EFESIOS 6:5 - Enhlit Bible

⁵ Quellhip apquilancam. Elilyejiclhojo sat mataa apquilviscaa apancaoc as nalhpop naysicsa apquilayo najan apquilay najan actamilaycam apquilvalhoc. Ellhnasojo actemaclha mataa apquilancam Visqui ingac Cristo.

EFESIOS 6:5 Iomraidhean Croise

GÉNESIS 16:9

Aptomjac nic nat ángel apcanya quilvana: —Cotajojo sat mocjam acnaclha avisqui ac. Colyejiclhojo sat mataa acpayvam— nic nat aptomjac.

1 CRÓNICAS 29:17

Dios Visqui ingac, acyasamcoc coo, lhip apyasamcoc actemaclha ingvalhoc nincoo, apyispaquic lhip actemaclha acpeyvomo. Ingvalhoc acpeyvomo ayinyema sicmescama nasa as asoc. Najan ayinyema actamilaycam apquilvalhoc as enlhitaoc apquilmescama nasa apquilnatam.

SALMOS 123:2

Dios Visqui ingac. Ningilanoc lhip, malha ningmoncalhneycam apnaclha lhip. Malha ningiltimesaycam, ningilaneyo Visqui singilanya yavamlha ontimjic. Ningiljalhnec mataa yoyam jingimlimojo (jingilasicjojo).

SALMOS 86:11

Visqui ajac. Jeyascasingvom sat lhip aptemaclha, yoyam oltamsalhcac coo. Colhic sat mataa ayaco lhip ayinyema evalhoc coo.

MALAQUÍAS 1:6

Aptomjac alhta Dios Apyimtalhnamo: Apquilyajaclhoc mataa apquitcavoc apquilanama apyapmayc. Apquilyajaclhoc mataa apquiltimesaycam appayvam apvisqui apancaoc. Coo sicvisay Apquilyap quellhip, ¿so actomja yi meltomja selayo quellhip? Coo sicvisay Apvisqui apancaoc, ¿so actomja yi meljalhenmo sicpayvam quellhip? Nasoc anco sevennéycam quellhip naysicsa apquillhanma: ¿Co laa ayinyema ningvennéycam Dios? — apquiltomjac quellhip.

SAN MATEO 6:22

‘Ingataoc actomja ayitsasquiscama olhma ningyovoclhojo. Intasic ancoc ingataoc, colsacsic sat olhma ningyovoclhojo.

SAN MATEO 6:24

‘Mongvanquejec ongilanam apcanit apquilviscaa. Apcasicjavoc sat ancoc lhama, etanovac sat poc. Apcacoc sat ancoc lhama, evinam sat poc. Najan quellhip lha, colapvanquejec ellanam Dios Ingyapam najan lha solyayem —alhta aptomjac. Aptomjac alhta mocjam Jesús:

SAN MATEO 8:9

Alyajaclhoc mataa coo lha seyanya visqui ajac. Singilpilhtetemo ajac coo lha apnac. Actomjac coo mataa siyanya: Ilhing, aplhinquic mataa. Actomjac coo mataa siyanya poc: Ingyilhyim, apquilhyicmec mataa. Actomjac mataa siyanya selancam: Ilana sat asi, apquillanac mataa —alhta aptomjac.

LOS HECHOS 2:46

Am alhta coyeycajalhca moc apquiltemaclha. Apquilinlhanacmec alhta aclhamoclhojo acnim apquilyoyquiclha tingma apponquinomap. Apquilyaptama quilpasmongam alhta aptomjac moclhama tingma. Inquilpayjeclhec alhta mataa apquilvalhoc naysicsa aptoycaoc apquilpasmeyquiclha.

ROMANOS 9:3

Inlhenquic mataa evalhoc enaymacoc judíos apquiltomja sicmolhama. Evanquic sat ancoc omyoc enaymacoc acyanmongam seyamasma Cristo yoyam jetvacsic, altamjo inyicje otvasalhca acyanmongam enaymacoc.

1 CORINTIOS 2:3

Elvitac alhta quellhip sictemaclha moyimnatem najan actemaclha sicpilhyinamam ayinyema siyay.

1 CORINTIOS 7:22

Enlhit aptomja malha apquilancam apmomap naysicsa apyanmonquiscama apvalhoc. Eyca as etnejic apquilancam aptiyapma yoyam elanam Visqui ingac. Enlhit metnaja alhta apquilancam apmomap naysicsa apyanmonquiscama apvalhoc. Eyca as aptomja malha apmomap ayinyema Cristo.

2 CORINTIOS 1:12

Ningiltamjoc ongiltimnacsic quellhip actemaclha acyascamco anco ingvalhoc naysicsa acpayjayclha ingvalhoc: Ningyiplovcasquic mataa lhalhma anco actemaclha ningiltamilcasomalhco inganco najan lha nipyesicsa quellhip. Ingilpasmec alhta Dios ayinyema singasicjayo. Am alhta conyemac actemaclha ningyascamco inganco.

2 CORINTIOS 7:15

Inyangvocmec apcasicjayo ingyalhing Tito quellhip. Ayinyemaclha inlhenquic mataa apvalhoc actemaclha apquiljalhenmo quellhip najan actemaclha alhta apquilmam tacja quellhip. Yiplovcoc alhta ayay najan acpilhyinamam apquilvalhoc quellhip.

EFESIOS 5:22

Quellhiya quilvanaa. Colilyejiclhojo mataa anatamcaa naysicsa actamilaycam avalhaoc, acno alilyajayquiclho Visqui ingac.

EFESIOS 6:24

Altamjoc coo yoyam epasmoc Dios Ingyapam aplhamoclhojo apquiltomja apquilasicjayo Jesucristo Visqui ingac, apquiltomja apquilinlhanyacmo. Amén.

FILIPENSES 2:12

Quellhip elyalhinga. Inpayjeclhec evalhoc apquiltomja selyajayquiclho mataa naysicsa sicma nipyesicsa quellhip najan naysicsa sicma mocjay. Elinlhanmojo sat quellhip actemaclha apquilyajayquiclho. Elvascap sat naysicsa apquilay najan naysicsa apquilpilhyinamam yoyam elvomsacpoc tap.

FILEMON 1:16

Comascoc sat etnejic apvisay apquilancam. Etnejic sat eyca apvisay ingyalhing ningasicjayo. Avanjec siyasicjayo Onésimo. Incaymalhquic coyavojoc lhip apcasicjayo, molhno coo. Anit actemaclha yoyam ingyasicjojoc lhip: ayinyemaclha Onésimo aptomja lhip apquilancam najan lha aptomja apyalhing ayinyema apvisay Visqui ingac.

JOSUÉ 24:14

—Eltime sat apquilayo quellhip Dios Apyimtalhnamo. Eltimesam sat mataa Dios, acyiplomo actamilaycam apquilvalhoc. Etlhaoc sat quilaycmasquiscama, apquilmaycam nic nat apquilyeyjamcaa tap vatsam Éufrates najan maa yoclhilhma Egipto. Eltime sat mataa apquilayo Dios Apyimtalhnamo.

1 SAN PEDRO 3:2

Apquilvitac sat ancoc altemaclha altamilcasomalhco anco quellhiya, coyiplovjoc sat apquilyanmonquiscama apquilvalhoc mepqui altimnascama quellhiya.