EFESIOS 5:4 - Enhlit Bible

⁴ Noelyiplovquis nasa apquilpayvam actemaclha singmanquiscama najan actemaclha apquillhamasomap najan apquiltamongvaycmolhma apquilpayvam. Eycaso cotnaja nintemaclha actamila. Eltime sat mataa gracias Dios Ingyapam.

EFESIOS 5:4 Iomraidhean Croise

SALMOS 33:1

Elitsovacsojo quellhip apquilpeyvomo naysicsa apquillhanma apvisay Visqui ingac. Eltime sat apquilayo quellhip acyitna actamilaycam apquilvalhoc.

SALMOS 92:1

Visqui Apyimtalhnamo. Tasic anco ontimjic gracias lhip. Ontimjic sat ningayo lhip naysicsa ningminaycmascama.

PROVERBIOS 12:23

Mepqui ningilinlhanyacmo ningiltimnascama, acyitna inlhojo acyascamco ingvalhoc. Avanjec mataa aplingascama aptemaclha apanco enlhit acyeyjamelhma.

PROVERBIOS 15:2

Cotnejic sat ningilyataycam actamila, ayinyema actemaclha ingvalhoc acyascamco. Najan ningilyataycam acmasom, ayinyema actemaclha ingvalhoc acyeyjamelhma.

ECLESIASTÉS 10:13

Siclhoc acyeyjamelhma appayvam, natamin etnejic ayanem appayvam.

DANIEL 6:10

Aplingac nic nat amyaa Daniel singanamaclha alhnancoc ayinyema apvisqui rey. Aptajaclhec nic nat Daniel. Apliquic nic nat tingma apac atnaoc ayitcoc, apquilaneyo payjoc apcaoclha tingma Jerusalén. Apticlhiquic nic nat aptapnaoc Daniel, aptomja apcayo Dios Apyimtalhnamo. Apvajanamquic nic nat Daniel aptemaclha nano, etnejic apquilmalhnancama alhtoo, najan ingyitsicso acnim najan actalhnacmo.,

SAN MARCOS 7:22

ningminyilhma, ayitsepma ingnenyic asoc, nintamjaycam acmasom, ningyinimquiscama, nintemaclha acmasom, ningilyasipcascam, ningilyamneycam, ningyimtalhnesomalhca, mongyascamcolhma.

SAN JUAN 6:23

Yejemoc alhta alvactamo moc barco. Tingma Tiberias alhta inquilinyectac. Inquilvoctac alhta barco aptomacpilha quilpasmongam, acpayjo aptemaclha gracias alhta Jesús.

ROMANOS 1:28

Am colyacmoc as enlhitaoc elyasamcojo aptemaclha Dios. Am alhta elyasalhma Dios apquiltemaclha apancaoc. Apquilyiplovcasquic alhta alquitamsama apquilvalhoc almasomcaa, yoyam elvajanamcoc apquiltemaclha apancaoc.

2 CORINTIOS 1:11

Incaymalhquic jingilpasmoc quellhip yoyam jingilmalhnesquisic. Incaymalhquic eltimjic aplhamoclhojo enlhitaoc gracias Dios Ingyapam naysicsa apquililmalhnancama, ayinyema Dios alhta singilpasmom.

2 CORINTIOS 9:15

Gracias actomjac coo Dios Ingyapam ayinyema singmescama cotlaycaoc singaycaoc, mongvanquejec ongilyipsitic.

EFESIOS 1:16

Alinlhanacmec coo silmalhnesquiscama quellhip naysicsa sictimem gracias Dios Ingyapam.

EFESIOS 4:29

Noelpametam nasa acmasom apquilpayvam. Elpametam mataa actamila apquilpayvam yoyam comoc apquilvalhoc apquiltomja apquillingay.

FILIPENSES 4:6

Nocollhenam nasa apquilvalhoc asoc. Eliltimnas sat Dios Ingyapam actemaclha allhanma apquilvalhoc naysicsa apquililmalhnancama. Elilmalhna sat asoc, eltime sat gracias asoc apquillhoy.

COLOSENSES 3:8

Elvatsaoc sat quellhip aclhamoclhojo as asoc: ninlom, ningnatjemo, nintemaclha acmasom, actemaclha acmasom ninpayvam, nintipquiscama apvisay ingmoc.

1 TESALONICENSES 3:9

Avanjec nincoo nintimem gracias Dios Ingyapam. Avanjec anco acpayjayclha ingilvalhoc napato Dios, quellhip ayinyemaclha.

1 TESALONICENSES 5:18

Eltime sat mataa gracias Dios Ingyapam. Eycaso actomja apmayjayoclha Dios yoyam elvajanamcojo quellhip melyasquiyam Cristo Jesús.

FILEMON 1:8

Inlhenquic evalhoc lhama asoc. Yitne inyicje coo sicmovan ayinyema Cristo yoyam ongvasinac lhip. Am eyca oltamjoc coo.

HEBREOS 13:15

Ingilane sat ongiltimjic ningilayo Dios ayinyema apvisay Jesucristo. Eycaso ningilayo actomja asoc macmescama Dios. Ninlhanma apvisay apanco actomja malha acyilhna actamila anco ningmescama Dios.

2 SAN PEDRO 2:18

Alhtoc mataa apquilyimtalhnesac apquilpayvam. Apquilvajanamquic mataa alitsepma apnenyaoc najan actemaclha apquiltamongvaycmolhma. Apquilsilhnanaquic mataa yoyam elvajaniclhojo quilhvo apquilyanmonquiscama apquilvalhoc.

2 SAN PEDRO 2:7

Apvocmec nic nat tap enlhit apvisay Lot aptomja appeyvomo. Yimtilhec nic nat mataa apvalhoc Lot apvita apquiltemaclha apquilmapsomcaa.

SAN JUDAS 1:10

Eyca as enlhitaoc apquiltomja apquilyamneycam asoc melyascamco. Acvamlha apvancaac elvajanamcoc actemaclha asoc navjac mepqui alyascamco. Apquilsilhnanacpec mataa apanco naysicsa apquilvajaneycaoc.

SAN JUDAS 1:13

Apquilyitsomacpo yingmin alyayajayam altomja alpatmeyam asoc ápaoc. Invitalhquic mataa apquiltemaclha almasomcaa as enlhitaoc, malha acyamopoy netin yingmin. Apquilyitsomacpo apyova apquillhingam. Eltamopongvomoc sat yatesaclhilhma cotmongvoycamlha nelha.