ESDRAS 1:3 - Enhlit Bible

³ Eltajiclha sat moclhama quellhip apquiltomja Dios enlhitaoc apancaoc. Epasmoc sat quellhip Dios. Elyas sat quellhip tingma Jerusalén, Juda apquilmolhama. Ellana sat quellhip tingma apponquinomap aptomja Dios tingma pac. Dios aptomja Apvisqui nipyesicsa enlhitaoc Israel.

ESDRAS 1:3 Iomraidhean Croise

1 REYES 18:39

Pilapcasquic nic nat enlhitaoc apquilvita. Apquilpolintac nic nat nalhpop apquilpalhamamcaa: —¡Dios aptomja Visqui ingac! ¡Dios aptomja Visqui ingac! — nic nat apquiltomjac.

1 REYES 8:23

Aptomjac nic nat apquilmalhnancama: —Lhip nac Dios Apvisqui apancaoc Israel. Lhip aptomja apvamlha pac lhama. Paj poc maa netin, paj poc as nalhpop. Nincoo ningiltomja lhip apquilancam. Lhip ayinyema asoc monquinatquiscama apmayjayoclha najan actemaclha singimlaycmo, ningiltomja ningiltamilcasomalhco inganco napato lhip.

1 CRÓNICAS 28:20

Aptomjac nic nat David apcanya Salomón: ¡Iyimnaticsojo apvalhoc! ¡Ivascap sat aptamjaycam! ¡Nongyane nasa coytic ayay apvalhoc, aplhalhma lhip Dios Visqui ingac! ¡Emyovacpoc sat lhip acvaycmo appenescama apquillanay tingma apponquinomap!

ESDRAS 1:4

Quellhip metnaja judíos. Elpasim sat mataa judíos apnaycam nipyesicsa quellhip. Elmesaoc sat asoc altamila plata najan oro najan apquilnatam najan apnatoscama. Elmesaoc sat solyayem acninquinomalhca yoyam ellanac tingma apponquinomap natingma Jerusalén — nic nat intomjac amyaa.

ESDRAS 4:3

Apquilatingmavoc nic nat Zorobabel, najan Josué najan poc apquilviscaa: —Mongvanquejec nimpasmeyquiclha ongillana tingma apponquinomap, ningilvamlha nincoo ningilvisay enlhitaoc Israel. Eycaso alhta singanama apvisqui Ciro yoclhilhma Persia.

ESDRAS 5:13

Niptamin maa apvisay nat Ciro aptomja apvisqui co Babilonia. Apcanama nat, colhic allana Dios tingma pac apponquinomap.

ESDRAS 5:3

Apnec nic nat apvisqui Tatnai vatsam Éufrates, payjoc actalhningvamlha acnim. Poc nic nat Setar-boznai najan apnaymacoc, apquililtimnascactac nic nat: —¿Co laa ayinyema apcanama ellanacpoc mocjam tingma apponquinomap najan yamit actemaclha apquilpaclhanma? ¿Co laa apquilvisay apquiltamjaycamó lhama? — nic nat apquiltomjac.

ESDRAS 6:7

Noelmiyov nasa yoyam ellanac tingma apponquinomap. Apvisqui judíos najan apquilimja apmamyi sat eltimjic apquilanem ellanac poc as tingma apponquinomap, apyitnamaclha nano.

SALMOS 132:13

Apyacyesquic alhta Visqui ingac tingma Sión netin inquilhe. Apyacyesquic alhta etnejic maa tingma pac.

SALMOS 83:18

Alyasingvomoc sat: Lhip aptomja Visqui apyimtalhnamo apvamlha pac lhama. Apvamlha lhip aptomja apyimtalhnamo apanco as nalhpop.

ISAÍAS 37:16

Lhip Dios Visqui ingac. Yitnec lhip aptajanem pac tacjaplhit ángeles querubines. Lhip apvamlha pac lhama Dios, apvisqui lhalhma anco. Lhip nic nat apquilantipquiscama netin najan nalhpop.

ISAÍAS 44:28

Eycaso sicpayvam Dios, siyanya apvisqui Ciro: Selancam aptomjac lhip. Eviscomoc sat lhip sicpayvam siclhanma coo. Etnejic sat lhip ingyanic enlhitaoc tingma Jerusalén: —Ellaniclha sat mocjam tingma. Ellana sat mocjam tingma apponquinomap — sat itne ingyanic — alhta aptomjac Dios.

ISAÍAS 45:5

Coo sicvamlha Dios, paj poc Dios lhalhma anco. Acpasmec alhta lhip malha sictejitquiscama niplhit apyapmam naysicsa mejeyicpilquem coo.

JEREMÍAS 10:10

Apnec nincoo Dios Visqui ingac mengyitsepma, aptomja nasoc anco, aptomja Visqui apyimtalhnamo cotmongvoycamlha nelha. Copilhyinamoc sat as nalhpop, acyitna inlhojo aplom pac Dios, elmasquingvomoc sat apyovoclhojo enlhit.

DANIEL 2:47

Aptomjac nic nat apvisqui rey apcanya Daniel: —Naso, apyimtalhnamo apanco Dios Apvisqui apancaoc quellhip, am elhno poc dioses mayayo. Aptomja Apvisqui Apyimtalhnamo nipyesicsa poc apquilviscaa. Apvanquic jingilyascasingvomoc asoc acyilhamalhca, lhip lhac appeyvescasquiclha — nic nat aptomjac apvisqui.

DANIEL 6:26

Actomjac coo siyanya elyiplovcasojoc sat quellhip singanamaclha Dios, aptomja apcayo Daniel. Dios aptomja Apvisqui Apyimtalhnamo cotmongvoycamlha nelha, aptomja memasquingvoyam. Comasquejec sat mataa apcanamaclha, comasquejec sat mataa apmopvan apanco.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

LOS HECHOS 10:36

Apcapajasquic alhta amyaa Dios Ingyapam nipyesicsa enlhitaoc Israel. Aplingasquic mataa actemaclha actamilaycam ingvalhoc singmescama Jesucristo. Aptomjac apvisqui tacjaplhit enlhit lhalhma anco.

DEUTERONOMIO 32:31

Apquilyasingvocmec cotnaja ingmoc aptemaclha Dios aptomja apyimnatem apanco, am colhno quilaycmasquiscam acyitsomalhca dios.

JOSUÉ 1:9

Actomjac coo siyanya lhip: Ivascap sat lhip, iyimnaticsojo sat apvalhoc. Ningya nasa mataa, nocotnajam nasa apvalhoc. Coo nac Dios, lhip Visqui pac. Sictomja mataa siclhalhma apyasaclha lhip lhalhma anco — nic nat aptomjac Dios.