Biblia Todo Logo
Bìoball air-loidhne

- Sanasan -




ESDRAS 10:11 - Enhlit Bible

11 Ellhen sat quellhip napato Dios Apvisqui apquilyeyjamcaa apquiltemaclha apquilsilhnanomap apanco. Elsavojo apquilyiplovquiscama apcanamaclha Dios. Elyinyov sat quellhip enlhitaoc actomja apquilaoclha (apipjaymayc), elyinyov sat quilvanaa actomja alaoclha (atapayc) — nic nat aptomjac.

Faic an caibideil Dèan lethbhreac




ESDRAS 10:11
24 Iomraidhean Croise  

Aplhenquic nic nat Ezequías, apvita apquilvascapma levitas, actemaclha apquilayo Dios Visqui ingac. Innec nic nat ayaco levitas. Apquilpenasquic nic nat aptoycaoc fiesta Pascua acvaycmo siete acnim. Apquilpenasquic nic nat asoc macmescama Dios actemaclha singasicjayquiclha, najan apquiltemaclha apquilayo Dios, apvisqui apancaoc apquilyeyjamcaa.


Apquinmaclhec nic nat netin Esdras, aptomja apquilanya: —Yitnec apquilsilhnanomap apanco quellhip apquiltingyey quilvanaa cotnaja israelitas eltimjic apnatamcaa. Inyangvocmec mocjam apquiltemaclha apancaoc acmasom.


Apquilatingmavoc nic nat apquilpamesma: —Jey, ongyiplovacasojoc sat lhip singanama.


Ongilpamejitsalhcojoc sat Dios Visqui ingac, yoyam ongilapajacsic sat acyovoclhojo quilvanaa cotnaja israelitas najan ayitquic. Onsavojoc sat ningyiplovquiscama singanamaclha, lhip alhta singanama najan apnaymacoc apquilpeyvomo ayinyema singanama.


Apquilvoctac alhta sicnaclha coo enlhit mayayo, seltimnasa apquilpayvam: Yitnec apquilsilhnanomap apanco enlhitaoc Israel, najan sacerdotes najan levitas. Inquilyimjapquic alhta quilvanaa cotnaja israelitas, quilvanaa actomja alaoclha apquileyvomaclha: cananeos, hititas, ferezeos, jebuseos, amonitas, moabitas, egipcios najan amorreos. Quilvanaa altomja alayo quilaycmasquiscama.


Pilapcasquic alhta israelitas apquillinga singanamaclha actalhesomalhca. Apquilantipcasquic alhta apyovoclhojo metnaja israelitas najan cotnaja israelitas quilvanaa alpalhaviyam alhta nipyesicsa.


Am nic nat elpalhcac metnaja israelitas. Apcaneclhec nic nat netin yoyam ellhenic apquiltemaclha apancaoc apquilsilhnanomap apanco najan apquiltemaclha apancaoc apquilyeyjamcaa nano.


Aclhenquic alhta sictemaclha moyascalhma. Am alhta omyavac sicsilhnanomalhca ajanco. Inlhenquic alhta evalhoc: —Pac olhenic napato Dios actemaclha sicsilhnanomalhca ajanco — alhta intomjac evalhoc. Yejemoc alhta apmascosa lhip sictemaclha moyascalhma coo.


Am sat ancoc ongillhenac ningilsilhnanomalhca inganco, ongiltanovalhcac sat nincoo. Ningillhenquic sat ancoc ningilsilhnanomalhca inganco (ningilvatesa nintemaclha), ongmiyovalhcac sat nincoo.


Aptomjac alhta mocjam Dios Apyimtalhnamo: Yitnec sat ancoc apquiltamilquiscama acnim ninnayclha eunuco enlhit yamquilvana. Yitnec sat ancoc apyiplovquiscama siyanamaclha najan actemaclha ningmiyovmalhca.


Ellhen sat quellhip apquiltemaclha apancaoc apquilsilhnanomap. Quellhip alhta selyamasma coo sicvisay Dios Visqui apancaoc. Apquiltingyac alhta quellhip quilaycmasquiscama acyitsomalhca dios lhalhma anco najan coning yamit mayayoclha. Am alhta eljalhnoc quellhip sicpayvam — alhta aptomjac Visqui ingac, yoyam olngacsic coo.


ayinyema Dios apyimtalhnamo, Apvisqui apancaoc enlhitaoc Israel: ¡Ellaniclha apquilvalhoc quellhip, elvatsaoc apquiltemaclha apancaoc! Olmeyvoc sat mocjam apquileyvomaclha quellhip.


Olyicpilcojoc sat quellhip, opquiniclhac sat ayalhnaclhojo apquilvalhoc moclhama quellhip, ayinyema apquiltemaclha apancaoc. Eycaso sicpayvam sicvisay Dios. Vamlha eltime quellhip apquiltemaclha apancaoc, vamlha otnesquisic actemaclha apquilsilhnanomap apanco, elmiyvacpoc sat maa.


Yejemoc alhta apquilevamcaa mocjam enlhit aptamalviyam, mepqui apataoc alhta. Apquiltomjac alhta apquilanya: —Ipeyvacsojo sat aplhanma napato Dios Ingyapam. Ningyasamcoc nincoo, enlhit meyascalhma nac maa —alhta apquiltomjac.


Noelvajanaoc nasa apquiltemaclha enlhitaoc lhalhma anco. Elyanmonquis apquilvalhoc quellhip yoyam cotnejic alhnancoc actemaclha apquilvalhoc. Elyasingvomoc sat quellhip actemaclha apmayjayoclha Dios. Elyasingvomoc sat actemaclha actamila napato Dios najan actemaclha apyisponcama najan actemaclha acpeyvomo.


Aptomjac nic nat mocjam Dios: Actomjac coo silanya quellhip: Noelpalhca nasa as enlhitaoc. Elyamyiclha sat nipyesicsa as enlhitaoc. Noelpatningvomjo nasa asoc actomja actimesquiscama comasis ingyimpejic. Opalhacsic sat quellhip sicmolhama.


Coyiplovjoc sat apquiltamilcasomacpo apanco quellhip actemaclha apyisponcama Dios najan actemaclha yoyam colhic ayaco. Cotalhcac sat actemaclha apquilyiplovquiscama quellhip asoc altamila, malha ningvitay acyilhna. Coyangvomoc sat apquilyasingvoyam quellhip aptemaclha Dios Ingyapam.


Ningiltamjoc nincoo Dios eltimesquisic apquilpeyvomo quellhip yoyam elvajanamcoc quellhip actemaclha apmayjayoclha Dios. Jingilanecsic sat ingilvalhoc Dios ayinyema Jesucristo yoyam eyispac nintemaclha. Colhic sat mataa ayaco Cristo cotmongvoycamlha nelha. Amén.


Aptomjac nic nat Josué apcanya Acán: —Lhip nac emoc. Itne sat lhip apcayo, Dios Apyimtalhnamo. Ilhen sat aptemaclha apsilhnanomap apanco. Nomyov nasa elhenic — nic nat aptomjac Josué.


Lean sinn:

Sanasan


Sanasan