ESDRAS 10:1 - Enhlit Bible

¹ Apnec nic nat Esdras payjoc tingma apponquinomap, aplhanma napato Dios apquiltemaclha apquilsilhnanomap apanco, apticlhica aptapnaoc acyiplomo apvinama. Apcaneclhec nic nat apnaclha maa israelitas enlhit, najan quilvanaa, najan apquitcavoc, apquilyapcalhquic nic nat maa.

ESDRAS 10:1 Iomraidhean Croise

1 REYES 8:30

Ingyeylhojo sat mataa silmalhnancama coo najan apquililmalhnancama enlhitaoc Israel apquilvoycta as tingma apnaclha lhip. Elngojoc sat lhip apmaclha netin. Ingyeylhojo sat mataa lhip. Ilasicjiclhojo sat mataa lhip enlhitaoc.

1 REYES 9:3

Aptomjac nic nat Dios apcanya Salomón: —Aclingac lhac lhip apquilmalhnancama sepamejitquiscama coo. Acponquincasquic as tingma apquillanay lhip. Mayay'oclha sicvisay sat cotnejic cotmongvoycamlha nelha. Coytic sat evalhoc as tingma, otamilsic sat mataa.

2 CRÓNICAS 20:13

Apquilinmam nic nat napato Dios apyovoclhojo co Judá, najan maa quilvanaa, najan apquitcavoc, najan sicaa.

2 CRÓNICAS 20:9

Ningvitac sat ancoc acmasom actomja acyanmongayclha nintemaclha inganco. Ningvitac sat ancoc singilimpocjay, najan ningmasquem ataoc, najan mayic ataoc. Ontingyac sat as tingma apponquinomap apmaclha lhip, yoyam ongilmalhnac lhip, jingilpasmoc sat naysicsa ningilay. Jingilyeylhojoc sat lhip, jingilvomsic sat tap nincoo — nat apquiltomjac.

ESDRAS 10:6

Apyinyovquic nic nat apquinmamcaclha Esdras payjoc tingma apponquinomap. Aptingyac nic nat aplhancoc Johanán, Eliasib apquitca, yoyam etyinic maa mepqui aptom najan mepqui apyam. Avanjec nic nat acmayovsa apvalhoc ayinyema apquiltemaclha apnaymacoc apquilsilhnanomap apanco.

NEHEMÍAS 1:4

Inyitnocjavoc alhta evalhoc siclinga amyaa. Acvinec alhta acvoncaclhojo. Am alhta otaveclha sicpamejitquiscama Dios apna netin.

NEHEMÍAS 1:6

Quip jelanojo coo, ingyeylhojo silmalhnancama sictomja silancam lhip. Alinlhanacmec coo silmalhnesquiscama enlhitaoc Israel acnim anco najan alhtaa. Lhip apquilancam apquiltomja as enlhitaoc. Aclhenquic coo napatoc lhip mongilyascalhma ningilvisay enlhitaoc Israel. Ningiltomja ningilsilhnanomalhca inganco napatoc lhip. Yitnec coo lha sicsilhnanomalhca ajanco najan sicmolhama.

NEHEMÍAS 10:28

Apquillhenquic alhta mepqui apquilyeycajascaoc: sacerdotes, levitas, apquiltamilquiscama tingma apatnaoc, apquilminaycmascama apquiltimesaycam tingma apponquinomap, najan apyovoclhojo mepqui apquilpasmeyquiclha metnaja israelitas, yoyam elyiplovcasojo singanamaclha Dios. Inquilpasmec alhta apnatamcaa najan ayitquic apquilinava najan quilvanaa.

NEHEMÍAS 8:9

Apnec alhta maa apvisqui Nehemías najan sacerdote Esdras aptomja apyascamco apquiltemaclha najan enlhitaoc levitas apquiltomja apquilyascasingvoyam enlhitaoc. Apyipcalhquic alhta aplhamoclhojo apquillinga apquilyipsatem singanamaclha ayinyema Dios. Apquiltomjac alhta apquilanya: Acponquinomalhca as acnim nac jay ayinyema Dios Visqui ingac. Noncolyitnocjojo nasa apquilvalhoc. Noelyipcalhaoc nasa quellhip — alhta apquiltomjac.

SALMOS 119:136

Avanjec mataa sicvinama sicvita enlhitaoc mepqui apquilyiplovquiscama lhip appayvam.

SALMOS 32:5

Aclhenquic alhta sictemaclha moyascalhma. Am alhta omyavac sicsilhnanomalhca ajanco. Inlhenquic alhta evalhoc: —Pac olhenic napato Dios actemaclha sicsilhnanomalhca ajanco — alhta intomjac evalhoc. Yejemoc alhta apmascosa lhip sictemaclha moyascalhma coo.

JEREMÍAS 13:17

Am sat ancoc eljalhnoc quellhip as amyaa, oyilhanmoc sat coo, yoyam oyipcalhic maa, ayinyema apquiltemaclha apancaoc quellhip. Cotyapoc sat ate ayingmenic naysicsa sicvinama, sicvita inlhojo apquilmomap quellhip, malha Visqui ingac apnatoscama apquilmomap.

JEREMÍAS 9:1

Altamjo inyicje colhojoc ajataoc actiyapmaclha yingmin, actemaclha ate yingmenic ayinyem, olyapcalhic sat acnim anco najan alhtaa, aclhanma evalhoc enaymacoc apticyovam (apquilmasquingvoyam).

DANIEL 9:20

Aptomjac nic nat mocjam Daniel: Alinlhanacmec alhta silmalhnancama, siclhanma sictemaclha ajanco sicsilhnanomalhca ajanco, najan apquiltemaclha apquilsilhnanomap apanco enlhitaoc Israel. Almalhnescasquic alhta Dios, epasingvotac inquilhe mayayo.

OSEAS 14:2

Elyanmonquis moc apquilvalhoc quellhip, eltime sat quellhip: Dios Apyimtalhnamo, jingilasicjiclhojo sat mocjam. Ontimjic sat ningilayo lhip, colhojoc sat asoc macmescama lhip — eltime sat elanic quellhip.

ZACARÍAS 12:10

Otnesquisic sat, yoyam colhic apquilvalhoc actemaclha ningasicjayo najan ningilmalhnancama nipyesicsa David aptovana najan apnaycam tingma Jerusalén. Cotnejic acmayovsa apquilvalhoc apquilvita inlhojo apquitsepma apquitca aptiyam apmamyi. Elyapcalhic sat maa apquitsepma apquitca apvamlha pac lhama.

SAN MATEO 3:6

Apquililtimnasquic alhta siclhoc melyascalhma. Natamin apquilyapascasamco yingmin Juan vatsam Jordán.

SAN LUCAS 19:41

Apcamquitvoclhec alhta tingma Jerusalén. Yejemoc alhta acvina apvalhoc Jesús apvita tingma.

LOS HECHOS 10:30

Apcatingmavoc alhta Cornelio: —Cuatro acnim alhta intomjac. Innoc alhta acvamlha nac jay. Acnec alhta tingma ajac. Almalhnaquic alhta Dios Ingyapam. Pilapcasquic alhta sicvita apquiningvaa najato enlhit apquilmopoy apanco apquilantalhnama.

LOS HECHOS 21:5

Lhama alhta acsovjalhco siete acnim ningilquimpaclhec mocjam. Ingilyiplaclhec alhta aplhamoclhojo enlhit melyasquiyam tasic amyaa najan apnatamcaa najan apquitquic. Ningilvoclhec alhta tap tingma (niyava yingmin). Ningilticlhicvoclhec alhta intapnaoc ningilmalhna Dios Ingyapam.

ROMANOS 9:2

Ayovsec evalhoc coo sicvita enaymacoc judíos. Yimtilhec mataa evalhoc coo.

DEUTERONOMIO 31:12

Ingyaniclhac sat apyovoclhojo, najan enlhit, najan quilvanaa, najan apquitquic, najan metnaja apquiltemolhama apquilpalhaviyam quellhip natingma. Elaylhojoc sat apquilyipsatem singanamaclha najan elyasingvomoc sat actemaclha apquilayo Dios. Elyiplovcasojoc sat acyovoclhojo singanamaclha.

JOSUÉ 7:6

Apquilyaptec nic nat apquilantalhnama netin, najan Josué najan apnaymacoc mayayo. Appalesamquic nic nat lhopactic apyitsicsaoc, ayinyema acyivey acmayovsa apquilvalhoc. Apquiljalhec nic nat acyitnaclha yamit aysicsic acyitnamaclha Dios appayvam. Inticlhicvocmec nic nat nalhpop payjaclha napaat. Am nic nat ingyaniclhac netin, acvaycmo actalhnama acnim.

JOSUÉ 8:35

Apquilyipsatquic nic nat Josué, mepqui apcayam lhama actalhesamalhca. Apquilyipsatquic nic nat napatavo apnaymacoc Israel, alpalhquemalhca quilvanaa najan sicaa. Najan apquilpalhcomap metnaja apquiltemolhama apnaycam nipyesicsa.