ESDRAS 1:1 - Enhlit Bible

¹ Invocmec nic nat lhama año aptimem apvisqui Ciro yoclhilhma Persia. Invocmec nic nat nelha aplhanmaclha profeta Jeremías ayinyema Dios. Aptimesam nic nat Dios apvalhoc apvisqui Ciro (co Persia). Appayesquic nic nat amyaa. Apquilapajasquic nic nat vaycajac actemaclha apcanama lhalhma anco:

ESDRAS 1:1 Iomraidhean Croise

ESDRAS 1:5

Apquilpecjam nic nat ellhong apquilviscaa Judá apquilmolhama najan Benjamín apmolhama najan sacerdotes najan levitas. Aptimesam nic nat Dios apquilvalhoc aplhamoclhojo judíos yoyam ellhong. Apquiltamjoc nic nat elyacsic tingma Jerusalén yoyam ellanac tingma apponquinomap, etnejic Dios tingma pac.

ESDRAS 4:3

Apquilatingmavoc nic nat Zorobabel, najan Josué najan poc apquilviscaa: —Mongvanquejec nimpasmeyquiclha ongillana tingma apponquinomap, ningilvamlha nincoo ningilvisay enlhitaoc Israel. Eycaso alhta singanama apvisqui Ciro yoclhilhma Persia.

ESDRAS 6:14

Apquilinlhanacmec nic nat apquilimja apmamyi judíos apquiltamjaycam tingma. Invocmec nic nat nelha aplhanmaclha profeta Hageo najan profeta Zacarías, Iddo apquitca. Apquilpenasquic nic nat apquillanay tingma apponquinomap. Ayinyema ilhnic nat apcanama Dios Apvisqui enlhitaoc Israel. Ayinyema najan apcanama apvisqui Ciro najan apvisqui Dario najan apvisqui Artajerjes co Persia.

ESDRAS 6:22

Apquiltimec nic nat fiesta acyiplomo acpayjayclha apquilvalhoc acvocmo siete acnim. Apquiltimec nic nat fiesta apvisay “nintom quilpasmongam mepqui apquimpascaoc”. Dios nic nat ayinyema acpayjayclha apquilvalhoc. Dios nic nat aptimesquiscama actamilaycam apvalhoc apvisqui co Asiria. Appasmec nic nat enlhitaoc Israel naysicsa apquillanay tingma apponquinomap, aptomja tingma pac Dios Apvisqui apancaoc enlhitaoc Israel.

ESDRAS 6:3

Primer año siclhoc alhta aptimem apvisqui Ciro (co Persia). Eycaso actemaclha alhta appayvam apvisqui Ciro aplhanma tingma apponquinomap tingma Jerusalén. Incaymalhquic ellanacpoc mocjam tingma apponquinomap yoyam colhic alvatna asoc acticyovam acyanmongam melyascalhma. Sesenta codos apvamlha apvinatem tingma najan sesenta codos apvamlha apyivey tingma.

ESDRAS 7:27

Eycaso ilhnic nat apquilmalhnancama Esdras: Innec ayaco lhip Dios Visqui ingac najan ningilyeyjamcaa apvisqui apancaoc. Apcasinaquic alhta lhip apvisqui rey, colhic allanayclha mocjam tingma apponquinomap payjoc tingma Jerusalén.

SALMOS 106:46

Inquimjapamcoc nic nat apquilvalhoc apquilinmelhaycam siclho. Apquiltomja ilhnic nat apquilmam, yoyam eltimesam.

PROVERBIOS 21:1

Ingvanquic ongillhingsic ayinyem yingmin, ningillana inlhojo yingmin atamnic. Dios Visqui ingac aptomja aplhinquiscama actemaclha apvalhoc apvisqui rey.

ISAÍAS 44:28

Eycaso sicpayvam Dios, siyanya apvisqui Ciro: Selancam aptomjac lhip. Eviscomoc sat lhip sicpayvam siclhanma coo. Etnejic sat lhip ingyanic enlhitaoc tingma Jerusalén: —Ellaniclha sat mocjam tingma. Ellana sat mocjam tingma apponquinomap — sat itne ingyanic — alhta aptomjac Dios.

ISAÍAS 45:1

Apvisqui Ciro aptomja alhta Dios apquilyacyescama. Eycaso sicpayvam Dios siyanya apvisqui Ciro: —Acpasmec coo mataa lhip, malha sicmaycaoc emic. Apyimnatem sat etnejic lhip naysicsa apquilnapomap aplhamoclhojo enlhitaoc. Comascoc sat apquilvisay apquilviscaa. Mepqui lhama asoc alyascamalhma sat cotnejic. Malha sicmayescama atong sat cotnejic mataa.

JEREMÍAS 1:1

Eycaso appayvam aplhanma ilhnic nat profeta Jeremías, Hilcías apquitca. Apquilmolhama ilhnic nat sacerdotes Jeremías, apnaycam tingma Anatot, yoclhilhma apquileyvomaclha Benjamín aptovana niptamin.

JEREMÍAS 29:10

Actomjac coo silanya quellhip: Vocmec sat ancoc setenta años, natamin olvomsic sat tap quellhip, eltajiclhac sat mocjam quellhip, acnim siclhanma siclho mepqui sicyeycajascaoc.

EZEQUIEL 38:5

Apquillhalhmaa sat co Persia, najan co Etiopía, najan co Libia apyovoclhojo enlhit acma apquilmaycam apquilajapsomap.

DANIEL 1:21

Apnaclhec nic nat maa Daniel acvaycmo lhama año aptimem apvisqui rey Ciro.

DANIEL 2:1

Invocmec nic nat dos años aptimem apvisqui rey Nabucodonosor. Invitac nic nat moclhama asoc apvanmoncama. Avanjec nic nat alquitameycam apvalhoc, acyiplomo mepqui aptiyanma.

DANIEL 6:25

Aptalhosquic nic nat vaycajac apvisqui Darío, apcapajasa as amyaa nipyesicsa enlhitaoc lhalhma anco. Eycaso appayvam actalhesomalhca: ¡Coytic sat actamilaycam apquilvalhoc quellhip!

DANIEL 9:2

Aptimec alhta apvisqui primer año. Coo sicvisay Daniel. Alyipsatquic alhta vaycajac profeta Jeremías, aplhanma setenta años, yoyam etvasacpoc tingma Jerusalén. Eycaso amyaa ayinyema siclho Dios Apyimtalhnamo, yoyam elngacsic profeta Jeremías.

SAN JUAN 1:23

Apcatingmavoc alhta Juan: —Aplhanma ilhnic nat Isaías profeta Dios aplingascama: Coo nac enlhit appameteycam aptomja apquilpalhamaycam yoclhilhma actamopeycaoc: “Ellanesquis amay, yoyam eyacsic Visqui ingac” —nic nat intomjac appayvam.