EFESIOS 5:8 - Enhlit Bible

⁸ Quellhip apquiltemaclha nano acvisay apquileyvam naysicsa yatescamalhma. Quilhvo eyca apquiltomja apquilpasmeyquiclha Visqui ingac apquiltomja apquileyvam naysicsa ayitsayolhma. Eltime sat quellhip enlhit apquilsasquiscamalhma.

EFESIOS 5:8 Iomraidhean Croise

SALMOS 74:20

Coyit apatic lhip aplhanma apmayjayoclha. Yitnec apquilyilhanmomaclha lhalhma anco. Apquilpecjam jingiltovacsic (jingilnapoc).

ISAÍAS 2:5

Quellhip Jacob aptovana. Noc, ongileyoc sat mataa ayitsayoclhilhma ayinyema Dios.

ISAÍAS 42:16

Onaliclhac sat mepqui apataoc amay alhnancoc. Onaliclhac sat enlhit amay pac melvitayaclha. Omascocsic sat yatescamalhma. Cotniclhac sat ayitsayolhma. Opeyvasiclhac sat alvoyam congne, cotnejic acpeyvomo. Eycaso sicmovan otnejic as asoc. Osavojoc sat acyovoclhojo.

ISAÍAS 49:6

Aptomjac alhta seyanya: Lhip aptomja siyasinancama, jave acvamlha yoyam ingyansiclhac apyovoclhojo israelitas najan apnalayquinta apquilaymomap israelitas. Otnesquisic sat lhip, etnejic apquitsasquiscama olhma nipyesicsa enlhitaoc lhalhma anco, yoyam elvomsacpoc sat tap apyovoclhojo enlhitaoc acvaycmo nelha lhopactic (nalhpop) — alhta aptomjac seyanya.,

ISAÍAS 49:9

Otnejic sat ongvanic apquilmomap: am eltomjac quellhip apquilmomap, eltajiclha. Najan apquilanyacpo apquileyvam yatescamalhma: Elmiyama jilip, elvitacpoc quellhip — sat otnejic ongvanic. Elvitac sat quellhip aptoycaoc nalhit amay. Elvitac sat aptoycaoc apnatoscama nipquesic netin inquilhe actamopeycaoc.

ISAÍAS 50:10

Quellhip apquiltomja apquilayo Visqui ingac, apquiltomja apquiljalhenmo appayvam Visqui apcasinancama: Apquileyvec sat ancoc yatescama olhma, melvitay ayitsay olhma, noelyasquim nasa quellhip Visqui ingac aptomja singmasma nincoo.

ISAÍAS 9:2

Apquileyvec nat enlhitaoc naysicsa yatescama olhma. Pilapcasquic nat apquilvita ayitsasquiscama olhma. Actomja ayitsasquiscama olhma nipyesicsa enlhit apquileyvam naysicsa yatescama olhma.

JEREMÍAS 13:16

Eltime sat apquilayo Dios Visqui apancaoc quellhip. Covac sat yatescama olhma, elpilapmoc sat quellhip apquileyvam inquilhe. Cotniclhac sat yatescama olhma, colhojoc sat pisquisca acvanyam, naysicsa apquiljalhanma quellhip ayitsay olhma.

SAN MATEO 3:8

Eltamilsojo sat apquiltemaclha, yoyam cotnatsalhquejec sat actomja apquilyanmonquiscama apquilvalhoc.

SAN MATEO 4:16

Apquilvitac ayitsayolhma acvanyam enlhitaoc apnaycam yatesaclhilhma. Apquilvitac ayitsayolhma enlhitaoc apnaycam ayajapvoy pisquisca actemaclha ningitsepma —ilhnic nat intomjac appayvam.

SAN LUCAS 1:79

Colsacsic sat ilhma enlhit apnaycam yatesaclhilhma najan ayajapvoy pisquisca apquilitsepma. Jinnaliclhac sat amay actemaclha actamila ingvalhoc. —alhta aptomjac Zacarías.

SAN LUCAS 16:8

Aptomjac nic nat apcanya apvisqui: “Mayordomo apmapsom nac lhip. Aptemaclha apyascamco apanco lhip” —nic nat aptomjac. Aptomjac alhta mocjam Jesús: Apquilyascamco apanco enlhit lhalhma anco nipyesicsa apnaymacoc. Am elhnoc enlhit apquileyvam ayitsayoclhilhma —alhta aptomjac.

SAN JUAN 1:9

Apquilhyacme aptomja apquilsasquiscama olhma aptomja nasoc anco. Apquilsascasquic alhta olhma aplhamoclhojo enlhit.

SAN JUAN 12:35

Aptomjac alhta Jesús apquilanya: —Am covanco apnaycamo lhama quellhip ayitsayolhma. Ayitsayolhma innac mocjam quellhip, eltiyasam sat quellhip. Lha eyqui nasa covac yatesaclhilhma. Aptiyasam sat ancoc enlhit yatescamalhma, meyasamquejec sat apyasaclha (elhnanmoc sat).

SAN JUAN 12:36

Ayitsayolhma innac mocjam quellhip. Noelyasquim nasa ayitsayolhma, yoyam eltimjic quellhip ayitsayolhma ayitquic —alhta aptomjac. Lhama alhta apsovja aplhanma as asoc. Aplhinquic alhta Jesús. Apyilhacpoc alhta apna.

SAN JUAN 12:46

Coo sictimem ayitsayolhma. Acvaac coo as nalhpop, yoyam melhnam yatescamalhma enlhit apquiltomja mejelyasquiyam.

SAN JUAN 8:12

Yejemoc alhta apquiltimnasamcaa mocjam Jesús: —Coo sictimem siyitsasquiscamalhma enlhit lhalhma anco. Seyiploycam sat ancoc enlhit, colhic sat ayitsayolhma. Colhic sat acyimnatem apnenyic ayinyema ayitsayolhma. Metyisamejec sat mataa acyinatesaclhilhma.

LOS HECHOS 17:30

Am colhenam apvalhoc Dios Ingyapam apquiltemaclha ilhnic nat enlhitaoc melyascamco. Quilhvo eyca apquilanyacpo aplhamoclhojo enlhit lhalhma anco, yoyam elyanmongsic apquilvalhoc.

LOS HECHOS 26:18

Ongvapajacsic sat lhip, yoyam elvitasiclha olhma enlhitaoc. Yoyam meleyoc mocjam yatesaclhilhma, eyca eleyoc sat ayitsayoclhilhma. Yoyam melyiplaclha Satanás acmovan, eyca elyiplovjoc sat Dios Ingyapam. Yoyam mejelyascamejec sat coo najan yoyam colmascosalhca melyascalhma. Yoyam najan elpalhacsacpoc enlhit apquilponquinomap” —alhta aptomjac Jesús seyanya coo —alhta aptomjac Pablo.

ROMANOS 1:21

Apquilyasamco inyicje as enlhitaoc apna netin Dios. Am eyca eltomjac apquilayo, am najan eltomjac gracias Dios ayinyema apcaycaoc. Inquilquitamquic mataa apquilvalhoc asoc almasomcaa. Am colmac apquilvalhoc actamila ayinyema Dios, malha yatescamalhma intomjac apquilvalhoc.

ROMANOS 13:12

Incamquitvaac ayitsay yoyam comascoc alhtaa. Incamquitvaac acnim. Pac ongilvatsamcoc nintemaclha mataa naysicsa yatescamalhma. Pac ongilyiplovcasojo nintemaclha acpeyvomo, malha singilpilhtetemo apquilmam apquilmaycam apquileyvam acnim anco.

ROMANOS 2:19

Apcanayquic lhip nasoc anco apmopvan eyantimiclha mepqui apataoc. Najan ingyipvanic ingyitsasquisic olhma enlhitaoc apnaycam yatescamalhma.

1 CORINTIOS 1:30

Quellhip apquiltomja apquilpasmeyquiclha Cristo ayinyema Dios. Cristo ayinyema actemaclha ningyascamcolhma najan actemaclha ningilpeyvomo najan actemaclha ningiltamilcasomalhco inganco najan actemaclha ningilvomsomalhca tap. Eycaso ayinyema apmayjayoclha Dios.

2 CORINTIOS 3:18

Nincoo ninlhamoclhojo, am coyitnac ninglalascama ningaat apava. Yitnec mataa ningaat ayitsayolhma apanco Visqui ingac. Malha laneyo intalhamavo intomjac ningaat. Invitalhquic ningaat acyitna ayitsayolhma ayinyema Visqui ingac. Ongilinmalhingvoclhac sat nincoo aptemaclha Cristo. Inyangvocmec mataa ayitsayolhma apanco, inyangvocmec najan ayapongmatem ningaat. Eycaso aptimesquiscama Dios Visqui ingac ayinyema Espíritu apanco.

2 CORINTIOS 4:6

Aptomjac nic nat Dios: “Colsacsic sat olhma naysicsa yatescamalhma” —nic nat aptomjac. Eyca as Dios aptomja apquitsasquiscama olhma ingilvalhoc. Apquiltamjoc Dios yoyam ongyicpilcojo ayitsayolhma apanco, acyitna apvalhoc Jesucristo.

2 CORINTIOS 6:14

Actomjac coo silanya quellhip: Noeltime nasa apquilpasmeyquiclha metnaja Jesucristo apmolhama. Ayinyemaclha actemaclha acpeyvomo cotnaja acpasmeyquiclha actemaclha acmasom. Najan lha ayitsayolhma cotnaja acpasmeyquiclha yatescamalhma.

GALATAS 5:25

Ningyiplovcasquic nincoo actemaclha ayinyema Espíritu apanco Dios. Espíritu Santo aptimesquiscama ingvalhoc yoyam ongyiplovcasojo.

EFESIOS 2:2

Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam.

EFESIOS 4:18

Somcoc mataa alquitamsama apquilvalhoc. Malha yatescamalhma intomjac apquilvalhoc. Am elyasamcoc as enlhitaoc actemaclha acyimnatem ingnenyic ayinyema Dios. Am colmac apquilvalhoc Dios appayvam.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

EFESIOS 6:12

Am ongilnapalhcac nincoo mataa enlhit. Ningilnapalhquic nincoo singinmelhaycam acmovan mongvitay najan singinmelhaycam actomja alyimtalhnamo naysicsa yatescamalhma as nalhpop najan singinmelhaycam quilyicjamo almasomcaa acnaycam tecjinlhit.

COLOSENSES 1:12

Eltimjic sat gracias Ingyapam naysicsa acpayjayclha apquilvalhoc. Apquiltamjoc yoyam ellhovac quellhip apmescama apquilpasmeyquiclha Dios apquilyacyescama naysicsa ayitsayoclhilhma apanco.

COLOSENSES 1:13

Ningnec alhta inyicje naysicsa yatescamalhma, malha singilmam. Ingilyinyovcasquic alhta yatesaclhilhma Dios. Ingilnescaclhec alhta apquilnancascama Apquitca aptomja Visqui ingac.

TITO 3:3

Yitnec nat nincoo lha nintemaclha inganco, actemaclha mongilyascamco najan actemaclha mongilyajayquiclho Dios. Ningillhinganacmec nat ninlhamoclhojo. Ningyiplovcasquic nat actemaclha ayitsepma ingnenyaoc asoc almasomcaa. Najan actemaclha ningyasipquiscama ingmoc. Najan actemaclha ningiltanoncama ingnaymacoc najan actemaclha ningiltanovmalhca ningyesicsa.

1 SAN JUAN 1:7

Apnec mataa Dios naysicsa ayitsayolhma, ongiltimjic sat ningilpasmeyquiclha nincoo. Dios Apquitca Jesucristo em pac actomja acmascoscama mongilyascalhma.