ESDRAS 10:5 - Enhlit Bible

⁵ Apquinmaclhec nic nat netin Esdras. Aptomjac nic nat apquilanya apquilimja apmamyi sacerdotes, najan levitas, najan apyovoclhojo israelitas, yoyam elyiplovcasojo aplhanma lhac Secanías. Apquillhenquic nic nat mepqui apquilyeycajascaoc.

ESDRAS 10:5 Iomraidhean Croise

ESDRAS 10:3

Ongilpamejitsalhcojoc sat Dios Visqui ingac, yoyam ongilapajacsic sat acyovoclhojo quilvanaa cotnaja israelitas najan ayitquic. Onsavojoc sat ningyiplovquiscama singanamaclha, lhip alhta singanama najan apnaymacoc apquilpeyvomo ayinyema singanama.

NEHEMÍAS 10:29

Apquiltomja apquilpasmeyquiclha mayayo najan apquilmolhama, apquillhanma elyiplovcasojo singanamaclha najan singascamaclha Dios, singlingascama Moisés, Dios apquilancam.

NEHEMÍAS 13:25

Ningilatingmalhquic alhta sicyimnatesa sicpayvam. Acticponquic alhta poc, sicmaycam ava apatong sicyinyovasa maa. Actomjac alhta silanya, yoyam ellhenic mepqui apquilyeycajascaoc napato Dios, meltimjic mocjam apipjaymayc najan aptapayc metnaja israelitas.

NEHEMÍAS 5:12

Apquilatingmavoc alhta: Ongiltajicsojo sat acyovoclhojo, ongilmascocsic sat apquilmaycaoc nasa, acno lhac aplhanma lhip — alhta apquiltomjac. Ayansaclhec alhta sacerdotes, yoyam ellhenic mepqui apquilyeycajascaoc elyiplovcasojo actema nac lha.

PROVERBIOS 1:5

Ongilaylhojoc sat mataa ningiltomja inlhojo ningyascamco, coyangvomoc sat acmam ingvalhoc.

PROVERBIOS 15:23

Payjeclhec ingilvalhoc ningiltimnasa enlhit yavamlha etnejic, singilmalhneclho inlhojo. Actamila anco acvamlha appayvam comoc ingvalhoc, najan acvamlha hora, yoyam comoc ingvalhoc.

PROVERBIOS 27:9

Acpayjayclha ingilvalhoc ayinyema asoc acmasis. Acyisponcama ingilvalhoc ayinyema ningilpamejitsomalhca ingmoc.

PROVERBIOS 9:9

Ningyascasingvocmec sat ancoc enlhit apyascamco, coyangvomoc sat aptemaclha apyascamco. Ningyascasingvocmec sat ancoc enlhit aptamila, coyangvomoc sat aptemaclha apyascamco.

SAN MATEO 26:63

Apvanmaquic alhta Jesús. Am alhta ingyatingmavo. Aptomjac alhta apvisqui sacerdote apcanya Jesús: —Altamjoc coo, yoyam elhenic lhip napato Dios apquilmilaneycaoc. Jingiltimnas sat appayvam actomja nasoc anco: ¿Naso ya lhquip Cristo Dios Apquitca? —alhta aptomjac.