ESDRAS 5:2 - Enhlit Bible

² Apnam nic nat Zorobabel, Salatiel apquitca najan Josué, Josadac apquitca. Apquiltamjam nic nat apquilpasmeyquiclha ellana mocjam tingma apponquinomap tingma Jerusalén. Apquilpasmec nic nat mataa profetas Dios apquilasinancama.

ESDRAS 5:2 Iomraidhean Croise

ESDRAS 1:8

Aptomjac nic nat apvisqui Ciro co Persia apcanya aptamilquiscama solyayem najan asoc acmamnave apvisay Mitrídates: —Ilmesaoc sat aclhamoclhojo asoc apancaoc yoyam etamilsic apquimja apmamyi Judá apquilmolhama apvisay Sesbasar — nic nat aptomjac.

ESDRAS 10:18

Apnam nic nat sacerdotes apquilmayclha quilvanaa cotnaja israelitas. Apquilvisay nic nat: Josué aptovana, Josadac apquitca najan apquilmolhama: Maasías, Eliezer, Jarib, Gedalías.

ESDRAS 3:2

Apquiltamjoc nic nat ellana apquilvatnamaclha asoc macmescama Dios, apvisay Jesúa, Josadac apquitca najan apnaymacoc apquiltomja sacerdotes. Najan Zorobabel, Salatiel apquitca najan apnaymacoc. Apquililtamjoc nic nat elyiplovcasojo actemaclha apcanamaclha Moisés aptomja Dios aplingascama, yoyam elvitic asoc acticyovam acyanmongam melyascalhma.

ESDRAS 3:8

Anit años nic nat intomjac apquilvoycta enlhitaoc tingma apponquinomap tingma Jerusalén. Apvocmec nic nat poc piltin. Apcaneclhec nic nat maa: Zorobabel, Salatiel apquitca najan Jesúa, Josadac apquitca najan poc apnaymacoc sacerdotes najan levitas. Najan maa aplhamoclhojo apquilmomap nano apquilvactamo tingma Jerusalén. Apquiltimesacpec nic nat apquilimja apmamyi apquillanay tingma enlhitaoc levitas apquiltomja veinte años tap.

ESDRAS 6:14

Apquilinlhanacmec nic nat apquilimja apmamyi judíos apquiltamjaycam tingma. Invocmec nic nat nelha aplhanmaclha profeta Hageo najan profeta Zacarías, Iddo apquitca. Apquilpenasquic nic nat apquillanay tingma apponquinomap. Ayinyema ilhnic nat apcanama Dios Apvisqui enlhitaoc Israel. Ayinyema najan apcanama apvisqui Ciro najan apvisqui Dario najan apvisqui Artajerjes co Persia.

HAGEO 2:18

Quilhvo nac jay acnim veinticuatro najan piltin noveno apquillanay quellhip tingma apvajac.

ZACARÍAS 4:14

Apcatingmavoc alhta: Apquilvisay apcanit enlhit mayayo, apponquinquiscama (apquilyacyescama) Dios Visqui ingac, eltimjic apquiltimesaycam as nalhpop — alhta aptomjac — nic nat aptomjac profeta.

ZACARÍAS 4:4

Actomjac coo siyanya: Visqui, ¿so acvisay qui? — alhta actomjac coo.

ZACARÍAS 6:11

Illana sat lhama corona appocanma allanomalhca oro najan plata. Ipquin sat apyitsicsic Josué, Josadac apquitca, aptomja apvisqui sacerdote.

ZACARÍAS 8:9

Eycaso sicpayvam sicvisay Visqui sicyimtalhnamo: ¡Elyimnaticsojo apquilvalhoc quellhip! Colyit apatic quellhip profetas apquilpayvam apquillingascama nano, ayenmo apquillanay apvajac tingma apponquinomap, apmaclha Dios.

2 CORINTIOS 1:24

Am alhta ongiltamjoc ongilyimtalhnesalhcojo inganco naysicsa melyasquiyam quellhip. Ayinyemaclha apquilinlhanacmec quellhip apquiltimem melyasquiyam. Ningiltamjoc alhta ongilpasmoc quellhip yoyam coyangvomoc acpayjayclha apquilvalhoc.