EFESIOS 6:8 - Enhlit Bible

⁸ Apquilyasamcoc quellhip. Ellhovac sat moclhama acyanmongam ayinyema Visqui ingac acyanmongam apquiltamjaycam actamila. Ellhovac sat apquilancam apquilmomap najan poc enlhitaoc metnaja apquilmomap.

EFESIOS 6:8 Iomraidhean Croise

PROVERBIOS 11:18

Ongilyinimsalhcac sat ningillhoy acyanmongam, acyitna inlhojo acmasom ingvalhoc. Ongillhocac sat actamila acyanmonga, ningyiplovquisa inlhojo nintemaclha acpeyvomo.

PROVERBIOS 23:18

Emyovacpoc sat lhip, aptomja inlhojo apcayo Dios. Comasquejec mataa lhip aptemaclha meyasquiyam Dios.

ISAÍAS 3:11

¡Enlhit layi apquilmapsomcaa, ayinyema apquiltemaclha apancaoc almasomcaa! Eyanmongsiclhac sat Dios apquiltemaclha apancaoc apquilmapsomcaa.

SAN MATEO 16:27

Coo sicvisay Sictiyam Sictomja Enlhit. Ovotac sat naysicsa gloria mayayo apanco Tata najan apquillhalhmaa sat ángeles Dios apquilasinancama. Olmesic sat acyanmongam actemaclha apquiltamjaycam moclhama enlhit.

SAN MATEO 20:7

Apquilatingmavoc nic nat: “Am evac lhama, yoyam jingilanic ongiltamjam” —nic nat apquiltomjac. Yejemoc nic nat apquilanyamcaa: “Ingva, eltiyaningvomjo quellhip lha eltamjam uva avjac. Olmesic sat acyanmongam acvamlha siclhanma olmesic” —nic nat aptomjac.

SAN MATEO 5:12

Elitsovacsojo quellhip, colpayjiclha sat apquilvalhoc. Coyangvomoc sat quellhip acyanmongam netin. Innoc actema ilhnic nat malminlhinaycam profetas Dios apquillingascama apquilictingam apmamyi —alhta aptomjac Jesús.

SAN MATEO 6:1

‘Eltamilsojo quellhip. Elyiplovcasojo apquiltamjaycamcaclha altamila. Apquillhicmosquic sat ancoc mataa nipyesicsa enlhitaoc, melmecsejec sat acyanmongam Ingyapam apna netin.

SAN MATEO 6:4

Iyilhacpojo mataa emquesic asoc. Apvita inyicje Ingyapam netin actemaclha lhip apyilhamacpo apmescama poc. Emquesic sat acyanmongayclha —alhta aptomjac. Aptomjac alhta mocjam Jesús:

SAN LUCAS 14:14

Apquilinyejemoc anco sat etnejic lhip. Colapvancaac as enlhitaoc elmesic acyanmongam. Colhic sat acyanmongam lhip apnalhaticjangvocmo sat enlhit apquilpeyvomo apmasquingvaycmo nano —alhta aptomjac.

SAN LUCAS 6:35

Nincoo eyca, pac ongilasicjojo cotnaja ingmoc. Pac ongimlimojo najan ongmesic asoc inganco apmaycaoc poc enlhit. Colhenejec sat ingvalhoc acyanmongayclha. Avanjec sat cotnejic acyanmongam netin. Ontimjic sat nincoo Dios Ingyapam netin apquitquic. Apquimlaycmojo mataa enlhit colhanma apquilvalhoc najan apquilmapsomcaa.

1 CORINTIOS 12:13

Apquilvamlha apquiltomja macyapascaseycaoc yingmin: judíos najan metnaja judíos najan apquiltomja apquilancam apquilmomap najan poc metnaja apquilmomap. Eycaso aplhamoclhojo apquilpasmeyquiclha apquiltomja malha lhama ningyovoclhojo ayinyema apvamlha lhama Espíritu apanco Dios. Ningillhocac nincoo Espíritu apanco Dios, malha singmescama ningyam.

2 CORINTIOS 5:10

Incaymalhquic nincoo ningilanalhco ongilvoclha apnaclha Cristo apna netin aptajanem singyicpilquemoclha. Moclhama enlhit ellhovac sat acyanmongam ayinyema actamila apquiltemaclha naysicsa apquileyvam. Poc sat elvita acyanmongayclha ayinyema apquiltemaclha acmasom naysicsa apquileyvam as nalhpop.

GALATAS 3:28

Quilhvoc ningiltomja ningilanalhco ninpasmeyquiclha Cristo Jesús. Colhenalhquejec mocjam apvisay judío najan apvisay enlhit lhalhma anco najan apvisay apquilancam apmomap najan apvisay metnaja apmomap najan apvisay enlhit najan acvisay quilvana.

COLOSENSES 3:11

Melhenacpejec sat apvisay metnaja judíos najan apvisay judío apanco. Colhenalhquejec sat najan enlhit acyitna asoc monquinatquiscama najan enlhit mepqui asoc monquinatquiscama. Melhenacpejec sat enlhit metnaja nintemolhama najan enlhit nipvajac. Melhenacpejec sat aptomja apquimja apmamyi najan aptomja apquilancam. Elhenacpoc sat apvamlha Cristo. Quellhip eyca apquiltomja apquilyipitcayo.

COLOSENSES 3:24

Elyasamcojo quellhip yoyam ellhovamcoc acyanmongam ayinyema Visqui ingac. Ellhovac sat apquilmayclha acyitna netin. Ayinyemaclha quellhip apquiltomja Cristo apquilancam aptomja Apvisqui apancaoc.

COLOSENSES 3:25

Apquilvajanamquic sat ancoc quellhip actemaclha apquilsilhnanomap, elvitac sat acyanmongayclha apquiltemaclha apancaoc. Memyovejec mataa Dios lhama enlhit aptomja apquilsilhnanomap yoyam etanova poc. Apquilanomacpo sat eyanmongsiclha apquiltemaclha apancaoc.

HEBREOS 10:35

Noelvatsaoc nasa actemaclha melyasquiyam quellhip, ayinyemaclha acyiviy sat cotnejic apyanmonquiscama Dios actemaclha melyasquiyam quellhip.

HEBREOS 11:26

Apquiltamjoc nic nat Moisés elngamcojo apquilasmescama enlhitaoc aplhenamap Cristo, actomja malha acyiviy anco ningilnatam, am colhno acyovoclhojo apquilnatam acnaycaoc yoclhilhma Egipto. Ayinyemaclha inlhenquic nic nat apvalhoc Moisés Dios apmescama yoyam covac sat.