EFESIOS 6:11 - Enhlit Bible

¹¹ Elma sat apquilmaycam ayinyema Dios yoyam elyimnac quellhip apquilinmelhma yavey diablo, malha singimpocjay.

EFESIOS 6:11 Iomraidhean Croise

NEHEMÍAS 4:13

Alapajasquic alhta enlhitaoc ajancaoc ingyaniclhac sat acvayveyquintamlha lhopactic, apjalhtam jalip, ayapalhquilha apjalhtam. Apquilmec alhta apquilmaycam sovjeva najan sovo acvinatem najan yanca apancaoc. Apcanaycam alhta aplhamoclhojo moclhama apmolhama.

SAN MARCOS 13:22

Elilhyemoc sat enlhit apquiltimesomap apanco Cristo najan profeta apmopvancaa amyaa. Ellhicmocsic sat asoc monquinatquiscama najan tamjaycam sinpilapquiscama. Apquililtamjo inyicje elyinimsic Dios apquitquic apquilyacyesomap.

ROMANOS 13:12

Incamquitvaac ayitsay yoyam comascoc alhtaa. Incamquitvaac acnim. Pac ongilvatsamcoc nintemaclha mataa naysicsa yatescamalhma. Pac ongilyiplovcasojo nintemaclha acpeyvomo, malha singilpilhtetemo apquilmam apquilmaycam apquileyvam acnim anco.

ROMANOS 13:14

Elyiplovquis sat aptemaclha Jesucristo. Elma sat apquilmaycam ayinyema Jesucristo Visqui ingac. Noelvajaniclhojo nasa quellhip actemaclha alitsepma apnenyaoc.

1 CORINTIOS 10:13

Inyipconalhquic mataa actemaclha mongyasquiyam nincoo acno najan poc enlhitaoc. Am eyeycajasac mataa appayvam Dios. Mengyanejec sat Dios jingyipconic mongvanco asoc. Ningilyipconalhquic sat ancoc mocjam, Dios sat jinlhicmosic yoyam ongilyipjongvomoc tap. Jingilpasmoc sat yoyam mongilsilhnanalhquejec nincoo.

2 CORINTIOS 10:4

Yitnec coo sicmaycam yoyam olnapalhca. Cotnaja ayinyema lhalhma anco, eyca ayinyema Dios actomja sicmaycam acyimnatem anco. Ingvanquic nincoo ongyiplovjoc ningilmaycam yoyam ongiltovacsic apquilyilhanmomaclha apquiltomja apquilinmelhaycam Dios.

2 CORINTIOS 11:3

Incacoc enquenyic elyinimsacpoc sat quellhip. Malha alyinimsomalhca intomjac apquilvalhoc quellhip, acno ilhnic nat nimisma acyinimquiscama Eva. Asilhtec quellhip apquilasicjayo Cristo.

2 CORINTIOS 2:11

Am ongiltamjoc yoyam colyintamalhcac yavey Satanás. Ayinyemaclha ningyasamcoc nincoo actemaclha anco yavey Satanás.

2 CORINTIOS 4:4

Ayinyemaclha apquilyascacmec tasic amyaa as enlhitaoc. Yatescamalhma intimescasac apquilvalhoc somquic quilyicjamo. Yoyam melvityejec sat ayitsayolhma actamila ayinyema tasic amyaa najan ayitsayolhma ayinyema Cristo. Ayinyemaclha Cristo apnoc Dios yoyam ongvita.

2 CORINTIOS 6:7

Najan actemaclha ninlingascama amyaa actomja nasoc anco najan actemaclha ningmovan ayinyema Dios. Ningilmec mataa ningilmaycam altamila, ongilnapalhca lhama nicja najan moc nicja.

EFESIOS 4:14

Quip elaylhojo. Mongvanquejec ontimjic nincoo mongyasquiyam malha sicaa. Mongvanquejec nincoo ongiltimesic mongyasquiyam, malha yingmin alyayajayam acyingam lhcajayam. Mongvanquejec nincoo ongilyejiclhojo aclhamoclhojo actemaclha amyaa yoyam jingilsilhnana. Apquiltamjoc mataa poc enlhit jingilsilhnana.

EFESIOS 4:24

Elyiplovquis actemaclha alhnancoc ayinyema apmayjayoclha Dios., Yoyam cotalhcac apquiltemaclha alhnancoc actomja nasoc anco najan actomja acpeyvomo najan actomja actamila.

EFESIOS 6:13

Elma sat apquilmaycam ayinyema Dios yoyam elyimnac quellhip apquilinmelhma acvaa sat acnim acmasom. Eltimjic sat quellhip mepqui apquilinyem.

COLOSENSES 3:10

Apquilmaclhec quellhip actemaclha apquilvalhoc alhnancoc. Apquiltamjoc Dios jingilaniclhac mataa yoyam sat ongilinmalhingvoclha aptemaclha apanco. Yoyam najan ongilyicpilcangvomoc acyovoclhojo aptemaclha apanco Dios.

1 TESALONICENSES 5:8

Incaymalhquic ontimjic mepqui singilyeyjamelhma ayinyemaclha nincoo ningileyvam acnim anco. Yitnec mataa apquilajapquiscama apnenyaoc singilpilhtetemo najan apquilajapquiscama apcatcoc naysicsa apquilnapomap. Incaymalhquic nincoo lha coytic mongyasquiyam najan ningilasicjayo najan aljalhneycam ingvalhoc ongilvomsalhca tap.

HEBREOS 7:25

Apvanquic mataa Jesús elvomsic tap apquiltomja apquilyoyquiclha apnaclha Dios, ayinyema apnalayclha Jesús. Ayinyemaclha Jesús aptomja apquilmilaneycaoc yoyam elmalhnesquisic mataa Dios yoyam epasmoc enlhitaoc.

SANTIAGO 4:7

Elilyejiclhojo quellhip Dios Ingyapam. Elinmelham sat yavey diablo, yejemoc sat conyejic.

1 SAN PEDRO 5:8

Eltamilsojo apquilvalhoc quellhip. Elantiyapmojo sat mataa. Ayinyemaclha innec cotnaja ingmoc acvisay diablo yavey. Actomja malha asoc navjac aclom. Intingyam mataa yoyam cajic.

SAN JUDAS 1:24

Dios aptomja apvamlha pac lhama. Aptomja singvomquiscama tap ayinyema Jesucristo Visqui ingac. Yitnec apmopvan Dios yoyam eltamilsic quellhip yoyam melsilhnanacpeje. Apvanquic Dios enaliclhac quellhip apnaclha mepqui apquilsilhnanomap acyiplom acpayjayclha apquilvalhoc. Ayinyemaclha Dios apna naysicsa ayitsayolhma. Innec ayaco Dios Ingyapam, aptomja apyimtalhnamo, acyitna apmopvan nanoc nic nat najan quilhvo nac jay najan cotmongvoycamlha nelha. Amén.

EL APOCALIPSIS 12:9

Intipsalhquic alhta netin sinavocpo najan allhalhmaa, innec alhta alhantamo as nalhpop. Ayinyemaclha actomja mataa alsilhnanoncama enlhitaoc lhalhma anco. Actomja acvisay nano nimisma, moc acvisay yavey diablo najan acvisay yavey Satanás.

EL APOCALIPSIS 19:20

Inmalhquic alhta asoc navjac aclom. Apmacpec alhta najan profeta apmopvan amyaa. Aptomja alhta apquillanay asoc sinpilapquiscama acyinatamaclha asoc navjac aclom. Apquilsilhnanaquic alhta mataa enlhitaoc malcajascama ayinyema asoc navjac aclom, apquiltomja apquilpayescamo quilaycmasquiscama asoc navjac aclom. Alhnanco alhta inyinyovalhcac asoc navjac aclom naysicsa talha acvanyam. Apjalhnanco alhta najan apyinyovacpoc profeta apmopvan amyaa naysicsa talha acvanyam, macpalhaquiscama azufre.

EL APOCALIPSIS 2:24

Actomjac coo silanya apnaymacoc apnaycam tingma Tiatira: Am alhta elyiplovcasac quellhip actemaclha aclhenomalhca asoc acyilhomalhca ayinyema yavey Satanás. Am oltamjoc oyimtalhnesic apquilvalhoc quellhip.

JUECES 3:2

Incaymalhquic nic nat israelitas aptovana elyasingvomoc actemaclha ningimpocjay apquiltemaclha nano.