ESTER 3:2 - Enhlit Bible

² Apquilanyacpec nic nat apyovoclhojo apquiltimesaycam apvisqui tingma pac, elticlhic mataa aptapnaoc, apvitacpo inlhojo apyeycajay Amán. Eycaso apcanama ilhnic nat apvisqui Asuero. Am nic nat coyacmoc elyejiclhojo Mardoqueo.

ESTER 3:2 Iomraidhean Croise

GÉNESIS 41:43

Anit carro ilhnic nat apquilquinamtem. Lhama ilhnic nat apvisqui faraón apquinamtem. Moc nic nat aptomja apquinamtem José. Apquinincamquic nic nat apquilpalhamamcaa: Elyitnocjasquis— nic nat apquiltomjac mataa. Mayayo ilhnic nat aptomjac José nipyesicsa enlhitaoc yoclhilhma Egipto.

ESTER 2:19

Inquilnaclhec nic nat quilvanaa poc tingma, alpalhaviyam moc apnatamcaa apvisqui. Apnaclhec nic nat Mardoqueo payjoc atong acyivey ningatoc apvisqui tingma pac.

ESTER 2:21

Apnec nic nat Mardoqueo payjoc atong acyivey ningatoc apvisqui tingma pac. Apnaycamó lhama ilhnic nat singilpilhtetemo apquilviscaa Bigtán najan Teres, apquiltamilquiscama ilhnic nat apvisqui tingma pac. Apquilpamejitsacpec nic nat as apcanit, yoyam elajic apvisqui.

ESTER 2:5

Lhama judío tingma pac nic nat tingma Susa. Apvisay nic nat Mardoqueo, apyap ninga Jair, apquilyeyjamcaa nic nat Simei najan Cis, apquilmolhama tribu ilhnic nat Benjamín.

ESTER 3:1

Nalhit acnim nic nat intomjac. Apcanyacpec nic nat Amán, Hamedata apquitca Agag aptavin, etnejic sat aptamjaycamó lhama apvisqui Asuero nipyesicsa enlhitaoc.

ESTER 3:3

Apquililtamjoc nic nat elyasamcojo apquiltimesaycam mayayo, aptemaclha Mardoqueo, melyajayquiclho apvisqui appayvam.

ESTER 3:5

Aplovquic nic nat Amán aplinga amyaa melyajayquiclho Mardoqueo.

ESTER 5:9

Payjeclhec nic nat apvalhoc Amán, aptasacmo fiesta tingma ac avisqui Ester. Apnec nic nat Mardoqueo payjoc atong acyivey, mepqui ilhnic nat apticlhiclhama aptapnaoc najan mepqui apquilaneyo, apyeycaja inlhojo Amán. Aplovquic nic nat Amán apvita.

SALMOS 15:4

Aptomja mepalhqueycam apnaymacoc metnaja Dios apquitquic. Aptomja apcayo apnaymacoc Dios apquitquic. Mepqui apyeycajascaoc aplhanma naysicsa aplingaycamco mactovasquiscama asoc pac.

ÉXODO 17:14

Aptomjac nic nat Dios Apyimtalhnamo apcanya Moisés: —Italhos sat amyaa vaycajac, colvoncamejec sat mataa. Iltimnas sat Josué coo sicpayvam: Omascocsic sat apquilvisay amalecitas as nalhpop — sat itne — nic nat aptomjac Dios Apyimtalhnamo.

ÉXODO 17:16

Aptomjac nic nat appayvam Moisés: ¡Elyimnac quellhip malha apquilmaycaoc bandera! Comasquejec sat mataa quimpocjacme Dios Apyimtalhnamo apquinmelhaycam amalecitas cotmongvoycamlha nelha — nic nat aptomjac Moisés.

DANIEL 2:49

Appamejitsacpec nic nat Daniel apvisqui rey apquillhenacpo apnaymacoc. Apquiltimesacpec nic nat yatapquilviscaa provincia Babilonia: apvisay nic nat Sadrac, poc nic nat Mesac, poc nic nat Abed-nego. Apnaclhec nic nat Daniel payjoc tingma pac apvisqui rey.

DEUTERONOMIO 25:19

Epasmoc sat Dios elnapoc sat quellhip cotnaja ingmoc yoclhilhma alhnancoc apquilvoycamlha sat. Elsavojo sat apquilnapma amalecitas, yoyam comascoc sat apquilvisay apancaoc as nalhpop. ¡Noncolvonquim nasa sicpayvam! — nic nat aptomjac Moisés.

FILIPENSES 2:10

Covac sat acnim. Inlingalhquic sat ancoc apvisay Jesús, elticlhoc sat aptapnaoc aplhamoclhojo apnaycam netin najan apnaycam nalhpop najan apnaycam alyascamaclha ingjangaoc.

1 SAMUEL 15:3

Elyas maa. Ilnajap sat enlhitaoc amalecitas. Enatovas sat aclhamoclhojo asoc apancaoc. Noelayim nasa lhama asoc. Ilnajap sat enlhitaoc najan quilvanaa najan apvapataoc najan sicaa ayitcoc najan vayqui najan nipquesic najan voncayispoc najan yamelyeyjaycoc — nic nat aptomjac Dios.