ESDRAS 10:8 - Enhlit Bible

⁸ Yitnec nic nat apquilanama apquilimja apmamyi najan consejeros: Am sat ancoc elvoctac enlhit acvaycmo tres acnim, etipsacpoc sat apquilmolhama apquilvactama alhta, elnatamoc sat acyovoclhojo apquilnatam.

ESDRAS 10:8 Iomraidhean Croise

ESDRAS 10:7

Apcapajasquic nic nat Esdras, colhic altimnasa apyovoclhojo apquilmomap siclho apquilvactama Judá najan tingma Jerusalén. Ingyaniclhac sat apyovoclhojo apnaymacoc apquilvactama mocjam.

ESDRAS 10:9

Apcaneclhec nic nat apyovoclhojo apquilmolhama Judá najan apquilmolhama Benjamín, payjoc tingma Jerusalén, acnim 20, piltin 9. Acvaycmo ilhnic nat tres acnim, apcaneclho ningatoc tingma apponquinomap. Inquilpilhyinimquic nic nat apquilvalhoc ayinyema apquiltemaclha apancaoc. Apquilpilhyinimquic nic nat, ayinyema yingmin acmamay.

ESDRAS 7:26

Apsilhnanacpec sat ancoc apanco enlhit meyiplovquisa singanamaclha Dios najan singanamaclha apvisqui, ematong sat, poc sat emacpoc, poc sat eyinyoc acyanmongam multa, poc sat ingyalhimsacpoc singilpilhtetomaclha. Vamlha — nic nat intomjac vaycajac.

NEHEMÍAS 13:28

Lhama alhta apvisay Joiada apquitca, apyata alhta sacerdote Eliasib, aptomjayclho Sanbalat apipjayim. Horonita alhta Sanbalat. Ayapajasquic alhta, yoyam mejingilpasmejec mataa ningilvisay israelitas.

NEHEMÍAS 13:3

Pilapcasquic alhta israelitas apquillinga singanamaclha actalhesomalhca. Apquilantipcasquic alhta apyovoclhojo metnaja israelitas najan cotnaja israelitas quilvanaa alpalhaviyam alhta nipyesicsa.

LEVÍTICO 27:28

Aptimec sat ancoc enlhit macmescama Dios - apvisay apmolhama enlhit, apvisay aptoscama, acvisay chacra amyip macmescama Dios. Copvanquejec eyinyoc acyanmongam, yoyam emyoc mocjam actomja apanco. Coyinyovalhquejec sat. Ayinyemaclha acvisay acponquinomalhca macmescama Dios.

SAN MATEO 18:17

Am sat ancoc ingyajalhnoc apquilpayvam apquiltomja apquilvitaycamco, iltimnas sat amyaa Jesucristo apmolhama. Am sat ancoc ingyajalhnoc apquilpayvam Jesucristo apmolhama, ingyane sat elhojoc ingyalhing enlhit apquilyasquiyam Dios Ingyapam (metnaja cristiano). Elhojoc sat najan ingyalhing enlhit apmapsom, malha apquilmam tacja solyayem.

SAN JUAN 16:2

Elantipsacpoc sat quellhip apcaneyquiclhilha. Covac sat acnim, yoyam eticyo quellhip. Apquilanayquic mataa ticyovam inyapmayc acvisay ningayo Dios actemaclha apquilajem quellhip.

SAN JUAN 9:22

Am alhta coyacmoc elhenic apyap najan inquin. Apcacac alhta apquiltemaclha judíos. Am alhta coyeycajalhcac moc apquilvalhoc judíos. Apquililtamjoc alhta mataa elantipsic apcaneyquiclhilha moclhama enlhit aptomja aplhanma apvisay Jesús aptomja Cristo.

SAN JUAN 9:34

Apquiltomjac alhta mocjam apquilanya: —Ayenmo congne meyascalhma nac lhip. ¿Apquiltamjo ya lhquip jingillhicmocsic nincoo? —alhta apquiltomjac. Aptipsacpec alhta enlhit aptamalviyam.

JOSUÉ 6:19

Elponquinquis sat aclhamoclhojo asoc alyinmomo plata najan oro najan asoc ayitcoc ningilmaycam bronce najan hierro. Elansiclha sat quellhip, cotnejic sat apanco Dios — nic nat aptomjac Josué.

JUECES 21:5

Apquiltomjac nic nat apquilanya: —¿Soc lha apquilmolhama melvactama alhta tingma Mizpa, mejingilpasmejec ninganeyquiclha acvanyam? — nic nat apquiltomjac. Yitnec nic nat apquillhanma mepqui apquilyeycajascaoc, ematong sat moclhama melvactama apquilanyomap jingilpasmoc ninganeyquiclha.

1 SAMUEL 11:7

Yejemoc nic nat apcaja anit vayqui yamquilvana. Aptipilcaclhec nic nat vayqui apitic. Apquilapajascasquic nic nat nipyesicsa enlhitaoc Israel lhalhma anco. Aptomjac nic nat appayvam Saúl: Incaymalhquic jelyiplaclha moclhama quellhip ayinyema coo sicpayvam najan profeta Samuel appayvam. Am sat ancoc jelyiplaclha enlhit, olhnasojoc sat actomjaclha sictipilquem apnatoscama vayqui. Apquilacac nic nat enlhitaoc napato Dios. Apsovjacpoc nic nat apquilyiplaclha enlhitaoc.