ESDRAS 3:11 - Enhlit Bible

¹¹ Apquilminaycmasquic nic nat naysicsa apquilayo Dios, naysicsa apquiltimem gracias: Aptasi nac Dios. Cotningvoyam nelha apquimlaycmo enlhitaoc Israel — nic nat apquiltomjac. Avanjec nic nat apquilitsovascama naysicsa apquilayó aplhamoclhojo enlhitaoc. Ayinyema ilhnic nat apquillanay apvojac tingma apponquinomap.

ESDRAS 3:11 Iomraidhean Croise

1 CRÓNICAS 16:34

Eltime sat apquilayo Visqui ignac aptomja aptamila apanco. Aptomja singasicjayo cotmongvoycamlha nelha.

1 CRÓNICAS 16:41

Apquilanyacpec nic nat Hemán najan Jedutún najan poc apquilaymomap malyacyescama elminaycmacsic maa: Eltime gracias Dios Visqui ignac, aptomja singasicjayo cotmongvoycamlha nelha — sat eltimjic.

2 CRÓNICAS 5:13

Apquilpayvasquic nic nat apquilpasmeyquiclha trompetas, najan maa apquilminaycmascama, yoyam colhic ayaco najan gracias Dios Visqui ingac. Apquilpayvasquic nic nat naysicsa apquilminaycmascama, apquilmaycam música, najan trompetas najan platillos. Apquilminaycmasquic nic nat: Eltime sat apquilayo Dios aptomja aptamila apanco, aptomja singasicjayo cotmongvoycamlha nelha— nic nat intomjac apquilminaycmascama. Pilapcasquic nic nat acvitalhco lhama congne tingma apponquinomap.

2 CRÓNICAS 7:3

Apquilticlhiquic nic nat aptapnaoc apyovoclhojo, apnalhpolintamo yoyam eltimjic apquilayo najan gracias Dios Visqui ingac apquilpamejitsa: ¡Aptasi nac Dios Visqui ingac, aptomja singasicjayo cotmongvoycamlha nelha! — nic nat apquiltomjac. Ayinyema ilhnic nat apquilvitay talha acpalentama tacjaplhit tingma najan gloria apcapongmatem apanco Dios.

NEHEMÍAS 12:24

Apquilviscaa levitas alhta: Hasabías, Serebías, Josué, Binuy, Cadmiel. Najan apnaymacoc apquiltomja alhta apquilminaycmascama actemaclha anit grupos coro, acno ilhnic nat apcanama apvisqui David, Dios apquilancam.

NEHEMÍAS 12:40

Apcaneclhec alhta dos grupos coros tingma apponquinomap. Acpasmec alhta coo lha najan napocja apquilviscaa siclhalhma.

SALMOS 100:5

Aptasic apanco Visqui ingac. Aptomja singilasicjayo mataa cotningvoyam nelha. Aptomja nasoc anco mataa cotmongvoycamlha nelha.

SALMOS 103:17

Comasquejec sat mataa actemaclha singilasicjayo ningiltomja ningilayo Visqui ingac. Comasquejec sat mataa aptemaclha acpeyvomo nintamin sat cotmongvoycamlha nelha.

SALMOS 106:1

Innec ayaco Visqui ingac. Aptasi nac Visqui ingac. Eltime sat mataa gracias. Comasquejec sat mataa aptemaclha singasicjayo.,

SALMOS 107:1

Eltime sat gracias Visqui ingac, aptomja singasicjayo. Ingimlacmoc mataa cotmongvoycamlha nelha.

SALMOS 118:1

Aptasi nac Visqui ingac. Eltime sat gracias. Avanjec mataa singasicjayo Visqui ingac.

SALMOS 131:1

Visqui ajac. Mepqui ayajamalhco evalhoc coo.

SALMOS 135:3

Eltime apquilayo Visqui ingac, ayinyema aptasoc apanco Visqui ingac. Singasicjayo nac Visqui ingac. Elminaycmas sat apvisay apanco.

SALMOS 47:1

Quellhip enlhitaoc lhalhma anco: —Elitsovacsojo. Elitsovacsojo acyiplomo apquilticpaycam apmeoc.

SALMOS 47:5

Aptajavoc mocjam netin Dios Visqui ingac, elhniclha aptajanem apanco. Aptajemo naysicsa ningilpayvascama trompeta najan ningiltsovascama.

ÉXODO 15:21

Intomjac alhta acminaycmascama amamyi María. Yiplovcoc alhta alminaycmascama quilvanaa alpasmeyquiclha: Colminaycmas sat alayo apvisay Dios Visqui ingac, aptomja apyimtalhnamo. Yingmin alnapma apyovoclhojo nolhing najan nolhing apcapaoc — nic nat intomjac alminaycmascama quilvanaa.

ISAÍAS 12:6

Elilpalhamam sat quellhip apnaycam tingma Jerusalén. Apnec nipyesicsa quellhip Dios Visqui ingac aptomja apyimtalhnamo apanco, apvisay Santo mayayo — sat eltimjic quellhip — nic nat aptomjac profeta.

ISAÍAS 44:23

Elpayjiclha apquilvalhoc quellhip apnaycam netin. Eycaso ayinyema Dios. Elitsovacsojo quellhip apnaycam ayaptovnilha congne lhop. Elitsovacsojo quellhip apnaycam netin inquilhe najan nalhma. Coo sictomja Dios sicyamasma acyanmongam sicyinyovquiscama quilaycmasquiscama quellhip. Innec seyaco nipyesicsa enlhitaoc Israel — alhta aptomjac Dios.

ISAÍAS 6:3

Apquiltomjac alhta apquilpayvam: Aptamila apanco, aptamila apanco, aptamila apanco Visqui ingac apyimtalhnamo. Innec ayaco gloria pac lhalhma anco as nalhpop — alhta apquiltomjac.

JEREMÍAS 33:11

Colngalhcac sat mocjam apquilitsovascama naysicsa fiesta apancaoc. Colngalhcac sat mocjam apyimnanic appayvam apquitsovascama najan apponcanma quilvana ayitcoc. Eltingyac sat mocjam enlhit asoc macmescama Dios, elsaclhac sat tingma apponquinomap, acyiplomo apquilminaycmascama: Eltime sat apquilayo najan gracias Dios Visqui ingac apyimtalhnamo. Avanjec mataa singasicjayquiclho cotmongvoycamlha nelha — sat elminaycmacsic. Ongvasicjiclhojoc sat mocjam enlhit ajancaoc, eltimjic mocjam apquiltamila, acno apquiltemaclha siclhoc anco. Eycaso sicpayvam sicvisay Visqui apancaoc — alhta aptomjac.

HAGEO 2:3

Apquilvitac alhta napocja quellhip tingma apponquinomap aptamila apanco. Apquilvitac quilhvo nac jay as tingma aptovasomap. ¿Apno ya poc tingma? - ayinayc paj.

ZACARÍAS 4:7

¡Malha inquilhe acvinatem intomjac singinmelhaycam! Comascoc sat ayimjaclha cotniclhac sat malha amyip napato Zorobabel. Elcoc sat mataymong tajescamaclha tingma apvajac. Elpalhamam sat enlhitaoc: ¡Sas maa! ¡Sas, actamila anco! — sat eltimjic.

ZACARÍAS 9:9

¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.

SAN LUCAS 1:50

Cotmongvomejec sat nelha apcamliyam enlhitaoc apquiltomja apquilayo.

JOSUÉ 6:10

Aptomjac nic nat Josué apquilanya enlhitaoc: —Noelyimnaticsojo nasa apquililpalhamaycam. Noelpametam nasa. Elvanma sat acvocmo acnim yoyam ongvanic quellhip: Elyimnaticsojo apquilpalhamaycam — sat otnejic. Natamin elilpalhamam sat — nic nat aptomjac.

JOSUÉ 6:16

Invocmec nic nat nelha apquiljalhyincayam. Naysicsa apquilpayvascama sacerdotes aptomjac nic nat Josué apquilanya enlhitaoc: Elyimnaticsojo apquilpalhamaycam. Ongmoc sat as tingma, Dios singmescama.

JOSUÉ 6:5

Apquillingac sat ancoc apquilpayvascama acvoncaclhojo, elyimnaticsojo sat apquilpalhamaycam. Coyaninic sat mataymong apjalhtam tingma. Elantilh sat moclhama quellhip acpayjo apquinmamcaclha — nic nat aptomjac Dios.