ESTER 4:1 - Enhlit Bible

¹ Pilapcasquic nic nat Mardoqueo aplinga amyaa. Apyaptec nic nat aptalhnama ayinyema acmayovsa apvalhoc. Aptalhneclhec apquilantalhnama acmayovsa apvalhoc. Appalesquic nic nat tajap apyitsicsic. Apquinyec nic nat apvalhoc tingma, apquilpalhamamcaa apquiliclhangveycam.

ESTER 4:1 Iomraidhean Croise

GÉNESIS 27:34

Pilapcasquic nic nat Esaú aplinga apyap appayvam. Avanjec nic nat apvinama. Apquilpalhamam nic nat: —¡Tata coo! ¡Jeltimnas sat coo lha altamila appayvam!— nic nat aptomjac.

GÉNESIS 37:34

Apquilyaptec nic nat aptalhnama apanco Jacob. Aptalhneclhec nic nat aptalhnama appayjeycam ayinyema acyitnocjayo apvalhoc. Am nic nat comasquingvaycmoc acyitnocjayo apvalhoc Jacob.

2 SAMUEL 1:11

Pilapcasquic nic nat aplinga amyaa David. Apyaptec nic nat apquilantalhnama ayinyema acmayovsa apvalhoc David najan apquillhalhmaa.

2 SAMUEL 13:19

Inliquic nic nat tajap acpalesa ayitsicsic. Inyaptec nic nat actalhnama. Inninquinquic nic nat ameoc ayitsicsic, actajaclho tingma ac naysicsa aliclhangveycam.

ESTER 4:2

Apcamquitvocmec nic nat apvisqui tingma pac. Am nic nat copvanac etlhic maa, ayinyema apquilantalhnama acmayovsa apvalhoc.

ESTER 4:3

Intiyacmec nic nat apquilvalhoc judíos apquillinga amyaa moc yoclhilhma apquileyvomaclha. Avanjec nic nat acmayovsa apquilvalhoc, avanjec nic nat apyapcalhem najan apquiliclhangveycam, am nic nat eltovamcoc mataa. Apquilnaclhec nic nat acyitnamaclha tajap, apma apava acmayovsa apquilvalhoc.

JOB 1:20

Intiyacmec nic nat apvalhoc Job, avanjec acmayovsa apvalhoc. Apyaptec nic nat apava aptalhnama. Apyesesquic nic nat apva apcatic. Apjalhec nic nat apticlhicvocmo nalhpop payjaclha napaat, etnejic apcayo Dios.

JOB 2:8

Apnaclhec nic nat Job acyitnamaclha tajap, apquilyinsepa apyimpejic acmasom.

JOB 42:6

Acmancaquic coo siclhanma sicpayvam. Naso, sicsilhnanomalhca ajanco, sicna coo netin lhopactic najan tajap — nic nat aptomjac Job.

ISAÍAS 15:4

Apquililpalhamam enlhitaoc tingma Hesbón najan tingma Elale, yoyam elpasingvota. Inlingalhquic apquililpalhamaycam tingma Jahaza. Najan singilpilhtetemo moabitas apquiltomja apquilpalhamaycam, inmasquec alhta apquilyimnatem.

ISAÍAS 22:4

Actomjac alhta siyanya: Jelyinyov sat coo, oyapcalhic sat coo. Nojetamilquisquim evalhoc coo, ayinyema apquillingaycamco acyimtalhnama enlhit ajancaoc.

ISAÍAS 37:1

Aplingac nic nat amyaa apvisqui Ezequías. Apyaptec nic nat apava aptalhnama ayinyema acmayovsa apvalhoc. Aptalhneclhec nic nat poc apava aptemaclha acmayovsa apvalhoc, epamejitsic Dios Apyimtalhnamo congne tingma apponquinomap.

ISAÍAS 37:2

Apcapajasquic nic nat colhic altimnasa profeta Isaías, Amoz apquitca. Apquilapajasacpec nic nat apquilasinancama mayordomo Eliaquim, cronista Sebna najan sacerdotes apquilvanyam apquilantalhnayclha apava acmayovsa apquilvalhoc.

ISAÍAS 58:5

¿Apquilanayqui ya quellhip sicyisponcama coo, sicvita inlhojo apquiltemaclha quellhip apquililmalhnancama mepqui aptoycaoc najan mepqui apyinaycaoc, apquilvayveyquinta apcatcoc quellhip, apquilnayclha quellhip naysicsa tajap, acyiplomo apquilalomap quellhip yamquintim ajac? Apquiltimec quellhip acvisay acnim ningilmalhnancamaclha apyisponcama Dios — apquiltomjac quellhip.

EZEQUIEL 21:11

Enlhit apquillanay sovo acvinatem, acma ajamtic najan alyinmom, elmoc sat apticyovam yapmayc.

EZEQUIEL 21:6

Iliclhangvom sat lhip ayinyema aplingaycamco acmasca napatavo enlhitaoc.

DANIEL 9:3

Avanjec alhta silmalhnancama najan silmalhnaycam asoc napato Dios. Am alhta otavac acnim silmalhnancama. Actalhneclhec alhta apava yamquintim ajac. Acnaclhec alhta acyitnamaclha tajap.

MIQUEAS 1:8

Aptomjac nic nat profeta: Oliclhangvomoc sat ayinyema acmayovsa evalhoc. Otyisam sat mepqui tiyayipeoc najan mepqui apava. Ovjanamcoc sat acpayvam chacal asoc navjac, ovjanamcoc sat appáyvam lhapin apquitcoc naysicsa apquitamsama.

SOFONÍAS 1:14

¡Ningatoc anco acnim acyimtalhnama apanco Visqui ingac! ¡Ningatoc anco! Asquejec sat cotnejic acnim apanco Dios Visqui ingac: ¡Elilpalhamam sat enlhit apquilyimtalhnamo!

SAN MATEO 11:21

—¡Quellhip layi co Corazín! ¡Quellhip layi co Betsaida! Invitalhquic nat ancoc as asoc sinpilapquiscama tingma Tiro najan Sidón, quilhvoc nat elyanmongsic apquilvalhoc. Quilhvoc nat elvitacpoc apma apquilantalhnama yamquintim ajac apnaycam naysicsa tajap.

LOS HECHOS 14:14

Lhama alhta apquilvita as asoc Bernabé najan Pablo. Yejemoc alhta apquilyapta apnenyic apquilantalhnama. Apquinincamquic alhta nipyesicsa enlhitaoc, apquilpalhamamcaa:

JOSUÉ 7:6

Apquilyaptec nic nat apquilantalhnama netin, najan Josué najan apnaymacoc mayayo. Appalesamquic nic nat lhopactic apyitsicsaoc, ayinyema acyivey acmayovsa apquilvalhoc. Apquiljalhec nic nat acyitnaclha yamit aysicsic acyitnamaclha Dios appayvam. Inticlhicvocmec nic nat nalhpop payjaclha napaat. Am nic nat ingyaniclhac netin, acvaycmo actalhnama acnim.

EL APOCALIPSIS 11:3

Olapajacsic sat apcanit apquillingascama sicvisay. Yoyam ellingacsic amyaa actemaclha sicmayjayoclha acvocmo mil doscientos sesenta acnim. Yamquintim ajac sat etnejic apquilantalhnama, malha apmapyovsica sat eltimjic.