿Soc asoc aplhoy alhta Mardoqueo sevomquiscama tap? — nic nat aptomjac. Apquilatingmavoc nic nat: —Paj. Am alhta elhcac lhama asoc — nic nat apquiltomjac.

ESTER 6:5

Apquilatingmavoc nic nat: —Apvisay Amán — nic nat apquiltomjac. —¡Elane sat jeyotac coo! — nic nat aptomjac apvisqui.

JOB 5:13

Elyinimsacpoc apanco napato Dios, alhto inyicje aclhanma apquilvalhoc maa.

SALMOS 2:4

Apcasmasquic mataa Dios apma netin. Apvennoc mataa Visqui ingac apvita as enlhitaoc.

SALMOS 33:19

Yoyam jingilvomsic tap. Mongitsepejec sat. Eyimnaticsojoc sat ingnenyaoc naysicsa mayic ataoc.

ECLESIASTÉS 9:10

Pac ongilvascapoc mocjam ningillanay asoc ningilanyomalhca ongillana. Ningatoynalhquic sat ancoc actomjaclha nelha acnim, comascoc sat ningiltamjaycam, najan aclhanma ingilvalhoc, najan acyascamco ingvalhoc, najan ningyicpilquemo.