ESTER 2:18 - Enhlit Bible

¹⁸ Apquillanac nic nat apvisqui fiesta acvanyam, yoyam colhic ayaco Ester. Apquilanyacpec nic nat apyovoclhojo apquiltamjaycamó lhama apvisqui najan poc mayayo. Apcanama nic nat, yoyam casilhtojoc sat apquilansayclha impuestos apyovoclhojo enlhitaoc. Yiplovcoc nic nat apmilasictem apquilmescama nasa nipyesicsa enlhit, yoyam colhic ayaco apvisqui aptamila.

ESTER 2:18 Iomraidhean Croise

GÉNESIS 29:22

Apquilanyam nic nat Labán aplhamoclhojo enlhitaoc. Apquillanac nic nat caya alyimjapma.

NEHEMÍAS 8:11

Apquilnovcasquic alhta levitas. Apquiltomjac alhta apquilanya enlhitaoc: Elvanma siclho, noncolyitnocjojo nasa apquilvalhoc. Ayinyemaclha acponquinomalhca as acnim nac jay — alhta apquiltomjac.

ESTER 1:7

Apquilyinamquic nic nat ingjaycoc, am colhno mataa moc, allanomalhca oro. Inyinalhquic nic nat uva ayingmenic mepqui apquilsovjomo, acno aptemaclha mataa apvisqui.

ESTER 9:22

Cotnejic acyitnama ingatic apquillingaycamco judíos apquilinmelhaycam cotnaja ingmoc najan acmayovsa apquilvalhoc najan apquiliclhangveycam, actomjayclho apquilitsovascama najan fiesta actamila as acnim. Incaymalhquic elitsovacsojoc apyovoclhojo judíos, acyiplomo apquilmescama nasa nipyesicsa maa. Najan apquilmescama nasa asoc ellhovamcoc enlhit mepqui asoc.

LOS CANTARES 3:11

¡Quellhiya enaymacoc co Jerusalén, colmiyama jilip colanojoc sat apvisqui Salomón! Yitnec appocanma apyitsicsic, allaney siclho inquin. Actomja apnatanma as acnim alyimjapmaclha, acvisay acnim acyivey acpayjayclha apvalhoc.

LOS CANTARES 5:1

Lhiya eyalhing, lhiya sicponcanma. Acvoctac coo ayimjaclha ninganma. Acliquic coo yamit mirra najan asoc acmasis. Actovquic coo pa'pac yamyovjene. Acyinquic coo uva ayingmenic najan leche. ¡Quellhip enaymacoc, eltovaoc sat quellhip, elyinaoc sat apquiltamjoclha elyinamcoc!

SAN MATEO 22:2

—Visqui netin apquilnancascama acyitsomalhco aptemaclha apvisqui. Apquiltimescasquic nic nat caya alyimjapma apquitca.

SAN MARCOS 6:21

Acvocmo alhta acnim ac actamila apquiltamjamacpo caya. Invocmec alhta año pac aptiyaycamlha Herodes. Apquilanveclhec alhta aptoycaoc apquilviscaa, najan singilpilhtetemo najan apquilyimtalhnamo co Galilea.

SAN LUCAS 14:8

—Ningilanyalhquic sat ancoc ongiltasomoc caya alyimjapma ato. Mongiltajanejec sat altamila ningiltajanem. Evac sat lhaja poc apyimtalhnamo, mongno nincoo.

EL APOCALIPSIS 11:10

Colpayjiclhac sat apquilvalhoc enlhitaoc lhalhma anco apquilvita sat apquilitsepma as apcanit enlhit. Elitsovacsojoc sat enlhitaoc. Colhojoc sat mataa moc apquilmescama asoc apancaoc poc. Ayinyemaclha apquiltanovacpec alhta mataa as apcanit enlhit. Apquilanyacpec alhta conyemac apquilasquiscama apyimpeoc aplhamoclhojo enlhitaoc.

EL APOCALIPSIS 19:9

Aptomjac alhta seyanya ángel: —Italhos: “Apquilinyejemoc enlhit apquiltomja apquilanyomap elpasmoc malha alyimjapma Nipquesic Apquitcoc” —alhta aptomjac seyanya. Aptomjac alhta mocjam seyanya ángel: —Eycaso appayvam ayinyema Dios actomja nasoc anco —alhta aptomjac.

1 SAMUEL 25:8

Ilmalhna sat lhip apquilancam, actomja nasoc anco sicpayvam. Quip ilanojo apquilvoy lhac apquilyimnanic silapajascama coo. Ilimlimojo sat, apvita inlhojo lhip. Jingilapajasquis asoc singamliyam. Coo sicvisay malha lhip apquitca— alhta David — nic nat apquiltomjac.