ESTER 4:16 - Enhlit Bible

¹⁶ Ingyansiclha sat apyovolhojo judíos tingma Susa, jelmalhnesquisic mepqui aptoycaoc. Intasic sat mepqui aptoycaoc tres acnim najan tres alhtaa, najan mepqui apyinaycaoc lhama asoc. Coo sat najan, olanic selancam yoyam jelpasmoc acvaycmo tres acnim. Natamin oyoclhojoc sat apvisqui sicyascamco actomja prohibido. Acmatnec sat ancoc coo, tasic lha omatong — nic nat intomjac Ester.

ESTER 4:16 Iomraidhean Croise

GÉNESIS 18:19

Acyacyesquic coo Abraham, yoyam elanic sat mataa apquitquic najan aptovana elilyejiclhojo siyanamaclha. Yoyam elyiplovcasojo actemaclha actamila najan actemaclha acpeyvomo. Yoyam elhcac sat Abraham aclhamoclhojo asoc siclhanma olmesic— nic nat intomjac apvalhoc.

GÉNESIS 43:14

Dios Apyimtalhnamo sat epasmoc quellhip yoyam colhic ayasicjavo quellhip napato apvisqui. Yoyam melmiyovacpejec sat elquilhyemoc apquilpipma Simeón najan apquilyalhing Benjamín. Am sat ancoc elvoctac eyitquic, cotamalvomejec sat mataa evalhoc. Ayinyemaclha mepqui eyitquic sat jetnejic— nic nat aptomjac.

2 SAMUEL 10:12

¡Ivascap sat lhip! Ongilnapoc sat cotnaja ingmoc, ayinyema ningmasma nincoo ningilmolhama najan tingma apancaoc Dios. Ongvitac sat apmayjayoclha apanco Dios.

2 REYES 7:4

Ninnaclhec sat ancoc apvalhoc tingma apvanyam, ongitsapoc sat, ayinyema mayic ataoc lhalhma anco. Ninnaclhec sat ancoc mocjam as atong acyivey, ongitsapoc sat. Pac ongmiyaclhac sat carpa tingma nipyesicsa sirios. Jingilmeyvoc sat sirios, onticyoc sat lhaja. Mongvanqueje sat nincoo mepqui ningitsepma — nic nat apquiltomjac apquilpamejitsomap.

2 CRÓNICAS 20:3

Intiyacmec nic nat apvalhoc Josafat aplinga amyaa. Inlhenquic nic nat apvalhoc etingya Visqui ingac. Apquilanyacpec nic nat apyovoclhojo co Judá, eltimjic apquililmalhnancama, mepqui aptingyeycaoc nintom.

ESDRAS 8:21

Ninganeclhec alhta nicja vatsam Ahava, yoyam ontimjic ningilmalhnancama Dios mepqui nintom. Ningiltamjoc ongilyasingvomoc actemaclha ningilsilhnanomalhca inganco napato Dios. Yoyam ongilmalhnesquisic Dios jingilmeyvoc nalhit amay, najan apyovoclhojo ningilmolhama najan ningilnatam.

ESTER 4:15

Incapajasquic nic nat mocjam Ester, colhic altimnasa Mardoqueo:

ESTER 4:17

Aplhinquic nic nat maa Mardoqueo, apyiplovquisa ayanamaclha Ester.

ESTER 4:3

Intiyacmec nic nat apquilvalhoc judíos apquillinga amyaa moc yoclhilhma apquileyvomaclha. Avanjec nic nat acmayovsa apquilvalhoc, avanjec nic nat apyapcalhem najan apquiliclhangveycam, am nic nat eltovamcoc mataa. Apquilnaclhec nic nat acyitnamaclha tajap, apma apava acmayovsa apquilvalhoc.

ESTER 5:1

Invocmec nic nat natqui acnim. Intalhneclhec nic nat Ester apava aptamila apanco, actemaclha avisqui. Inmiyaclhec nic nat patio tingma aplhancoc acvanyam. Inquiningvocmec nic nat atong acyivey, moc aplhancoc acvanyam acyitnamaclha apvisqui aptajanem. Invitac nic nat Ester, apna netin aptajanem apvisqui.

ESTER 9:31

Apquilanyacpec nic nat apyovoclhojo judíos ellanac as fiesta Purim as acnim apcanama siclho Mardoqueo najan avisqui Ester, elyiplovcasojoc sat mataa aptovana. Inlhenalhquic nic nat najan apquiltemaclha acmayovsa apquilvalhoc najan apquiliclhangveycam najan apquililmalhnancama mepqui aptoycaoc.

ISAÍAS 22:12

Apnec alhta as acnim Visqui apyimtalhnamo. Apquiltamjoc alhta Dios elyapcalhic najan eliclhangvomoc quellhip, elsavojoc sat apva apyitsicsaoc, najan elantalhniclha yamquintim ajac actemaclha acmayovsa apquilvalhoc.

JEREMÍAS 36:9

Invocmec nic nat nueve piltin najan cinco años aptimem apvisqui Joacim, Josías apquitca, nipyesicsa apquilmolhama Judá. Apcaneclhec nic nat co Jerusalén najan apquilinyema poc tingma apquilvanyam, yoyam elaylhojo Dios appayvam mepqui aptoycaoc.

DANIEL 2:18

Apquilanyacpec nic nat elmalhnesquisic Dios, yoyam eyascasingvomoc Dios amyaa acyilhamalhca. Meticyovejec sat lhama apyimnanic najan apquilyascamco apquiltemaclha co Babilonia.

SAN MATEO 12:40

Natqui acnim najan natqui alhtaa ilhnic nat apma Jonás avalhoc yamquilasma. Sat colhojoc maa apvisay Aptiyam Aptomja Enlhit. Natqui acnim najan natqui alhtaa sat cotnejic apyitnama congne tacjalhop.

SAN LUCAS 9:24

Ningiltamjoc sat ancoc ongilmiyovsalhcojo inganco, ongillhinganmoc sat. Ningyinyovquic sat ancoc nintemaclha inganco ayinyema Jesús najan ayinyema tasic amyaa, ongilmiyovalhcac sat.

SAN JUAN 19:22

Apcatingmavoc alhta Pilato: —Coytic sat actomjaclha sictalhescama —alhta aptomjac.

LOS HECHOS 10:7

Lhama alhta apvoncapaclho ángel Dios apcasinancama. Yejemoc alhta apquilevamcaa Cornelio apcanit apquilancam najan lhama singilpilhtetemo appeyvomo.

LOS HECHOS 20:24

Am colhenam mataa evalhoc, yoyam otnejic sicyimnatem. Altamjo inyicje mataa osavojo sictamjaycam seyanem olana Visqui ingac Jesús. Apquiltamjoc mataa olngacsic tasic amyaa aclhenomalhca Dios Ingyapam singaycaoc.

LOS HECHOS 21:13

Yejemoc alhta apcatingmavo Pablo: —¿Soctomja selinlhacmo nac? ¿Soctomja apyitnocjasa nac evalhoc? Tasic coo, yoyam olpilhquetalhca najan omatong tingma Jerusalén ayinyema apvisay Jesús Visqui ingac —alhta aptomjac.

LOS HECHOS 27:33

Inquitsacac alhta apquilanya Pablo eltovamcoc enlhitaoc: —Invocmec quilhvo anit semanas mepqui apnatiyanma najan mepqui aptoycaoc quellhip.

LOS HECHOS 9:9

Acvaycmo natqui acnim alhta metay olhma. Am alhta etavac aptom. Am alhta najan eynac apvoycamlha.

ROMANOS 16:4

Am alhta emyovsacpo apanco sevomsa tap ingyalhing Aquila najan aptava. Gracias actomjac coo, gracias najan apquiltomja aplhamoclhojo Jesucristo apmolhama metnaja judíos.

FILIPENSES 2:30

Inquitlhincasquic alhta ingyitsapoc ayinyema apyiplovquiscama Cristo. Am alhta ingyacac ayasomquilha, am alhta emyovsacpoc apanco. Am alhta colapvancaac quellhip jelpasmoc singilpilhtetomaclha. Apvaac alhta ingyalhing Epafrodito apyamongayclha quellhip yoyam jepasmoc.

JOSUÉ 24:15

Am sat ancoc colyacmoc quellhip, elyasamcojo quilhvo nac jay, yavamlha eltimjic: ¿Naso ya eltimjic apquilayo quellhip quilaycmasquiscama, apquilmaycam nic nat apquilyeyjamcaa tap vatsam Éufrates? Inlhojo eyca laa, eltimjic apquilayo quellhip quilaycmasquiscama apancaoc amorreos, actomja apquilaoclha as yoclhilhma. Coo eyca najan apyovoclhojo sicmolhama, ontimjic mataa ningilayo Dios Apyimtalhnamo — nic nat aptomjac Josué.

1 SAMUEL 19:5

Am alhta emyovacpoc apanco ingyajic enlhit apvinatem filisteo. Aptomjac alhta David apquilvomquiscama tap apyovoclhojo enlhitaoc Israel. Apvitac alhta lhip visqui apyimtalhnamo, payjeclhec alhta apvalhoc lhip. Mepqui apsilhnanomap apanco David, ¿so actomja yi apcanem lhip ematong David? — nic nat aptomjac.