ESDRAS 9:3 - Enhlit Bible

³ Intiyacmec alhta evalhoc siclinga apquilpayvam. Acyaptec alhta sictalhnama, siyaptama eva najan avajatong actemaclha acmayovsa evalhoc. Acnaclhec alhta malha mepqui sicyimnaa.

ESDRAS 9:3 Iomraidhean Croise

2 SAMUEL 1:11

Pilapcasquic nic nat aplinga amyaa David. Apyaptec nic nat apquilantalhnama ayinyema acmayovsa apvalhoc David najan apquillhalhmaa.

2 REYES 18:37

Apquilyaptec nic nat apava mayordomo Eliaquím, najan cronista Sebna, najan secretario Joa. Apquilyocmec nic nat apnaclha apvisqui Ezequías eliltimnacsic amyaa apquillingay maa.

NEHEMÍAS 1:4

Inyitnocjavoc alhta evalhoc siclinga amyaa. Acvinec alhta acvoncaclhojo. Am alhta otaveclha sicpamejitquiscama Dios apna netin.

NEHEMÍAS 13:25

Ningilatingmalhquic alhta sicyimnatesa sicpayvam. Acticponquic alhta poc, sicmaycam ava apatong sicyinyovasa maa. Actomjac alhta silanya, yoyam ellhenic mepqui apquilyeycajascaoc napato Dios, meltimjic mocjam apipjaymayc najan aptapayc metnaja israelitas.

JOB 1:20

Intiyacmec nic nat apvalhoc Job, avanjec acmayovsa apvalhoc. Apyaptec nic nat apava aptalhnama. Apyesesquic nic nat apva apcatic. Apjalhec nic nat apticlhicvocmo nalhpop payjaclha napaat, etnejic apcayo Dios.

SALMOS 119:53

Inlovquic mataa evalhoc, sicvita apquilvatseycaoc, mepqui apquilyiplovquiscama.

SALMOS 143:4

Mepqui mocjam acyimnatem evalhoc coo. Intiyacmec evalhoc coo.

SALMOS 66:3

Eltime sat quellhip elanic Dios Visqui ingac: —Aptamjaycam simpilapquiscama ayinyema lhip apmopvan apanco. Eljalhic sat apyovoclhojo cotnaja ingmoc napato lhip.

ISAÍAS 15:2

Apquilmiyaclhec alhta netin inquilhe enlhitaoc co Dibón, elyapcalhic sat maa acyitnamaclha quilaycmasquiscama. Apquilyapcalhquic maa ayinyema apnatovasomap payjoc inquilhe Nebo najan tingma Medeba. Inquilyatemenalhquic apva apyitsicsaoc najan ava apatnaoc enlhit ayinyema acmayovsa apquilvalhoc.

JEREMÍAS 36:24

Am nic nat ingyacac apvisqui rey najan apquillhalhmaa apquiljalhenmo vaycajac alyipsatomalhca. Am nic nat comac apquilvalhoc.

JEREMÍAS 7:29

¡Quellhip co Jerusalén, eltingyasquis apquilyesem, etlhaoc sat apva! Elminaycmas actemaclha acmayovsa apquilvalhoc netin inquilhe. Aplovquic alhta Dios Apyimtalhnamo, aptomja apquilyamasma enlhitaoc macnatovascama — alhta aptomjac.

EZEQUIEL 3:15

Acvocmec alhta Tel Abib nicja vatsam Quebar, apnaycamcaclha israelitas apquilmomap. Acnaclhec alhta maa nipyesicsa, acvaycmo siete acnim. Am alhta oyasamcoc mataa, yavamlha otnejic najan olngacsic— nic nat aptomjac profeta.

EZEQUIEL 7:18

Eltingyac sat apquilantalhnama acmayovsa apquilvalhoc. Elpilhyinamam sat maa, elmancangvomoc maa, elsavojoc sat apquilyatemenma apva apyitsicsaoc.

DANIEL 4:19

Intiyacmec alhta apvalhoc alinga amyaa Daniel, moc apvisay Beltsasar. Actomjac alhta siyanya Beltsasar: Nocotyim nasa apvalhoc lhip, aplinga amyaa acvitay sicvanmoncama najan actemaclha singyascasingvoyam. Apcatingmavoc alhta Beltsasar: ¡Altamjo inyicje ellingamcojo acyimtalhnama cotnaja ingmoc, yoyam emyovacpoc lhip visqui apyimtalhnamo!

DANIEL 8:27

Coo sicvisay Daniel. Yiplovcoc alhta acmasca eyimpejic anit acnim. Aclhaticjac alhta mocjam. Acyiplovcasquic alhta aptemaclha apcanama apvisqui nipyesicsa enlhit. Avanjec alhta alquitamsama evalhoc asoc acvitay sicvanmoncama. Am alhta oyasingvocmoc mocjam — nic nat aptomjac Daniel.

LEVÍTICO 21:5

Copvanquejec mataa sacerdote naysicsa acmayovsa apvalhoc, etingyasquisic apyisem, paj najan apcaptama ava napaat, paj najan apquilyimsem apyimpejic.

MIQUEAS 1:16

Quellhip apnaycam tingma Sión. Eltingyasquis apquilyisem ayinyema acmayovsa apquilvalhoc, apquillhenacpo quellhip apquitquic malasicjayo. Eltingyasquis apquilyisem, colhojoc sat apcatic mama apvinatem mepqui apva apyitsicsic. Elmacpoc sat apquitquic quellhip, colhic sat acnalaclho cotnajaclha apquilaoclha.

JOSUÉ 7:6

Apquilyaptec nic nat apquilantalhnama netin, najan Josué najan apnaymacoc mayayo. Appalesamquic nic nat lhopactic apyitsicsaoc, ayinyema acyivey acmayovsa apquilvalhoc. Apquiljalhec nic nat acyitnaclha yamit aysicsic acyitnamaclha Dios appayvam. Inticlhicvocmec nic nat nalhpop payjaclha napaat. Am nic nat ingyaniclhac netin, acvaycmo actalhnama acnim.