ESDRAS 1:2 - Enhlit Bible

² Eycaso sicpayvam sicvisay Ciro, sictomja apvisqui yoclhilhma Persia: — Aclhoc'ac coo aclhamoclhojo yoclhilhma lhalhma anco ayinyema Dios apna netin. Aptomjac apcanem yoyam ollanac tingma apponquinomap natingma Jerusalén nipyesicsa enlhitaoc Judá.

ESDRAS 1:2 Iomraidhean Croise

1 REYES 8:27

Apyimtalhnamo apanco lhip maa netin. ¿Apvanqui ya lhquip elhic as nalhpop congne tingma? Am colhnoc maa netin. Am eyav'ac as tingma sillanay coo.

2 CRÓNICAS 2:12

Mocjam aclhanma vaycajac: Aptasi nac Dios Visqui apancaoc Israel, aptomja apquillanay nic nat netin najan nalhpop, aptimesquisa David apquitca, etnejic apvisqui apyascamco, apvisqui apmopvan, najan meyasquiyam Dios, etnejic sat apquillanay tingma apponquinomap najan tingma apyivey, apvisqui tingma pac.

ESDRAS 1:5

Apquilpecjam nic nat ellhong apquilviscaa Judá apquilmolhama najan Benjamín apmolhama najan sacerdotes najan levitas. Aptimesam nic nat Dios apquilvalhoc aplhamoclhojo judíos yoyam ellhong. Apquiltamjoc nic nat elyacsic tingma Jerusalén yoyam ellanac tingma apponquinomap, etnejic Dios tingma pac.

ESDRAS 3:7

Apquillhocac nic nat solyayem apquillanay yatipjaymacaoc najan apquillanay tingma. Apquillhocac nic nat enlhit co Sidón najan co Tiro aptoycaoc najan apyinaycaoc najan aceite olivo ayingmenic. Apquilsantac nic nat mataa yamtaa apquilyatemenma netin inquilhe Líbano. Apquilyinyovaseclhec nic nat netin yingmin acvocmo tingma Jope. Eycaso ilhnic nat apcanamaclha Ciro co Persia.

ESDRAS 4:3

Apquilatingmavoc nic nat Zorobabel, najan Josué najan poc apquilviscaa: —Mongvanquejec nimpasmeyquiclha ongillana tingma apponquinomap, ningilvamlha nincoo ningilvisay enlhitaoc Israel. Eycaso alhta singanama apvisqui Ciro yoclhilhma Persia.

ESDRAS 5:15

Apcanama nat apvisqui Ciro, yoyam eltajicsojo mocjam apquilmaycam. Innec nat acmesa as asoc yatapvisqui Sesbasar, apcanyacpoc nat elpatmaoclha asoc apquilmaycam, colninquinalhcac sat congne tingma apponquinomap. Apcanama nat Ciro, ellanacpoc mocjam tingma apponquinomap apyitnamaclha siclhoc nat.

ESDRAS 6:10

Incaymalhquic elmecsic altamila asoc macmescama Dios apna netin. Incaymalhquic jelmalhnesquisic coo sictomja visqui najan eyitquic.

ESDRAS 6:3

Primer año siclhoc alhta aptimem apvisqui Ciro (co Persia). Eycaso actemaclha alhta appayvam apvisqui Ciro aplhanma tingma apponquinomap tingma Jerusalén. Incaymalhquic ellanacpoc mocjam tingma apponquinomap yoyam colhic alvatna asoc acticyovam acyanmongam melyascalhma. Sesenta codos apvamlha apvinatem tingma najan sesenta codos apvamlha apyivey tingma.

ESDRAS 7:12

Inlhenquic evalhoc sicvisay visqui Artajerjes, lhip Esdras, apvisay sacerdote najan maestro apyascamco singanamaclha Dios apna netin.

NEHEMÍAS 1:4

Inyitnocjavoc alhta evalhoc siclinga amyaa. Acvinec alhta acvoncaclhojo. Am alhta otaveclha sicpamejitquiscama Dios apna netin.

NEHEMÍAS 1:5

Actomjac alhta silmalhnancama: Lhip, Dios Apyimtalhnamo. Lhip aptomja apyimnatem najan apyimtalhnamo ningiltomja ningilay'o. Lhip aptomja aptamilquiscama asoc monquinatquiscama actemaclha apmayjayoclha. Aptomja aptamilquiscama enlhitaoc apquilyiplovquiscama lhip apcanamaclha.

SALMOS 136:26

Eltime sat gracias Dios Visqui ingac apna netin. Comasquejec mataa singasicjayo Visqui ingac.

SALMOS 85:2

Apmascosquic alhta apquiltemaclha apquilsilhnanomap apanco enlhitaoc. Apmascosquic alhta lhip aclhamoclhojo melyascalhma.

PROVERBIOS 21:1

Ingvanquic ongillhingsic ayinyem yingmin, ningillana inlhojo yingmin atamnic. Dios Visqui ingac aptomja aplhinquiscama actemaclha apvalhoc apvisqui rey.

ISAÍAS 41:2

Apnec lhama apyimtalhnamo actiyapmaclha acnim. Apyimnatem apanco mataa apquilnapomap, am elhnoc poc. ¿Soc alhta aplhaticjasquiyam? Aptomja alhta apquilmam enlhitaoc. Apmascosquic alhta apquiltimem apquilviscaa. Apquiltomjaclhec lhopactic enlhitaoc ayinyema sovo acvinatem alnapma. Yanca pac actomja ayilhpanquiscama enlhitaoc, malha alhcajayam ayilhpanquiscama yamit ava.

ISAÍAS 44:26

Oviscomoc sat nelha sicpayvam apquillhanma mataa selancam najan apquiltomja apquillingascama sicvisay coo. Actomjac coo silanya quellhip apnaycam tingma Jerusalén: —Elhniclha sat mocjam — actomjac coo. Najan silanya tingma yoclhilhma Judá: —Ellaniclha sat mocjam tingma aptovasomap — actomjac coo. Olaniclhac sat mocjam tingma apyaninma alhta.

ISAÍAS 44:28

Eycaso sicpayvam Dios, siyanya apvisqui Ciro: Selancam aptomjac lhip. Eviscomoc sat lhip sicpayvam siclhanma coo. Etnejic sat lhip ingyanic enlhitaoc tingma Jerusalén: —Ellaniclha sat mocjam tingma. Ellana sat mocjam tingma apponquinomap — sat itne ingyanic — alhta aptomjac Dios.

ISAÍAS 45:1

Apvisqui Ciro aptomja alhta Dios apquilyacyescama. Eycaso sicpayvam Dios siyanya apvisqui Ciro: —Acpasmec coo mataa lhip, malha sicmaycaoc emic. Apyimnatem sat etnejic lhip naysicsa apquilnapomap aplhamoclhojo enlhitaoc. Comascoc sat apquilvisay apquilviscaa. Mepqui lhama asoc alyascamalhma sat cotnejic. Malha sicmayescama atong sat cotnejic mataa.

ISAÍAS 66:1

Eycaso sicpayvam Dios: —Netin coo actomjac sictajanem. Nalhpop coo actomjac siltoycamlha. ¿Jalhco aptema tingma yoyam jelanesic? ¿Jalhco sat otnejic sicnayclhilha?

JEREMÍAS 10:11

(Quellhip israelitas, eltime sat elanic enlhitaoc metnaja israelitas: Am nic nat collanac quilaycmasquiscama netin najan nalhpop. Conatovasalhcac sat quilaycmasquiscama as nalhpop, comyovalhquejec sat lhama — sat eltime.)

JEREMÍAS 27:5

Coo sicmovan ayinyema sillanay as nalhpop, najan enlhit, najan apnatoscama, najan asoc navjac, najan aclhamoclhojo asoc. Evanquic omquecsic siltamjoclha omquecsic, otnesquisic apvisqui, siltamjoclha otnesquisic.

JEREMÍAS 29:10

Actomjac coo silanya quellhip: Vocmec sat ancoc setenta años, natamin olvomsic sat tap quellhip, eltajiclhac sat mocjam quellhip, acnim siclhanma siclho mepqui sicyeycajascaoc.

DANIEL 1:21

Apnaclhec nic nat maa Daniel acvaycmo lhama año aptimem apvisqui rey Ciro.

DANIEL 2:21

Lhip ayinyema acnim acya'monquiscama moc acnim, najan año acya'monquiscama moc año. Lhip aptomja apyinyovquiscama aptimem apvisqui, najan aptomja aptimesquiscama apjalhnancoc. Lhip ayinyema apquilyascamcolhma, eltimjic apquilyascamco enlhit. Lhip ayinyema actemaclha ningyimtalhnamo, eltimjic apquilyimtalhnamo enlhit.

DANIEL 2:28

Apnec netin Dios Apyimtalhnamo aptomja singyascasingvoyam asoc acyilhamalhca. Lhip visqui apyimtalhnamo, eyasamcojoc sat lhip, yavamlha cotnejic sat, ayinyema Dios. Pac oltimnacsic lhip actemaclha acvitay apvanmoncama, najan amyaa yavamlha sat cotnejic. Invitac alhta sicvanmoncama alhtaa naysicsa sictiyanma:

DANIEL 4:25

Eyinyovacpoc sat lhip visqui apyimtalhnamo, epalhavomoc sat asoc navjac najan ninatoscama. Etoc sat lhip paat, acno actom vayqui. Cotyamoc sat tiyam etin apyitnamaclha lhip. Cotnejic sat acvaycmo siete años appalhaviyam lhip maa. Eyicpilcangvomoc sat lhip Dios apna netin apmovan apanco etnesquisic apvisqui apjalhnancoc, acno aclhanma apvalhoc apanco.

DANIEL 4:32

Eyinyovacpoc sat lhip, yoyam epalhavomoc lhip asoc navjac najan ninatoscama. Etoc sat lhip paat, acno actom vayqui. Cotnejic sat acvaycmo siete años. Eyicpilcangvomoc sat lhip apmopvan apanco Dios apna netin. Apyimtalhnamo apanco nipyesicsa enlhitaoc apyovoclhojo as nalhpop. Apvanquic etnesquisic apvisqui apjalhnancoc, apvanquic elvatesquisic aptimem apvisqui, acno aclhanma apvalhoc apanco — nic nat intomjac amyaa ayinyema netin.

DANIEL 5:23

Lhip visqui apyimtalhnamo aptomja apvenneycam Dios apna netin. Lhip lhac apcanama, colhic acsantimquisa apquilmaycam ingjaycaoc najan alhanaoc alinyema alhta Dios tingma pac apponquinomap. Apmaycam lhac lhip najan apnaymacoc apquilyimtalhnamo, elyinamcoc vino uva ayingmenic as ingjaycaoc. Apquiltimec lhac apquilayo quilaycmasquiscama allanomalhca oro, moc najan plata, moc najan bronce, moc najan hierro, moc najan yamit, moc najan mataymong. Mepqui ataoc as quilaycmasquiscama, mepqui ajaycaoc, mepqui acyascamco avalhaoc. Am etnajac lhip apcayo Dios apna netin, ayinyemayaclha lhip acyimnatem apnenyic.

DANIEL 6:25

Aptalhosquic nic nat vaycajac apvisqui Darío, apcapajasa as amyaa nipyesicsa enlhitaoc lhalhma anco. Eycaso appayvam actalhesomalhca: ¡Coytic sat actamilaycam apquilvalhoc quellhip!

JONÁS 1:9

Apcatingmavoc nic nat Jonás: —Coo nac hebreo, sictomja siyayo Dios Apyimtalhnamo apna netin. Apquilantipquiscama ilhnic nat nalhpop najan yingmin acvanyam — nic nat aptomjac Jonás.