ESDRAS 7:10 - Enhlit Bible

¹⁰ Inlhenquic nic nat apvalhoc Esdras, esavojo apyascamco najan apyiplovquiscama apcanamaclha Dios. Elyasingvomoc sat apnaymacoc israelitas apcanamaclha najan apcascamaclha Dios.

ESDRAS 7:10 Iomraidhean Croise

1 CRÓNICAS 29:18

Lhip nac Dios Visqui apancaoc ningilyeyjamcaa Abraham, najan Isaac najan Israel. Ingyane sat colhic mataa actamilaycam apquilvalhoc as enlhitaoc, ilmiyov sat mataa, yoyam melvatsamquejec sat mataa as enlhitaoc.

2 CRÓNICAS 12:14

Somcoc nic nat aptemaclha Roboam, mepqui ilhnic nat apyiplovquiscama singanamaclha Dios Visqui ingac.

2 CRÓNICAS 19:3

Apvitac Dios Visqui ingac lhip aptemaclha actamila, aptomja apnatovascama quilaycmasquiscama Asera as yoclhilhma, najan aptomja apyiplovquiscama apmajayoclha Dios — nic nat aptomjac profeta.

2 CRÓNICAS 30:22

Aplhenquic nic nat Ezequías, apvita apquilvascapma levitas, actemaclha apquilayo Dios Visqui ingac. Innec nic nat ayaco levitas. Apquilpenasquic nic nat aptoycaoc fiesta Pascua acvaycmo siete acnim. Apquilpenasquic nic nat asoc macmescama Dios actemaclha singasicjayquiclha, najan apquiltemaclha apquilayo Dios, apvisqui apancaoc apquilyeyjamcaa.

ESDRAS 7:11

Eycaso acvisay anit vaycajac acno moc siclho aptalhescama ilhnic nat apvisqui Artajerjes, yoyam elyipsitic sacerdote Esdras, aptomja maestro najan apyascamco singanamaclha najan singascamaclha Dios Visqui apancaoc israel. Intomjac nic nat aptalhescama:

ESDRAS 7:25

Lhip Esdras, apyascamco nac lhip ayinyema Dios. Itingyasquis sat lhip enlhit apquilyicpilquemo najan yatapquilviscaa, colhic acyiplovquisa nintemaclha acpeyvomo nipyesicsa enlhitaoc apquileyvam yoclhilhma nicja vatsam Éufrates, nipyesicsa enlhitaoc apquilyascamco singanamaclha Dios. Elyascasingvom sat enlhitaoc melyascamco singanamaclha Dios.

ESDRAS 7:6

Apyascamco Dios appayvam nic nat Esdras. Apyascamco ilhnic nat apcanamaclha Dios aplingascama ilhnic nat Moisés. Apyiplovcasquic nic nat apcanamaclha Dios. Am nic nat emyavac apvisqui Artajerjes asoc apquilmalhnaycam Esdras. Apyinyovquic nic nat tingma pac Babel.

JOB 11:13

Lhip, Job, colhen sat apvalhoc Dios, yoyam epasingvota naysicsa aplingaycamco acyimtalhnama.

SALMOS 1:2

Apquilinyejemoc anco enlhit acmayjayo apvalhoc Dios appayvam. Actomja aclhanma mataa apvalhoc Dios appayvam acnim anco najan alhtaa.

SALMOS 10:17

Visqui ingac. Apjalhnoc lhip apquilmalhnancama enlhit conjamalhca apquilvalhoc. Aptamilquiscacmec lhip apquilvalhoc.

SALMOS 119:112

Inlhenquic evalhoc oyiplovcasojo mataa mepqui sicyeycajascaoc. Inlhenquic evalhoc oyiplovcasojo mataa cotmongvoycamlha nelha.

SALMOS 119:45

Otyisam sat mepqui siclhinganyam, ayinyema sicyiplovquiscama lhip appayvam.

SALMOS 19:7

Actamila anco singanamaclha Dios appayvam. Actomja acpayesayclha ingvalhoc. Mepqui apyeycajascama alhanma Dios. Aptomja apyascasingvoyam enlhit meyascamco.

SALMOS 57:7

Visqui ingac, intamilaclhec evalhoc coo. Inlhenquic evalhoc omnaycmacsic najan opayvacsic.

MALAQUÍAS 2:7

Apquilanyacpec sacerdotes ellhicmocsic sicvisay nipyesicsa enlhitaoc. Eltamsacpoc sat enlhitaoc ayinyema sacerdotes, apquiltomja soycam sicvisay Visqui Sicyimtalhnamo.

SAN MATEO 5:19

Am sat ancoc eyiplovcasac enlhit lhama singanamaclha ayitcoc. Apquillhicmosquic sat ancoc enlhit apnaymacoc actemaclha meyiplovquiscama moclhama singanamaclha ayitcoc, colhic sat acvino as enlhit Visqui netin apquilnancascama. Apyiplovcasquic sat ancoc enlhit aclhamoclhojo singanamaclha, coyiplovjoc sat apquillhicmoscama apnaymacoc, colhic sat actimesa apyimtalhnamo Visqui netin apquilnancascama.

SAN MATEO 7:24

Aptomjac alhta mocjam Jesús: ‘Apjalhnoc sat ancoc enlhit coo sicpayvam, eyiplovsic sat najan. Eyca as enlhit apno enlhit apyascamcolhma. Aptomja malha apquillanay mataymong apvajac tingma.

SAN JUAN 13:17

Apquilyasamcoc sat ancoc quellhip, elyiplovcasojo actema nac jay. Copayjiclhac sat apquilvalhoc quellhip.

LOS HECHOS 1:1

Lhip Teófilo siyasicjayo. Actalhescasquic alhta lhip moc vaycajac. Actalhescasquic alhta siclho actemaclha aptamjaycam najan apquillhicmoscama Jesús,

DEUTERONOMIO 16:12

Colyitnam sat apatic quellhip apquiltomja nat apquilmomap yoclhilhma Egipto. Elyiplovcasojo acyovoclhojo singanamaclha nac jay.

DEUTERONOMIO 33:10

Apquillhicmosquic mataa singanamaclha napatavo Jacob aptovana israelitas. Apquiltingyascasquic mataa asoc macmescama Dios malvatnama talha netin altar. Apquilvatnec mataa talha asoc acmasis najan asoc acmatnam macmescama Dios.

1 TIMOTEO 3:2

Incaymalhquic cotnejic actamila aptemaclha apquimja apmamyi. Najan lha cotnejic acvamlha lhama aptava. Etnejic sat najan apyascamco. Etnejic najan mepqui aptamongvaycmolhma, etnejic najan aptamilcasomacpo apanco. Incaymalhquic etnejic mataa apmam tacja poc. Etnejic najan apmopvan elhicmocsic tasic amyaa.

2 TIMOTEO 4:2

Illhicmos sat lhip tasic amyaa. Ilinlhanmojo sat apquiltimnascama naysicsa apquiljalhenmo enlhitaoc najan naysicsa meljalhenmo. Illhicmos sat yoyam melyascamejec enlhitaoc. Ipeyvescasiclha sat apquiltemaclha najan iyascasingvom enlhitaoc najan ilpamejitsacpojo. Ilinlhanmojo sat apquillhicmoscama acvamlha apmopvan.

TITO 2:1

Iltimnas sat mataa lhip. Ilngas sat mataa amyaa. Ilhnasojo sat mataa lhip appayvam actemaclha singillhicmoscama actamila.

TITO 2:15

Illhicmos sat lhip mataa as amyaa. Iltimnasiclhojo sat mataa najan ilyascasingvom, malha actemaclha ningyimtalhnamo. Nongyane nasa evinacpoc lhip nipyesicsa apnaymacoc.

EL APOCALIPSIS 22:14

Apquilinyejemoc anco enlhitaoc apquiltomja apquilyimyescama apquilantalhnama yoyam elapvanic eltovamcoc yamit acyilhna actomja acyimnatescama ingnenyic. Yoyam najan elapvanic elantilhic moclhama tingma apatnaoc.

1 SAMUEL 7:3

Aptomjac nic nat Samuel apquilanya enlhitaoc Israel: Nasoc sat ancoc apquilyanmonquiscama apquilvalhoc actemaclha apquilayo Dios Apyimtalhnamo. Incaymalhquic quellhip enatovacsic quilaycmasquiscama acyitsomalhca dios najan actemaclha quilaycmasquiscama Astarté. Eltime sat apquilayo Dios apvamlha pac lhama Apyimtalhnamo. Elvomsacpoc sat tap quellhip nipyesicsa filisteos — nic nat aptomjac Samuel.