ESDRAS 2:1 - Enhlit Bible

^1-2 Eycaso vaycajac acnatalhesomalhca apquilvisay israelitas apquilmomap nic nat apquilaoclha Judá macnalayclha yoclhilhma Babilonia, apvisqui nic nat Nabucodonosor. Invocmec nic nat nelha apquilmomacpilha, apquiltajavo ilhnic nat mocjam tingma Jerusalén najan moclhama tingma apancaoc apquileyvomaclha Judá. Apquilimja apmamyi apnalayquinta ilhnic nat: Zorobabel, Josué, Nehemías, Seraías, Reelaías, Mardoqueo, Bilsán, Mospar, Bigvai, Rehum najan Baana:

ESDRAS 2:1 Iomraidhean Croise

2 REYES 25:11

Innec nic nat acnalaclho yoclhilhma Babilonia enlhitaoc apquilmomap najan enlhitaoc apquilaymomap natingma najan enlhitaoc apquilhpaneycam. Apnalaclhec nic nat singilpilhtetemo apvisqui capitán Nabuzaradán.

1 CRÓNICAS 9:1

Innec nic nat acnatalhesa apquilvisay vaycajac reyes de Israel. Apquilmapsomcaa ilhnic nat apquilmolhama Judá. Apquilmacpec nic nat. Innec nic nat acnalaclho tingma Babilonia.

1 CRÓNICAS 9:2

Apquilvoctac nic nat mocjam apquilaoclha enlhitaoc apquilmomap. Apquilmamyi ilhnic nat apquilvactamo israelitas najan sacerdotes najan levitas najan apquiltimesaycam tingma apponquinomap.

ESDRAS 1:11

Invocmec nic nat 5400 asoc apquilmaycam oro najan plata alyinmom. Apquilsantimcasquic nic nat enlhitaoc apquilmomap nano. Apquimja apmamyi ilhnic nat Sesbasar. Apquilquimpaclhec nic nat yoclhilhma Babilonia. Tingma Jerusalén nic nat apquilmiyaclha.

ESDRAS 2:70

Apquilnaclhec nic nat tingma Jerusalén sacerdotes, najan levitas, najan napocja enlhitaoc. Apquilnaclhec nic nat tingma apancaoc enlhit apquilminaycmascama, najan apquiltamilquiscama tingma apponquinomap najan maa apquiltimesaycam, najan poc israelitas apnaymacoc.

ESDRAS 6:2

Innec nic nat acvitaclho vaycajac tingma apvisay Acmeta apyitna yoclhilhma Media. Yitnec nic nat actalhesomalhca appayvam:

ESDRAS 8:35

Apcaneclhec alhta apyovoclhojo apquilmomap siclho apquilvactama tingma. Apquillanac alhta asoc macmescama Dios acyanmongam melyascalhma. Apquilnapquic alhta 12 vayqui inquilinava, 96 nipquesic apquilinava, 77 nipquesic apquitcoc najan 12 yataay apquilinava. Actomja alhta malha apquilmescama nasa apyovoclhojo israelitas macmescama Dios acyanmongam melyascalhma. Apquilvatnec alhta napato Dios netin apquilvatnamaclha.

NEHEMÍAS 12:1

Eycaso apquilvisay alhta sacerdotes najan levitas apquilvactama mocjam. Apnalantac alhta Zorobabel, Salatiel apquitca najan Josué: Apquilvisay sacerdotes: Seraías, Jeremías, Esdras,

ESTER 1:1

Apnec nic nat apvisqui apvisay Asuero, apcanamaclha ilhnic nat 127 provincias yoclhilhma. Ayenmo ilhnic nat nicja yoclhilhma India acvaycmo moc nicja yoclhilhma Etiopía.

ESTER 1:11

Yoyam colhic altimnasa quilvana actamila anco acvisay avisqui Vasti, acyitna ayitsicsic acpocanma alyinmom, coyoclhojoc sat apnaclha apvisqui. Apquililtamjoc maycaa apquilyimtalhnamo elanojo quilvana actamila anco najan alnatanma. Nasoc anco actamila quilvana avisqui.

ESTER 1:3

Invocmec nic nat tres años aptimem apvisqui Asuero. Apquillanac nic nat fiesta acvanyam. Apquilanyacpec nic nat mayayo apquilviscaa najan apquiltamjaycamó lhama apvisqui najan singilpilhtetemo apquilviscaa perso najan medo (co Persia y Media) najan apquilviscaa provincias yoclhilhma.

ESTER 1:8

Yitnec nic nat apcanamaclha apvisqui, am sat ancoc coyacmoc eynic enlhit, meynejec sat maa. Etoc najan eyinic enlhit asoc apyisponcama apanco.

ESTER 8:9

Apquilanyacpec nic nat secretarios apquiltimesaycam apvisqui, ingyaniclhac sat apnaclha Mardoqueo. Intomjac nic nat acnim veintitrés najan piltin tres (tercero), moc apvisay Siván. Apnatlhosquic nic nat cartas, yoyam elyipsitic apquilviscaa mayayo najan apquilviscaa ciento veintisiete provincias yoclhilhma, ayenmo yoclhilhma India acvaycmo yoclhilhma Etiopía. Intalhesalhquic nic nat moclhama apquilpayvomó lhama. Najan apquilpayvomó lhama judíos yoyam elyipsitic.

ISAÍAS 48:20

Elinyajaoc sat quellhip, elyinyov sat tingma Babilonia. Elinyajaoc sat nipyesicsa caldeos. Ellingas sat quellhip as amyaa acyiplomo apquilitsovascama. Ellingas sat lhalhma anco acvaycmo nelha lhopactic. Eltime sat apquilpayvam: Apquilvomcasquic tap apquilmolhama Jacob Dios Apyimtalhnamo — sat eltime.

JEREMÍAS 50:19

Otajicsojoc sat mocjam israelitas elhnam apquilaoclha, payjoc Carmel, najan payjoc Basán, najan payjoc inquilhe Efraín, najan payjoc Galaad. Colhojoc sat apquilvitay acyivey aptoycaoc apnatoscama nipquesic.

LAMENTACIÓNES 1:3

Ajolhec alhta apquillingaycamco co Judá apquiltimesaycam najan apquilmomacpilha cotnajaclha apquilaoclha. Avanjec alhta apquilminlhinaycam cotnaja ingmoc apquilyitsomacpo quilvana avisqui nano, actomjayclho acmomalhca quilhvo nac jay mepqui aclovquiscama acyampay.

LAMENTACIÓNES 1:5

Payjeclhec apquilvalhoc cotnaja ingmoc naysicsa apquiltemaclha apancaoc. Apyanmongsaclhec Visqui ingac apquiltemaclha melyascalhma co Jerusalén. Apquilmacpec alhta apquitquic, macnalayclha apquileyvomaclha cotnaja ingmoc.

LAMENTACIÓNES 4:22

Quellhip co Jerusalén, comascoc sat acyanmongayclha apquiltemaclha apancaoc. Melmacpejec sat mocjam quellhip. Ellingamcojoc sat acyanmongayclha apquiltemaclha apancaoc co Edom. Colpiquenalhcac sat ayalhnaclhojo apquilvalhoc najan melyascalhma apancaoc.

SOFONÍAS 2:7

Elhnam sat as yoclhilhma apquilaymomap co Judá, apvaa inlhojo Dios yoyam epasingvota naysicsa apquileyvam. Eltamilsic sat mataa apnatoscama, elhnam sat tingma Ascalón, ellovsic sat apquilyampay alhtaa — alhta aptomjac.

LOS HECHOS 23:34

Natamin apquilyipsatem vaycajac yatapvisqui apquilmalhnamcaa alhta Pablo: —¿Jalhco acpayjo lhip apcaoclha? —alhta aptomjac. Apcatingmavoc alhta Pablo: —Yoclhilhma Cilicia —alhta aptomjac.