ESDRAS 10:10 - Enhlit Bible

¹⁰ Apquinmaclhec nic nat netin Esdras, aptomja apquilanya: —Yitnec apquilsilhnanomap apanco quellhip apquiltingyey quilvanaa cotnaja israelitas eltimjic apnatamcaa. Inyangvocmec mocjam apquiltemaclha apancaoc acmasom.

ESDRAS 10:10 Iomraidhean Croise

2 CRÓNICAS 28:13

Apquiltomjac alhta apquilanya: Elapajas sat apquilmomap, yoyam eltajiclha mocjam. Coyangvomoc sat ningilsilhnanomalhca inganco napato Dios, apvita inlhojo nintemaclha ningilmam enlhit najan quilvanaa yoyam jingiltimesam. Coyangvomoc sat mongilyascalhma nincoo, yoyam elvoc sat Dios eyanmongsiclha nintemaclha inganco — nic nat apquiltomjac.

ESDRAS 10:11

Ellhen sat quellhip napato Dios Apvisqui apquilyeyjamcaa apquiltemaclha apquilsilhnanomap apanco. Elsavojo apquilyiplovquiscama apcanamaclha Dios. Elyinyov sat quellhip enlhitaoc actomja apquilaoclha (apipjaymayc), elyinyov sat quilvanaa actomja alaoclha (atapayc) — nic nat aptomjac.

ESDRAS 10:9

Apcaneclhec nic nat apyovoclhojo apquilmolhama Judá najan apquilmolhama Benjamín, payjoc tingma Jerusalén, acnim 20, piltin 9. Acvaycmo ilhnic nat tres acnim, apcaneclho ningatoc tingma apponquinomap. Inquilpilhyinimquic nic nat apquilvalhoc ayinyema apquiltemaclha apancaoc. Apquilpilhyinimquic nic nat, ayinyema yingmin acmamay.

ESDRAS 9:14

Mongvanquejec mocjam mepqui ningilyajayquiclho lhip singanamaclha. Mongvanquejec ontimjic ingilyipjaymayc as enlhitaoc actomja apquilaoclha, naysicsa apquiltemaclha apancaoc apquilayo quilaycmasquiscama. Elvoc sat lhip, mejingilmiyovejec sat mataa nincoo, jingiltovacsic sat lhip, mengyaymacpejec sat lhama, sat cotnejic.

ESDRAS 9:6

Actomjac coo silmalhnancama: ¡Dios Visqui ajac, lhip Visqui ajac! Avanjec acmancactama evalhoc, movanquejec opamejitsic lhip. Avanjec nincoo ninlhinganyam, avanjec anco ningilsilhnanomalhca inganco napato lhip.

NÚMEROS 32:14

Enlhit melyascalhma alhta apquilyeyjamcaa quellhip. Apquililtamjoc quellhip elvajanamcoc apquiltemaclha apancaoc apquilyeyjamcaa, yoyam elvoc sat mocjam Dios Dios napatavo israelitas.

SAN MATEO 23:32

‘¡Elsavojo sat quellhip apquiltemaclha acmasom apquilyeyjamcaa!