ESDRAS 7:6 - Enhlit Bible

⁶ Apyascamco Dios appayvam nic nat Esdras. Apyascamco ilhnic nat apcanamaclha Dios aplingascama ilhnic nat Moisés. Apyiplovcasquic nic nat apcanamaclha Dios. Am nic nat emyavac apvisqui Artajerjes asoc apquilmalhnaycam Esdras. Apyinyovquic nic nat tingma pac Babel.

ESDRAS 7:6 Iomraidhean Croise

GÉNESIS 32:28

Aptomjac nic nat as enlhit apcanya: —Inmasquec lhip apvisay Jacob. Israel intomjac lhip apvisay quilhvo. Ayinyemaclha apquilnapacpec lhac lhip Dios najan enlhitaoc. Apyimnatem nac lhip— nic nat aptomjac.

ESDRAS 5:5

Am nic nat elinmelhacpoc judíos ellanac tingma, ayinyema appasmom Dios. Inlhenquic nic nat apquilvalhoc eltalhosquisic vaycajac apvisqui Darío, elyasamcojo yavamlha eltimjic.

ESDRAS 6:22

Apquiltimec nic nat fiesta acyiplomo acpayjayclha apquilvalhoc acvocmo siete acnim. Apquiltimec nic nat fiesta apvisay “nintom quilpasmongam mepqui apquimpascaoc”. Dios nic nat ayinyema acpayjayclha apquilvalhoc. Dios nic nat aptimesquiscama actamilaycam apvalhoc apvisqui co Asiria. Appasmec nic nat enlhitaoc Israel naysicsa apquillanay tingma apponquinomap, aptomja tingma pac Dios Apvisqui apancaoc enlhitaoc Israel.

ESDRAS 7:21

Coo sicvisay visqui Artajerjes. Otnejic sat ongvanic apyovoclhojo apquiltamilquiscama ningilnatam as yoclhilhma nicja vatsam Éufrates: Noelmiyov nasa asoc, apquilmalhna inlhojo Esdras, sacerdote najan maestro apyascamco singanamaclha Dios apna netin.

ESDRAS 7:28

Innec alhta seyaco ayinyema lhip, napato apvisqui rey, najan consejeros apquilasinancama, najan napatavo apquilyimtalhnamo. Epasmec alhta lhip siyansayclha apquillhalhmaa israelitas apquilyimtalhnamo, ongiltajiclhac sat ningaoclha — nic nat intomjac apquilmalhnancama.

ESDRAS 7:5

najan Abisúa, najan Finees, najan Eleazar, najan Aarón siclhoc nic nat sacerdote.

ESDRAS 8:1

Apvisqui co Babilonia ilhnic nat Artajerjes. Am nic nat emyavac eltajiclhac apquilaoclha israelitas. Eycaso ilhnic nat vaycajac acnatalhesomalhca apquilvisay moclhama apquilmolhama najan apyapmayc, apquillhalhmaa ilhnic nat Esdras:

ESDRAS 8:18

Gracias a Dios, apnalantac alhta 18 apquilmolhama, apquilvisay: Serebías enlhit mayayo, levita Mahli aptavin alhta, apquillhalhmaa alhta apquitquic najan apquilyalhing.

ESDRAS 8:22

Am alhta opamejitcasac apvisqui rey, yoyam jingnaliclhac sat singilpilhtetemo nolhing apcapaoc. Acmancaquic alhta jingilmeyvoc nincoo napatavo cotnaja ingmoc nalhit amay. Ninlingasquic alhta amyaa napato apvisqui: Dios Visqui ingac aptomja apmasma enlhitaoc apquilyajayquiclho. Aptovasquic mataa Dios enlhitaoc apquilvatseycaoc najan apquilyamasma — alhta ningiltomjac.

ESDRAS 8:31

Ningyinyovquic alhta vatsam Ahava acnim 12 najan piltin primero, ningmiyaclho tingma Jerusalén. Ingilpasmec alhta Dios Visqui ingac nalhit amay, ningiltajanyaa inlhojo cotnaja ingmoc najan enlhit apquilminyilhma.

NEHEMÍAS 12:26

Apquictingaycamco lhama alhta Joiacim, Josué apquitca najan Josadac aptavin. Apquictingaycamco lhama alhta Nehemías aptomja apvisqui, najan poc sacerdote najan maestro apvisay Esdras.

NEHEMÍAS 12:36

Mocjam apquilmolhama Semaías, Azarael, Milalai, Gilalai, Maai, Natanael, Judá najan Hanani. Apquilpayvasquic alhta apquilmaycam música ayinyema David, Dios apquilancam. Apmamyi alhta aplhingam maestro Esdras.

NEHEMÍAS 2:12

Aclhaticjac alhta alhtaa. Am alhta oltimnasac enaymacoc actemaclha aclhanma evalhoc ayinyema Dios, yoyam olaniclhac mocjam tingma Jerusalén. Apvamlha alhta lhama sinamtem, paj alhta poc sicyamoncascaoc sinamtem. Apcanit alhta enlhit sillhalhma.

NEHEMÍAS 2:18

Altimnasquic alhta enlhitaoc actemaclha sepasmom Dios, najan maa actemaclha appayvam apvisqui. Elatingmavoc alhta enlhitaoc: —Noc, ongillaniclhac sat mocjam tingma — alhta apquiltomjac. Apquilvascapquic alhta naysicsa apquiltamjaycam.

NEHEMÍAS 2:8

Incaymalhquic lhama vaycajac yoyam elyipsitic yatapvisqui Asaf, aptomja yamit avisqui ac. Memyovejec sat yamit yoyam onaniclhac sat atnaoc apvisqui tingma pac najan atnaoc apjalhtam tingma najan coo tingma ajac yoyam olhic sat maa — alhta actomjac coo. Am alhta emyavac apvisqui. Epasmec alhta Dios.

NEHEMÍAS 4:15

Apquillingangvocmec alhta amyaa cotnaja ingmoc ayinyema ningyascamco actemaclha allhanma apquilvalhoc yoyam jingimpocja. Dios eyca aptomja apquilyascama olhma. Ningiltajavoc alhta mocjam ningillaneclho tingma apjalhtam.

NEHEMÍAS 8:1

Apcaneyclhec alhta aplhamoclhojo nicja atong apjalhtam acvisay Acyitnamaclha Yingmin. Am alhta ingyaymacpoc lhama. Apnec maa apyascamco apquiltemaclha apvisay Esdras. Apcanyacpec alhta esantac vaycajac singanamaclha Moisés ayinyema Dios, mocmescama ilhnic nat enlhitaoc Israel.

NEHEMÍAS 8:13

Moc acnim alhta intomjac. Apcaneclhec alhta apquilimja apmamyi apmolhama najan apquilyimtalhnamo sacerdotes najan levitas. Apquilyoclhec alhta Esdras aptomja apyascamco apquiltemaclha. Apquililtamjoc alhta elyasingvomoc actemaclha singanamaclha ayinyema Dios.

NEHEMÍAS 8:4

Apnec alhta netin yamit aysicsic apquinmaycamcaclha sacerdote Esdras aptomja apyascamco apquiltemaclha. Enlhit alhta apquillanay yamit aysicsic apquinmaycamcaclha. Apquinmaycam'o lhama alhta Matatías, Anías, Urías, Hilcías, Maasías. Apnam alhta napocja acyimnatamaclha sacerdote Esdras. Nipsancalvelha alhta apcanam Pedaías, Misael, Malquías, Hasum, Hasbadana, Zacarías najan Mesulam.

NEHEMÍAS 8:9

Apnec alhta maa apvisqui Nehemías najan sacerdote Esdras aptomja apyascamco apquiltemaclha najan enlhitaoc levitas apquiltomja apquilyascasingvoyam enlhitaoc. Apyipcalhquic alhta aplhamoclhojo apquillinga apquilyipsatem singanamaclha ayinyema Dios. Apquiltomjac alhta apquilanya: Acponquinomalhca as acnim nac jay ayinyema Dios Visqui ingac. Noncolyitnocjojo nasa apquilvalhoc. Noelyipcalhaoc nasa quellhip — alhta apquiltomjac.

NEHEMÍAS 9:13

Apvayventac nic nat lhip ayitsicsic inquilhe acvinatem Sinai. Appamejitquiscama nic nat lhip ayinyema netin, moclhama singanamaclha najan singascamaclha alpeyvomo najan altamila.

SALMOS 109:27

Elyasingvomoc sat enaymacoc nasoc anco, lhip Visqui ingac ayinyema aptomjaclha.

SALMOS 147:19

Visqui ingac ayinyema singanamaclha, apquillhoy nic nat Jacob apquilmolhama (Israel).

SALMOS 45:1

Inlhenquic evalhoc amyaa actamila yoyam oltimnacsic. Omnaycmacsic sat siyayo presidente visqui ingac. Intipquic mataa sicpayvam acno nimpecjescama nintalhosaycaoc.

SALMOS 80:18

Mongyinyovejec sat mataa lhip cotmongvoycamlha nelha. Iyimnaticsojo ingnenyaoc nincoo. Apvamlha lhip ontimjic ningayo.

PROVERBIOS 3:6

Lhip sictamongvoyam: Colhen sat lhip apvalhoc Dios naysicsa apyiplovquiscama, colhic sat acyantamaclho lhip nintemaclha acpeyvomo, acno amay acpeyvomo.

ISAÍAS 50:2

¿So actomja yi motay enlhit seyoycta coo? ¿So actomja yi motay enlhit, yoyam jeyatingmojo? Quellhip apquilanem mepqui sicyimnatem, yoyam opasingvoclha, najan mepqui sicmovan, yoyam olvomsic tap quellhip. Evanquic coo ongvanic lhama sicpayvam, quilhvoc sat coymac yingmin acvanyam najan vatsam, yoyam colitaspoc quilasma, coltajapoc sat maa.

ISAÍAS 59:1

Aptomjac nic nat profeta: Apyimnatem apanco Dios Apyimtalhnamo. Apvanquic elvomsic tap enlhitaoc, jave comopvan elvomsic tap. Apjaycaoc innac Dios Apyimtalhnamo, yoyam ingyeylhojo, jave mepqui apjaycaoc.

JEREMÍAS 8:8

Aptomjac mocjam Visqui ingac: ¿Naso ya apquilyascamco quellhip, apquilyiplovquisa siyanamaclha? ¡Apquilyinimcasquic alhta apnatalhescama cronistas coo sicpayvam siyanamaclha, apnatalhesa acmovan amyaa!

SAN MATEO 13:52

Aptomjac alhta mocjam Jesús: —Apyasingvocmec sat ancoc lhama escriba apyascamco apquiltemaclha amyaa Visqui netin apquilnancascama. Eyitsacpojoc sat ningmolhama inyap acma asoc apanco acmamnave. Apvanquic elcoc mataa asoc alhnancaoc najan asoc nano —alhta aptomjac.

SAN MATEO 23:2

—Moisés inyicje apquilyamonquiscama fariseos najan apquilyascamco apquiltemaclha, yoyam ellhicmocsic.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

1 CORINTIOS 1:20

Invocmec quilhvo nac jay aclhanmaclha. ¿Apne ya nipyesicsa quellhip aptomja apyascamco? ¿Apne ya apyascamco apquiltemaclha? ¿Apne ya apyascamco ellhenic asoc lhalhma anco? ¿Am ya etvasac Dios actemaclha apquilyascamcolhma enlhitaoc lhalhma anco? Aptovasquic alhta.

1 CORINTIOS 15:1

Quellhip elyalhinga. Altamjoc elyasingvoclhojo quellhip tasic amyaa sillhicmoscama alhta quellhip. Inquilmec alhta apquilvalhoc. Apquilinlhanacmec quellhip apquilyiplovquiscama tasic amyaa.

DEUTERONOMIO 28:1

Apquilyajaclhoc sat ancoc quellhip Dios Apyimtalhnamo, apquilyiplovquisa quellhip singanamaclha siclingascama coo nipyesicsa quellhip, elmiyovacpoc sat quellhip nipyesicsa enlhitaoc lhalhma anco as nalhpop.

DEUTERONOMIO 4:5

Alyascasingvocmec alhta quellhip apcanamaclha najan apcascamaclha Dios, yoyam elyiplovcasojo quellhip yoclhilhma alhnancoc apquilvoycamlha sat.